ਐੱਮਜੀਐੱਨ ’ਚ ਹੋਈ ਐੱਨਸੀਸੀ ਏ ਸਰਟੀਫਿਕੇਟ ਦੀ ਪ੍ਰੀਖਿਆ

ਅਮਰੀਕ ਸਿੰਘ ਮੱਲ੍ਹੀ, ਪੰਜਾਬੀ ਜਾਗਰਣ ਕਪੂਰਥਲਾ : ਐੱਨਸੀਸੀ ਕੈਡਿਟਾਂ ਦੀ ‘ਏ ਸਰਟੀਫਿਕੇਟ ਪ੍ਰੀਖਿਆ 21 ਪੰਜਾਬ ਬਟਾਲੀਅਨ ਐੱਨਸੀਸੀ ਜਲੰਧਰ ਗਰੁੱਪ ਦੇ ਤਹਿਤ ਐੱਮਜੀਐੱਨ ਪਬਲਿਕ ਸਕੂਲ ਕਪੂਰਥਲਾ ਵਿਚ ਸਫਲਤਾਪੂਰਵਕ ਕਰਵਾਈ ਗਈ। ਇਸ ਮੌਕੇ ਲਗਭਗ 542 ਕੈਡਿਟਾਂ ਨੇ ਲਿਖਤੀ ਪ੍ਰੀਖਿਆ ਵਿਚ ਭਾਗ ਲਿਆ, ਜੋ ਸਵੇਰੇ 10 ਵਜੇ ਸ਼ੁਰੂ ਹੋ ਕੇ 1 ਵਜੇ ਸਮਾਪਤ ਹੋਈ। ਲਿਖਤੀ ਪ੍ਰੀਖਿਆ ਤੋਂ ਬਾਅਦ ਡ੍ਰਿਲ, ਹਥਿਆਰ ਟ੍ਰੇਨਿੰਗ, ਨਕਸ਼ਾ ਪੜ੍ਹਾਈ ਤੇ ਫੀਲਡ ਕ੍ਰਾਫਟ ਤੇ ਬੈਟਲ ਕ੍ਰਾਫਟ ਦੀਆਂ ਪ੍ਰਯੋਗਿਕ ਪ੍ਰੀਖਿਆਵਾਂ ਕਰਵਾਈਆਂ ਗਈਆਂ। ਇਸ ਮੌਕੇ ਸੀਲਬੰਦ ਪ੍ਰਸ਼ਨ ਪੱਤਰ ਬਾਕਸ ਨੂੰ ਕੈਡਿਟਾਂ ਦੀ ਮੌਜੂਦਗੀ ਵਿਚ ਅਧਿਕਾਰੀਆਂ ਦੇ ਬੋਰਡ ਵੱਲੋਂ ਖੋਲ੍ਹਿਆ ਗਿਆ, ਜਿਸ ਨਾਲ ਪ੍ਰੀਖਿਆ ਪ੍ਰਕਿਰਿਆ ਵਿਚ ਪਾਰਦਰਸ਼ਤਾ ਯਕੀਨੀ ਬਣਾਈ ਗਈ। ਇਹ ਪੂਰੀ ਪ੍ਰੀਖਿਆ ਪ੍ਰਕਿਰਿਆ ਸ਼ਾਂਤੀਪੂਰਵਕ ਤੇ ਬਿਨਾਂ ਕਿਸੇ ਅਣਚਾਹੀ ਘਟਨਾ ਦੇ ਸੰਪੰਨ ਹੋਈ। ਵਿਸ਼ਰਾਮ ਦੌਰਾਨ ਕੈਡਿਟਾਂ ਲਈ ਜਲਪਾਨ ਦੀ ਵਿਵਸਥਾ ਕੀਤੀ ਗਈ, ਜਿਸਦਾ ਉਨ੍ਹਾਂ ਨੇ ਆਨੰਦ ਮਾਣਿਆ। ਪ੍ਰੀਖਿਆ ਦਾ ਸੁਚੱਜਾ ਆਯੋਜਨ ਐੱਨਸੀਸੀ ਅਧਿਕਾਰੀਆਂ ਦੀ ਕੁਸ਼ਲ ਯੋਜਨਾ ਤੇ ਉਤਕ੍ਰਿਸ਼ਟ ਸਹਿਯੋਗ ਦਾ ਪ੍ਰਮਾਣ ਸੀ। ‘ਏ’ ਸਰਟੀਫਿਕੇਟ ਪ੍ਰੀਖਿਆ ਐੱਨਸੀਸੀ ਕੈਡਿਟਾਂ ਲਈ ਇਕ ਮਹੱਤਵਪੂਰਨ ਉਪਲੱਬਧੀ ਹੈ ਤੇ ਇਸ ਦਾ ਸਫਲ ਆਯੋਜਨ ਉਨ੍ਹਾਂ ਨੂੰ ਭਵਿੱਖ ਵਿਚ ਹੋਰ ਵਧੀਆ ਪ੍ਰਦਰਸ਼ਨ ਕਰਨ ਲਈ ਪ੍ਰੇਰਿਤ ਕਰੇਗਾ।