ਜੀਟੀਬੀ ਸਕੂਲ ’ਚ ਵਿਦਾਈ ਸਮਾਰੋਹ ਆਯੋਜਿਤ

ਅਮਰੀਕ ਸਿੰਘ ਮੱਲ੍ਹੀ, ਪੰਜਾਬੀ ਜਾਗਰਣ ਕਪੂਰਥਲਾ : ਜੀਟੀਬੀ ਇੰਟਰਨੈਸ਼ਨਲ ਸੀਨੀਅਰ ਸੈਕੰਡਰੀ ਸਕੂਲ ਵਿਖੇ ਜਮਾਤ ਬਾਰ੍ਹਵੀਂ ਦੇ ਵਿਦਿਆਰਥੀਆਂ ਦੇ ਸਨਮਾਨ ਵਿਚ ‘ਅਲਵਿਦਾ ਕਹੋ ਖੁਸ਼ ਰਹੋ’ ਸਿਰਲੇਖ ਨਾਲ ਵਿਦਾਈ ਸਮਾਰੋਹ ਬੜੇ ਉਤਸ਼ਾਹ ਨਾਲ ਆਯੋਜਿਤ ਕੀਤਾ ਗਿਆ। ਇਸ ਪ੍ਰੋਗਰਾਮ ਦਾ ਪ੍ਰਬੰਧ ਸਕੂਲ ਦੀ ਸੰਸਥਾਪਕ ਕਮਲਾ ਸੈਣੀ ਪਤਨੀ ਸਵ. ਬਲਦੇਵ ਰਾਜ ਸੈਣੀ, ਮੈਨੇਜਿੰਗ ਡਾਇਰੈਕਟਰ ਸੁਰੇਸ਼ ਸੈਣੀ, ਨੀਰੂ ਸੈਣੀ ਤੇ ਸਾਰਾਂਸ਼ ਸੈਣੀ ਦੇ ਮਾਰਗਦਰਸ਼ਨ ਵਿਚ ਕੀਤਾ ਗਿਆ। ਪ੍ਰੋਗਰਾਮ ਦੀ ਅਗਵਾਈ ਸਕੂਲ ਦੀ ਪ੍ਰਿੰਸੀਪਲ ਪ੍ਰਿਅੰਕਾ ਸੇਠੀ ਤੇ ਕੋਆਰਡੀਨੇਟਰ ਪੰਕਜ ਬੇਰੀ ਤੇ ਹਰਪ੍ਰੀਤ ਕੌਰ ਵੱਲੋਂ ਕੀਤੀ ਗਈ। ਸਮਾਰੋਹ ਦੌਰਾਨ ਵਿਦਿਆਰਥੀਆਂ ਦੁਆਰਾ ਰੰਗਾ-ਰੰਗ ਸਾਂਸਕ੍ਰਿਤੀਕ ਪ੍ਰੋਗਰਾਮ, ਨਾਚ, ਸੰਗੀਤ ਤੇ ਮਨੋਰੰਜਕ ਗਤੀਵਿਧੀਆਂ ਪੇਸ਼ ਕੀਤੀਆਂ ਗਈਆਂ। ਇਸ ਮੌਕੇ ਮਿਸ ਬਿਊਟੀਫੁੱਲ ਦਾ ਖਿਤਾਬ ਰਮਨਦੀਪ ਕੌਰ ਨੂੰ, ਮਿਸਟਰ ਹੈਂਡਸਮ ਦਾ ਖਿਤਾਬ ਉਂਕਾਰਦੀਪ ਸਿੰਘ ਨੂੰ ਦਿੱਤਾ ਗਿਆ। ਉਥੇ ਹੀ ਮਿਸਟਰ ਫੇਅਰਵੈੱਲ ਦਾ ਸਨਮਾਨ ਪ੍ਰਥਮ ਮੇਹਿਤਾ ਤੇ ਮਿਸ ਫੇਅਰਵੈੱਲ ਦਾ ਸਨਮਾਨ ਸੇਜਲ ਰਾਣਾ ਨੂੰ ਮਿਲਿਆ। ਇਸਦੇ ਇਲਾਵਾ ਕਰਨਦੀਪ ਸਿੰਘ ਨੂੰ ਪ੍ਰਿੰਸ ਤੇ ਖੁਸ਼ੀ ਨੂੰ ਪ੍ਰਿੰਸੇਸ ਘੋਸ਼ਿਤ ਕੀਤਾ ਗਿਆ। ਵਿਦਾਈ ਸਮਾਰੋਹ ਦੌਰਾਨ ਵਿਦਿਆਰਥੀਆਂ ਨੇ ਆਪਣੇ ਸਕੂਲ ਜੀਵਨ ਦੀਆਂ ਯਾਦਾਂ ਸਾਂਝੀਆਂ ਕੀਤੀਆਂ, ਜਿਸਦੇ ਨਾਲ ਮਾਹੌਲ ਭਾਵੁਕ ਹੋ ਗਿਆ।