ਪੀਟੀਯੂ ਵਿਖੇ ਦੋ-ਰੋਜ਼ਾ ਵਰਕਸ਼ਾਪ ਕਰਵਾਈ

- ਕੰਪਿਊਟਰ ਸਾਇੰਸ ਐਂਡ ਇੰਜੀਨੀਅਰਿੰਗ ਵਿਭਾਗ ਵੱਲੋਂ ਕੀਤਾ ਗਿਆ ਆਯੋਜਨ ਅਮਰੀਕ ਸਿੰਘ ਮੱਲ੍ਹੀ, ਪੰਜਾਬੀ ਜਾਗਰਣ ਕਪੂਰਥਲਾ : ਆਈਕੇ ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ (ਆਈਕੇਜੀਪੀਟੀਯੂ), ਮੁੱਖ ਕੈਂਪਸ ਕਪੂਰਥਲਾ ਦੇ ਕੰਪਿਊਟਰ ਸਾਇੰਸ ਤੇ ਇੰਜੀਨੀਅਰਿੰਗ ਵਿਭਾਗ ਵੱਲੋਂ 10-11 ਮਾਰਚ, 2026 ਨੂੰ ਯੂਨੀਵਰਸਿਟੀ ਦੇ ਮੁੱਖ ਕੈਂਪਸ ਵਿਖੇ “ਇਮਰਜਿੰਗ ਟੈਕਨਾਲੋਜੀਆਂ : ਵੈੱਬ ਡਿਵੈਲਪਮੈਂਟ, ਕਲਾਉਡ ਸੁਰੱਖਿਆ ਤੇ ਏਆਈ/ਐੱਮਐੱਲ-ਅੱਜ ਦੀਆਂ ਸਭ ਤੋਂ ਵੱਧ ਮੰਗ ਵਾਲੀਆਂ ਤਕਨਾਲੋਜੀਆਂ ਸਿੱਖੋ” ਸਿਰਲੇਖ ਵਾਲੀ ਦੋ-ਰੋਜ਼ਾ ਵਰਕਸ਼ਾਪ ਦਾ ਆਯੋਜਨ ਕੀਤਾ ਗਿਆ। ਇਹ ਵਰਕਸ਼ਾਪ ਜਲੰਧਰ ਸਥਿਤ ਇਕ ਉਦਯੋਗ-ਕੇਂਦ੍ਰਿਤ ਤਕਨਾਲੋਜੀ ਤੇ ਸਾਫਟਵੇਅਰ ਵਿਕਾਸ ਸੰਗਠਨ, ਓ7 ਸਰਵਿਸਿਜ਼ ਦੇ ਸਹਿਯੋਗ ਨਾਲ ਆਯੋਜਿਤ ਕੀਤੀ ਗਈ ਸੀ। ਸੈਸ਼ਨ ਵਿਚ ਐਕਸਪਰਟ ਵਜੋਂ ਵਿਪਿਨ ਮਹਿਰਾ, ਸੀਈਓ ਤੇ ਓ7 ਸਰਵਿਸਿਜ਼ ਦੇ ਸੀਟੀਓ ਗੌਰਵ ਸ਼ਰਮਾ ਸ਼ਾਮਲ ਹੋਏ। ਉਨ੍ਹਾਂ ਆਪਣੀ ਤਕਨੀਕੀ ਟੀਮ ਦੇ ਨਾਲ ਮਿਲਕੇ ਜਾਣਕਾਰੀ ਸਾਂਝੀ ਕੀਤੀ। ਵਰਕਸ਼ਾਪ ਦੌਰਾਨ ਵਿਦਿਆਰਥੀਆਂ ਨੂੰ ਫੁੱਲ ਸਟੈਕ ਡਿਵੈਲਪਮੈਂਟ, ਕਲਾਉਡ ਤੇ ਕਲਾਉਡ ਸੁਰੱਖਿਆ ਤੇ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਸਮੇਤ ਆਧੁਨਿਕ ਤਕਨਾਲੋਜੀਆਂ ਤੋਂ ਜਾਣੂ ਕਰਵਾਇਆ ਗਿਆ। ਮਾਹਿਰਾਂ ਨੇ ਫਰੰਟਐਂਡ ਤੇ ਬੈਕਐਂਡ ਤਕਨਾਲੋਜੀਆਂ ਜਿਵੇਂ ਕਿ ਐਂਗੂਲਰ, ਰੀਐਕਟ ਜੇਐੱਸ ਤੇ ਨੋਡ ਜੇਐੱਸ ਦੇ ਨਾਲ-ਨਾਲ ਕਲਾਉਡ ਪਲੇਟਫਾਰਮ ਜਿਵੇਂ ਕਿ ਮਾਈਕ੍ਰੋਸਾਫਟ ਅਜ਼ੂਰ, ਵਰਚੁਅਲ ਮਸ਼ੀਨਾਂ ਤੇ ਜੇਨਕਿੰਸ ਦੀ ਵਰਤੋਂ ਕਰਦੇ ਹੋਏ ਸੀਆਈ/ਸੀਡੀ ਬਾਰੇ ਦੱਸਿਆ। ਸੈਸ਼ਨਾਂ ਵਿਚ ਆਰਟੀਫੀਸ਼ੀਅਲ ਇੰਟੈਲੀਜੈਂਸ, ਨੈਚੁਰਲ ਲੈਂਗੂਏਜ ਪ੍ਰੋਸੈਸਿੰਗ (ਐੱਨਐੱਲਪੀ) ਤੇ ਏਆਈ ਏਜੰਟਾਂ ਨਾਲ ਜੈਨਰੇਟਿਵ ਏਆਈ ਵਰਗੇ ਉੱਭਰ ਰਹੇ ਖੇਤਰਾਂ ਨੂੰ ਵੀ ਸ਼ਾਮਲ ਕੀਤਾ ਗਿਆ। ਇਹ ਵਰਕਸ਼ਾਪ ਉਪ-ਕੁਲਪਤੀ ਪ੍ਰੋ. ਡਾ ਸੁਸ਼ੀਲ ਮਿੱਤਲ ਦੀ ਯੋਗ ਅਗਵਾਈ ਵਿਚ ਕੰਪਿਊਟਰ ਸਾਇੰਸ ਤੇ ਇੰਜੀਨੀਅਰਿੰਗ ਵਿਭਾਗ ਦੇ ਮੁਖੀ ਡਾ. ਰਾਜੀਵ ਬੇਦੀ ਦੀ ਨਿਗਰਾਨੀ ਹੇਠ ਕਰਵਾਈ ਗਈ। ਵਿਦਿਆਰਥੀਆਂ ਤੇ ਫੈਕਲਟੀ ਮੈਂਬਰਾਂ ਨੇ ਇੰਟਰਐਕਟਿਵ ਸੈਸ਼ਨਾਂ ਤੇ ਵਿਹਾਰਕ ਪ੍ਰਦਰਸ਼ਨਾਂ ਵਿਚ ਉਤਸ਼ਾਹ ਨਾਲ ਹਿੱਸਾ ਲਿਆ। ਵਰਕਸ਼ਾਪ ਨੇ ਉਦਯੋਗ-ਸਬੰਧਤ ਤਕਨਾਲੋਜੀਆਂ ਨੂੰ ਕੀਮਤੀ ਐਕਸਪੋਜ਼ਰ ਪ੍ਰਦਾਨ ਕੀਤਾ ਤੇ ਅਕਾਦਮਿਕ ਸਿੱਖਿਆ ਤੇ ਵਿਹਾਰਕ ਉਦਯੋਗ ਦੀਆਂ ਜ਼ਰੂਰਤਾਂ ਵਿਚਕਾਰ ਪਾੜੇ ਨੂੰ ਪੂਰਾ ਕਰਨ ਵਿਚ ਮਦਦ ਕੀਤੀ ।