ਰਮਨ ਸ਼ਰਮਾ ਮਾਂ ਬਗਲਾਮੁਖੀ ਧਾਮ ਦੇ ਉਪ ਪ੍ਰਧਾਨ ਨਿਯੁਕਤ

ਆਸ਼ੀਸ਼ ਸ਼ਰਮਾ ਪੰਜਾਬੀ ਜਾਗਰਣ ਫਗਵਾੜਾ : ਨਕੋਦਰ ਰੋਡ ’ਤੇ ਹਦੀਆਬਾਦ ਵਿਖੇ ਸਥਿਤ ਸ਼ਿਵ ਸ਼ਕਤੀ ਮਾਂ ਬਗਲਾਮੁਖੀ ਧਾਮ ਵਿਖੇ ਹਫਤਾਵਾਰੀ ਯੱਗ ਦਾ ਆਯੋਜਨ ਪ੍ਰਧਾਨ ਪੰਡਿਤ ਵਿਜੇ ਸ਼ਾਸਤਰੀ ਦੀ ਨਿਗਰਾਨੀ ਹੇਠ ਕੀਤਾ ਗਿਆ। ਇਸ ਯੱਗ ਵਿਚ ਰੀਟਾ ਕਾਲੜਾ ਤੇ ਰਮਨ ਸ਼ਰਮਾ ਨੇ ਮੁੱਖ ਯਜਮਾਨ ਵਜੋਂ ਹਿੱਸਾ ਲਿਆ। ਮੰਦਰ ਪ੍ਰਬੰਧਨ ਕਮੇਟੀ ਨੇ ਰਮਨ ਸ਼ਰਮਾ ਨੂੰ ਮੰਦਰ ਪ੍ਰਬੰਧਨ ਕਮੇਟੀ ਦਾ ਉਪ ਪ੍ਰਧਾਨ ਨਿਯੁਕਤ ਕੀਤਾ ਤੇ ਉਨ੍ਹਾਂ ਨੂੰ ਮਾਂ ਦੇਵੀ ਦੇ ਸਿਰੋਪਾਓ ਨਾਲ ਸਨਮਾਨਿਤ ਕੀਤਾ। ਉਨ੍ਹਾਂ ਕਿਹਾ ਕਿ ਮਾਂ ਦੇਵੀ ਦੇ ਆਸ਼ੀਰਵਾਦ ਦੇ ਨਤੀਜੇ ਵਜੋਂ ਗੌਤਮ ਪਰਿਵਾਰ ਨੂੰ ਸ਼ਿਵ ਸ਼ਕਤੀ ਮਾਂ ਬਗਲਾਮੁਖੀ ਧਾਮ ਵਿਖੇ ਹਵਨ ਕਰਨ ਤੇ ਸੇਵਾ ਕਰਨ ਦਾ ਮੌਕਾ ਮਿਲਿਆ ਹੈ। ਸ਼ਰਮਾ ਨੇ ਭਰੋਸਾ ਦਿੱਤਾ ਕਿ ਉਹ ਧਾਮ ਵਿਖੇ 28 ਮਾਰਚ 2026 ਨੂੰ ਹੋਣ ਵਾਲੀ ਸ਼੍ਰੀਮਦ ਭਾਗਵਤ ਕਥਾ ਵਿਚ ਸਰਗਰਮੀ ਨਾਲ ਹਿੱਸਾ ਲੈਣਗੇ ਤੇ ਜਿੰਨਾ ਸੰਭਵ ਹੋ ਸਕੇ ਸਹਾਇਤਾ ਪ੍ਰਦਾਨ ਕਰਨਗੇ। ਹਵਨ ਦੇ ਅਚਾਰਿਆ ਪੰਡਿਤ ਵਿਸ਼ਾਲ ਸ਼ੁਕਲਾ ਨੇ ਵੈਦਿਕ ਮੰਤਰਾਂ ਨਾਲ ਯੱਗ ਕੀਤਾ। ਇਸ ਮੌਕੇ ਰੁਪੇਸ਼ ਧੀਰ, ਇਸਤਰੀ ਸਤਿਸੰਗ ਸਭਾ ਦੇ ਪ੍ਰਧਾਨ ਆਰਜੂ ਸ਼ਰਮਾ, ਰਮਾ ਸ਼ਰਮਾ, ਗੌਰੀ ਸ਼ਰਮਾ, ਮੰਜੂ ਪਰਾਸਰ, ਸਰਿਤਾ ਸ਼ਰਮਾ, ਆਰਤੀ, ਬਾਬਾ, ਪੁਸ਼ਪਾ ਗੁਪਤਾ, ਵੈਜਯੰਤੀ ਗੁਪਤਾ, ਸੁਨੀਲ ਗੁਪਤਾ, ਤਰੁਣ ਮਿੱਤਲ, ਸੁਨੀਲ ਸ਼ਰਮਾ ਆਦਿ ਵੀ ਹਾਜ਼ਰ ਸਨ।