ਪੰਜਾਬ 'ਚ ਧੁੰਦ ਕਾਰਨ ਵਾਪਰਿਆ ਭਿਆਨਕ ਸੜਕ ਹਾਦਸਾ, ਕਾਰ ਦੇ ਉੱਡੇ ਪਰਖੱਚੇ, ਦੋ ਹਸਪਤਾਲ ਦਾਖ਼ਲ
ਜਲੰਧਰ ਪਠਾਨਕੋਟ ਨੈਸ਼ਨਲ ਹਾਈਵੇ ਤੇ ਸਥਿਤ ਅੱਡਾ ਰਾਏਪੁਰ ਰਸੂਲਪੁਰ ਵਿਖੇ ਸੰਘਣੀ ਧੁੰਦ ਪੈਣ ਨਾਲ ਵਿਜੀਬਿਲਟੀ ਘੱਟ ਹੋਣ ਕਾਰਨ ਕੰਟੇਨਰ ਅਤੇ ਕਾਰ ਦੀ ਭਿਆਨਕ ਟੱਕਰ ਵਿੱਚ ਦੋ ਵਿਅਕਤੀਆਂ ਦੇ ਗੰਭੀਰ ਜ਼ਖਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ, ਸਵੇਰੇ 7:30 ਵਜੇ ਦੇ ਕਰੀਬ ਇੱਕ ਕੰਟੇਨਰ ਟਰੱਕ ਜੋ ਕਿ ਧੋਗੜੀ ਰੋਡ 'ਤੇ ਸਥਿਤ ਫੈਕਟਰੀ ਤੋਂ ਲੋਡ ਕਰਕੇ ਰਾਏਪੁਰ ਰਸੂਲਪੁਰ ਮੋੜ ਤੋਂ ਜਲੰਧਰ ਜਾਣ ਲਈ ਨੈਸ਼ਨਲ ਹਾਈਵੇ 'ਤੇ ਚੜਿਆ ਤਾਂ ਸੰਘਣੀ ਧੁੰਦ ਹੋਣ ਕਾਰਨ ਉਸ ਨੂੰ ਮੋੜ ਨਜ਼ਰ ਨਹੀਂ ਆਇਆ ਅਤੇ ਕੰਟੇਨਰ ਡਰਾਈਵਰ ਟਰੱਕ ਨੂੰ ਸਿੱਧਾ ਹੀ ਨੈਸ਼ਨਲ ਹਾਈਵੇ ਦੇ ਵਿਚਕਾਰ ਲੈ ਗਿਆ।
Posted By Sunita
Publish Date: Wed, 04 Feb 2026 01:03 PM (IST)
Updated Date: Wed, 04 Feb 2026 01:05 PM (IST)
ਸੁਰਜੀਤ ਪਾਲ, ਪੰਜਾਬੀ ਜਾਗਰਣ, ਕਿਸ਼ਨਗੜ੍ਹ - ਜਲੰਧਰ ਪਠਾਨਕੋਟ ਨੈਸ਼ਨਲ ਹਾਈਵੇ ਤੇ ਸਥਿਤ ਅੱਡਾ ਰਾਏਪੁਰ ਰਸੂਲਪੁਰ ਵਿਖੇ ਸੰਘਣੀ ਧੁੰਦ ਪੈਣ ਨਾਲ ਵਿਜੀਬਿਲਟੀ ਘੱਟ ਹੋਣ ਕਾਰਨ ਕੰਟੇਨਰ ਅਤੇ ਕਾਰ ਦੀ ਭਿਆਨਕ ਟੱਕਰ ਵਿੱਚ ਦੋ ਵਿਅਕਤੀਆਂ ਦੇ ਗੰਭੀਰ ਜ਼ਖਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ, ਸਵੇਰੇ 7:30 ਵਜੇ ਦੇ ਕਰੀਬ ਇੱਕ ਕੰਟੇਨਰ ਟਰੱਕ ਜੋ ਕਿ ਧੋਗੜੀ ਰੋਡ 'ਤੇ ਸਥਿਤ ਫੈਕਟਰੀ ਤੋਂ ਲੋਡ ਕਰਕੇ ਰਾਏਪੁਰ ਰਸੂਲਪੁਰ ਮੋੜ ਤੋਂ ਜਲੰਧਰ ਜਾਣ ਲਈ ਨੈਸ਼ਨਲ ਹਾਈਵੇ 'ਤੇ ਚੜਿਆ ਤਾਂ ਸੰਘਣੀ ਧੁੰਦ ਹੋਣ ਕਾਰਨ ਉਸ ਨੂੰ ਮੋੜ ਨਜ਼ਰ ਨਹੀਂ ਆਇਆ ਅਤੇ ਕੰਟੇਨਰ ਡਰਾਈਵਰ ਟਰੱਕ ਨੂੰ ਸਿੱਧਾ ਹੀ ਨੈਸ਼ਨਲ ਹਾਈਵੇ ਦੇ ਵਿਚਕਾਰ ਲੈ ਗਿਆ।
ਜਿਸ ਕਾਰਨ ਵੈਨਿਊ ਕਾਰ ਜੋ ਕਿ ਭੋਗਪੁਰ ਤੋਂ ਜਲੰਧਰ ਵੱਲ ਜਾ ਰਹੀ ਸੀ, ਜਿਸ ਨੂੰ ਰਾਜਵਿੰਦਰ ਸਿੰਘ ਪੁੱਤਰ ਗੁਰਮੀਤ ਸਿੰਘ ਬਾਸੀ ਭਠੂਰਾ ਲਵਾਣਾ ਚਲਾ ਰਿਹਾ ਸੀ ਸੜਕ ਵਿਚਕਾਰ ਆਏ ਕੰਟੇਨਰ ਨਾਲ ਟਕਰਾ ਗਈ। ਜਿਸ ਵਿੱਚ ਰਾਜਵਿੰਦਰ ਦੀ ਪਤਨੀ ਸੁਨਾਲੀ 28 ਸਾਲ ਅਤੇ ਉਸਦੀ ਬੇਟੀ ਸਿਮਰਨ ਤਿੰਨ ਸਾਲ ਜ਼ਖ਼ਮੀ ਹੋ ਗਏ। ਹਾਦਸੇ ਦੌਰਾਨ ਕੰਟੇਨਰ ਟਰੱਕ ਦਾ ਡਰਾਈਵਰ ਮੌਕੇ ਤੋਂ ਫਰਾਰ ਹੋ ਗਿਆ। ![naidunia_image]()
.jpeg)
ਸੂਚਨਾ ਉਪਰੰਤ ਐਸਐਸਐਫ ਟੀਮ ਹਾਦਸੇ ਵਾਲੀ ਜਗ੍ਹਾ 'ਤੇ ਪਹੁੰਚੀ ਤਾਂ ਦੇਖਿਆ ਕੀ ਇੱਕ ਕੰਟੇਨਰ ਅਤੇ ਵੈਨਿਊ ਕਾਰ ਦਾ ਭਿਆਨਕ ਹਾਦਸਾ ਹੋਇਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਐਸਐਸ ਦੀ ਟੀਮ ਦੇ ਇੰਚਾਰਜ ਏਐਸਆਈ ਰਣਧੀਰ ਸਿੰਘ ਨੇ ਦੱਸਿਆ ਕਿ ਟੀਮ ਦੇ ਪਹੁੰਚਣ ਤੋਂ ਪਹਿਲਾਂ ਹੀ ਉੱਥੇ ਇਕੱਤਰ ਹੋਏ ਲੋਕਾਂ ਵੱਲੋਂ ਜ਼ਖਮੀਆਂ ਨੂੰ ਇਲਾਜ ਲਈ ਨੇੜੇ ਦੇ ਪ੍ਰਾਈਵੇਟ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ। ਮੌਕੇ 'ਤੇ ਇਕੱਤਰ ਲੋਕਾਂ ਤੋਂ ਪੁੱਛਣ 'ਤੇ ਪਤਾ ਲੱਗਾ ਕਿ ਕੰਟੇਨਰ ਟਰੱਕ ਦਾ ਡਰਾਈਵਰ ਮੌਕੇ ਤੋਂ ਫਰਾਰ ਹੋ ਗਿਆ। ![naidunia_image]()
![naidunia_image]()
ਇਸ ਹਾਦਸੇ ਕਾਰਨ ਹਾਈਵੇ 'ਤੇ ਕਾਫੀ ਲੰਬਾ ਟਰੈਫਿਕ ਜਾਮ ਲੱਗ ਗਿਆ, ਜਿਸ ਨੂੰ ਮੌਕੇ 'ਤੇ ਪਹੁੰਚੀ ਐਸਐਸਐਫ ਟੀਮ ਅਤੇ ਏਐਸਆਈ ਲਖਵਿੰਦਰ ਸਿੰਘ ਸਮੇਤ 112 ਦੀ ਟੀਮ ਨੇ ਦੋ ਘੰਟੇ ਦੀ ਜਦੋ ਜਹਿਦ ਤੋਂ ਬਾਅਦ ਟਰੈਫਿਕ ਕਲੀਅਰ ਕਰਾਇਆ ਅਤੇ ਆਵਾਜਾਈ ਨੂੰ ਚਾਰੂ ਢੰਗ ਨਾਲ ਚਾਲੂ ਕਰਵਾਇਆ। ਨੈਸ਼ਨਲ ਹਾਈਵੇ ਦੀ ਮਦਦ ਦੇ ਨਾਲ ਐਸਐਸ ਐਫ ਟੀਮ ਵੱਲੋਂ ਕੰਟੇਨਰ ਅਤੇ ਹਾਦਸਾ ਗ੍ਰਸਤ ਕਾਰ ਨੂੰ ਸਾਈਡ 'ਤੇ ਕਰਵਾਇਆ ਅਤੇ ਆਵਾਜਾਈ ਨੂੰ ਸੁਚਾਰੂ ਢੰਗ ਨਾਲ ਚਾਲੂ ਕਰਵਾਇਆ। ਇਸ ਹਾਦਸੇ ਸਬੰਧੀ ਐਸਐਸ ਐਫ ਟੀਮ ਵੱਲੋਂ ਸਾਰੀ ਸੂਚਨਾ ਸੰਬੰਧਿਤ ਥਾਣਾ ਮਕਸੂਦਾ ਨੂੰ ਦਿੱਤੀ ਗਈ। ਕੰਟੇਨਰ ਦਾ ਡਰਾਈਵਰ ਅਤੇ ਮੈਨੇਜਰ ਵੀ ਮੌਕੇ 'ਤੇ ਪਹੁੰਚ ਗਏ। ਥਾਣਾ ਮਕਸੂਦਾ ਤੋਂ ਆਈਓ ਏਐਸਆਈ ਸਤਨਾਮ ਸਿੰਘ ਮੌਕੇ ਤੇ ਪਹੁੰਚੇ ਅਤੇ ਅਗਲੇਰੀ ਕਾਰਵਾਈ ਸ਼ੁਰੂ ਕੀਤੀ।
