ਖਪਤਕਾਰਾਂ ਦੇ ਹਿੱਤ ’ਚ ਹੈ ਕੇਵਾਈਸੀ ਕਰਵਾਉਣਾ : ਕੰਵਲਨੈਨ ਸਿੰਘ

ਲਖਵੀਰ ਸਿੰਘ ਲੱਖੀ ਪੰਜਾਬੀ ਜਾਗਰਣ

ਸੁਲਤਾਨਪੁਰ ਲੋਧੀ : ਘਰੇਲੂ ਰਸੋਈ ਗੈਸ ਖਪਤਕਾਰਾਂ ਨੂੰ ਚਾਹੀਦਾ ਹੈ ਕਿ ਉਹ ਆਪਣੀ ਕੇਵਾਈਸੀ ਜ਼ਰੂਰ ਕਰਵਾਉਣ ਤਾਂ ਜੋ ਉਨ੍ਹਾਂ ਨੂੰ ਰਸੋਈ ਗੈਸ ਦੀ ਸਪਲਾਈ ਵਿਚ ਮੁਸ਼ਕਲ ਨਾ ਆਵੇ ਤੇ ਇਹ ਪੂਰੀ ਤਰਾਂ ਖਪਤਕਾਰਾਂ ਦੇ ਹਿੱਤ ਵਿਚ ਹੈ। ਅਜਿਹਾ ਨਾ ਹੋਣ ’ਤੇ ਰਸੋਈ ਗੈਸ ਦੀ ਸਪਲਾਈ ਬੰਦ ਵੀ ਹੋ ਸਕਦੀ ਹੈ। ਜੱਜ ਗੈਸ ਏਜੰਸੀ ਸੁਲਤਾਨਪੁਰ ਲੋਧੀ ਦੇ ਮਾਲਿਕ ਕੰਵਲਨੈਨ ਸਿੰਘ ਕੇਨੀ ਨੇ ਇਕ ਵਿਸ਼ੇਸ ਗੱਲਬਾਤ ਦੌਰਾਨ ਕਿਹਾ ਕਿ ਖਪਤਕਾਰਾਂ ਦੀ ਕੇਵਾਈਸੀ ਕਰਨ ਲਈ ਗੈਸ ਏਜੰਸੀ ਵੱਲੋਂ ਪੂਰੇ ਪ੍ਰਬੰਧ ਕੀਤੇ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਖਪਤਕਾਰ ਆਪਣੀ ਕੇਵਾਈਸੀ ਜਲਦੀ ਕਰਵਾਉਣ। ਅਜਿਹਾ ਨਾ ਹੋਣ ਦੀ ਸੂਰਤ ਵਿਚ ਰਸੋਈ ਗੈਸ ਦੀ ਸਪਲਾਈ ਬੰਦ ਹੋ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਜਿਹੜੇ ਖਪਤਕਾਰ ਕਿਸੇ ਕਾਰਨ ਗੈਸ ਏਜੰਸੀ ਵਿਚ ਨਹੀਂ ਆ ਸਕਦੇ, ਉਨ੍ਹਾਂ ਦੀ ਕੇਵਾਈਸੀ ਉਨ੍ਹਾਂ ਦੇ ਘਰ ਵੀ ਕੀਤੀ ਜਾ ਰਹੀ ਹੈ ਅਤੇ ਡਲਿਵਰੀ ਮੈਨ ਵੱਲੋਂ ਐਪ ਵੀ ਡਾਊਨਲੋਡ ਕੀਤਾ ਹੋਇਆ ਹੈ, ਤਾਂ ਜੋ ਕੁੱਝ ਮਿੰਟਾਂ ਵਿਚ ਕੇਵਾਈਸੀ ਕੀਤੀ ਜਾ ਸਕੇ। ਉਨ੍ਹਾਂ ਕਿਹਾ ਕਿ ਇਸਦੀ ਕੋਈ ਵੀ ਵਸੂਲੀ ਨਹੀਂ ਕੀਤੀ ਜਾਂਦੀ। ਉਨ੍ਹਾਂ ਕਿਹਾ ਕਿ ਕੇਵਾਈਸੀ ਕਰਵਾਉਣਾ ਪੂਰੀ ਤਰਾਂ ਪਖਤਕਾਰਾਂ ਦੇ ਹਿੱਤ ਵਿਚ ਹੈ।