ਪੌਣਾਹਾਰੀ ਸਿੱਧ ਯੋਗੀ ਸੇਵਾ ਸੁਸਾਇਟੀ ਵੱਲੋਂ 17ਵੀਂ ਬੱਸ ਯਾਤਰਾ ਰਵਾਨਾ

ਪੰਜਾਬੀ ਜਾਗਰਣ ਪ੍ਰਤੀਨਿਧੀ, ਫਗਵਾੜਾ : ਪੌਣਾਹਾਰੀ ਸਿੱਧ ਯੋਗੀ ਸੇਵਾ ਸੁਸਾਇਟੀ ਵੱਲੋਂ 17ਵੀਂ ਬੱਸ ਯਾਤਰਾ ਫਗਵਾੜਾ ਦੇ ਮੁਹੱਲਾ ਬਸੰਤ ਨਗਰ ਤੋਂ ਸ਼ਿਵ ਸੈਨਾ ਯੂਬੀਟੀ ਸਿਟੀ ਦੇ ਪ੍ਰਧਾਨ ਰਮਨ ਸ਼ਰਮਾ ਅਤੇ ਸ਼ਿਵ ਸੈਨਾ ਦੇ ਸੀਨੀਅਰ ਆਗੂ ਰੂਪੇਸ਼ ਧੀਰ ਦੀ ਪ੍ਰਧਾਨਗੀ ਹੇਠ ਅਤੇ ਦਰਬਾਰ ਦੇ ਸੇਵਾਦਾਰ ਬਾਬਾ ਬੁੱਲੀ ਜੀ ਦੀ ਨਿਗਰਾਨੀ ਹੇਠ ਰਵਾਨਾ ਹੋਈ। ਇਸ ਮੌਕੇ ਰਮਨ ਸ਼ਰਮਾ ਨੇ ਕਿਹਾ ਕਿ ਰਾਜੂ ਇਟਲੀ ਵਲੋਂ ਪ੍ਰਮਾਤਮਾ ਦੀ ਕਿਰਪਾ ਨਾਲ, ਹਰ ਸਾਲ ਆਪਣੀ ਇਮਾਨਦਾਰ ਕਮਾਈ ਨਾਲ ਇਹ ਸੇਵਾ ਕੀਤੀ ਜਾਂਦੀ ਹੈ। ਉਨ੍ਹਾਂ ਨੇ ਐੱਨਆਰਆਈ ਭਰਾਵਾਂ ਦਾ ਵੀ ਧੰਨਵਾਦ ਕੀਤਾ, ਜੋ ਸਾਲ ਭਰ ਆਪਣੀ ਇਮਾਨਦਾਰ ਕਮਾਈ ਦਾ ਯੋਗਦਾਨ ਪ੍ਰਭੂ ਦੀ ਸੇਵਾ ਵਿੱਚ ਪਾਉਂਦੇ ਹਨ। ਰਮਨ ਸ਼ਰਮਾ ਨੇ ਸੰਗਤ ਨੂੰ ਸਫਲ ਯਾਤਰਾ ਦੀ ਕਾਮਨਾ ਕਰਦੇ ਹੋਏ ਬਾਬਾ ਜੀ ਦੀ ਪਵਿੱਤਰ ਗੁਫਾ ਦੇ ਖੁੱਲ੍ਹੇ ਦਰਸ਼ਨ ਦੀ ਉਮੀਦ ਕੀਤੀ। ਇਸ ਮੌਕੇ ਪੰਜਾਬ ਦੇ ਸਕੱਤਰ ਗੁਰਦੀਪ ਸਿੰਘ ਸੈਣੀ ਨੇ ਵੀ ਰਾਜੂ ਇਟਲੀ ਦਾ ਧੰਨਵਾਦ ਕੀਤਾ ਅਤੇ ਪ੍ਰਾਰਥਨਾ ਕੀਤੀ ਕਿ ਬਾਬਾ ਬਾਲਕ ਨਾਥ ਜੀ ਸਾਰੇ ਸ਼ਰਧਾਲੂਆਂ ਤੇ ਆਪਣਾ ਆਸ਼ੀਰਵਾਦ ਵਰਸਾਉਂਦੇ ਰਹਿਣ ਅਤੇ ਉਨ੍ਹਾਂ ਦੀਆਂ ਸਾਰੀਆਂ ਇੱਛਾਵਾਂ ਪੂਰੀਆਂ ਕਰਦੇ ਰਹਿਣ। ਬਾਬਾ ਜੀ ਦੇ ਸਾਰੇ ਭਗਤ ਹਮੇਸ਼ਾ ਚੜ੍ਹਦੀ ਕਲਾ ਵਿੱਚ ਰਹਿਣ। ਪ੍ਰੋ. ਅਸ਼ੋਕ ਜਸਵਾਲ, ਪੁਨੀਤ ਓਂਕਾਰ ਨਗਰ, ਬਿੱਟੂ, ਅਤੇ ਬਾਬਾ ਜੀ ਦੇ ਹੋਰ ਸ਼ਰਧਾਲੂਆਂ ਨੇ ਇਸ ਮੌਕੇ ਸ਼ਿਰਕਤ ਕੀਤੀ।