ਹੋਲੀ ਦੇ ਮੱਦੇਨਜ਼ਰ ਰੇਲ ਗੱਡੀਆਂ ਫੁੱਲ, ਨਹੀਂ ਮਿਲ ਰਹੀਆਂ ਸੀਟਾਂ

ਜਾਸ, ਜਲੰਧਰ : ਹੋਲੀ ਦਾ ਤਿਉਹਾਰ 4 ਮਾਰਚ ਨੂੰ ਮਨਾਇਆ ਜਾਣਾ ਹੈ ਪਰ ਇਸ ਤੋਂ ਪਹਿਲਾਂ ਹੀ ਰੇਲ ਗੱਡੀਆਂ ਫੁੱਲ ਚੱਲ ਰਹੀਆਂ ਹਨ, ਇਸ ਕਾਰਨ ਮੁਸਾਫਰਾਂ ਨੂੰ ਬੈਠਣ ਲਈ ਵੀ ਸੀਟਾਂ ਨਹੀਂ ਮਿਲ ਰਹੀਆਂ। ਕਈ ਰੇਲ ਗੱਡੀਆਂ ਦੀ ਵੇਟਿੰਗ 100 ਤੋਂ ਵੱਧ ਹੋ ਚੁੱਕੀ ਹੈ ਤੇ ਕਈਆਂ ਦੀ ਵੇਟਿੰਗ ਲਿਸਟ ਦੀ ਸਮਾਂ ਹੱਦ ਵੀ ਖਤਮ ਹੋ ਗਈ ਹੈ। ਇਸ ਕਾਰਨ ਉਨ੍ਹਾਂ ’ਚ "ਨੋ ਮੋਰ ਬੁਕਿੰਗ" ਦਾ ਬਦਲ ਆਉਣ ਲੱਗਾ ਹੈ, ਜਿਸ ਦਾ ਮਤਲਬ ਹੈ ਕਿ ਉਨ੍ਹਾਂ ਦੀ ਬੁਕਿੰਗ ਬੰਦ ਹੋ ਚੁੱਕੀ ਹੈ। ਇਸ ਦੇ ਨਤੀਜੇ ਵਜੋਂ ਜਨਰਲ ਡੱਬੇ ਦੀ ਹਾਲਤ ਬਹੁਤ ਖਰਾਬ ਹੋ ਰਹੀ ਹੈ, ਜਿੱਥੇ ਪੈਰ ਰੱਖਣ ਲਈ ਵੀ ਥਾਂ ਨਹੀਂ ਮਿਲ ਰਹੀ। ਨਵੇਂ ਨਿਯਮਾਂ ਅਨੁਸਾਰ, ਜੇ ਕਿਸੇ ਮੁਸਾਫਰ ਕੋਲ ਵੇਟਿੰਗ ਟਿਕਟ ਹੈ ਤਾਂ ਉਹ ਸਲੀਪਰ ਕੋਚ ’ਚ ਸਵਾਰੀ ਨਹੀਂ ਕਰ ਸਕਦੇ ਤੇ ਉਨ੍ਹਾਂ ਨੂੰ ਜਨਰਲ ਡੱਬੇ ਵਿਚ ਹੀ ਸਵਾਰੀ ਕਰਨੀ ਪਵੇਗੀ।

22 ਰੇਲ ਗੱਡੀਆਂ ਪਹਿਲਾਂ ਹੀ ਰੱਦ ਹੋ ਚੁੱਕੀਆਂ ਹਨ ਅਤੇ ਜੋ ਚੱਲ ਰਹੀਆਂ ਹਨ, ਉਹ ਵੀ ਦੇਰੀ ਨਾਲ ਪੁੱਜ ਰਹੀਆਂ ਹਨ, ਜਿਸ ਕਾਰਨ ਯਾਤਰੀਆਂ ਦੀਆਂ ਮੁਸ਼ਕਲਾਂ ਦੁੱਗਣੀਆਂ ਹੋ ਗਈਆਂ ਹਨ। ਰੇਲ ਗੱਡੀਆਂ ਦੀ ਦੇਰੀ ਦੀ ਗੱਲ ਕਰੀਏ ਤਾਂ ਅੰਮ੍ਰਿਤਸਰ ਕਲੋਨ ਸਪੈਸ਼ਲ ਪੌਣੇ ਸੱਤ ਘੰਟੇ, ਮਾਲਵਾ ਸੁਪਰਫਾਸਟ ਐਕਸਪ੍ਰੈੱਸ ਸਵਾ ਪੰਜ ਘੰਟੇ, ਸਵਰਾਜ ਐਕਸਪ੍ਰੈੱਸ ਪੌਣੇ ਚਾਰ ਘੰਟੇ, ਸਰਯੂ ਯਮੁਨਾ ਐਕਸਪ੍ਰੈੱਸ ਪੌਣੇ ਤਿੰਨ ਘੰਟੇ, ਜਨਨਾਇਕ ਐਕਸਪ੍ਰੈੱਸ ਤਿੰਨ ਘੰਟੇ, ਹੇਮਕੁੰਟ ਐਕਸਪ੍ਰੈੱਸ ਢਾਈ ਘੰਟੇ, ਦਾਦਰ ਐਕਸਪ੍ਰੈੱਸ ਪੌਣੇ ਦੋ ਘੰਟੇ, ਦੇਹਰਾਦੂਨ ਐਕਸਪ੍ਰੈੱਸ ਡੇਢ ਘੰਟਾ, ਅੰਮ੍ਰਿਤਸਰ ਇੰਟਰਸਿਟੀ ਐਕਸਪ੍ਰੈੱਸ ਤੇ ਸ਼ਾਲੀਮਾਰ ਐਕਸਪ੍ਰੈੱਸ ਸਵਾ ਘੰਟਾ, ਹਾਵੜਾ ਮੇਲ, ਅਕਾਲ ਤਖਤ ਐਕਸਪ੍ਰੈੱਸ, ਗਰੀਬਰਥ ਐਕਸਪ੍ਰੈੱਸ ਇਕ ਘੰਟਾ, ਲੁਧਿਆਣਾ ਛੇਹਰਟਾ ਐੱਮਈਐੱਮਯੂ, ਛੱਤੀਸਗੜ੍ਹ ਐਕਸਪ੍ਰੈੱਸ ਅੱਧਾ ਘੰਟਾ ਤੇ ਸਵਰਨ ਜੈਅੰਤੀ ਸ਼ਤਾਬਦੀ ਐਕਸਪ੍ਰੈੱਸ, ਜਨ ਸ਼ਤਾਬਦੀ ਐਕਸਪ੍ਰੈੱਸ ਅੱਧਾ ਘੰਟਾ ਦੇਰੀ ਨਾਲ ਪੁੱਜੀਆਂ ਹਨ।

---

ਤਰੀਕ-----------ਵੇਟਿੰਗ----------ਰੇਲ ਗੱਡੀ

18 ਫਰਵਰੀ----ਨੋ ਮੋਰ ਬੁਕਿੰਗ-- ਅਮਰਨਾਥ ਐਕਸਪ੍ਰੈੱਸ 15098

18 ਫਰਵਰੀ----ਨੋ ਮੋਰ ਬੁਕਿੰਗ----ਸਰਯੂ ਯਮੁਨਾ ਐਕਸਪ੍ਰੈੱਸ 14650

18 ਫਰਵਰੀ----ਨੋ ਮੋਰ ਬੁਕਿੰਗ---ਅੰਮ੍ਰਿਤਸਰ ਹਾਵੜਾ ਐਕਸਪ੍ਰੈੱਸ 13006

18 ਫਰਵਰੀ----ਨੋ ਮੋਰ ਬੁਕਿੰਗ--- ਅਰਚਨਾ ਐਕਸਪ੍ਰੈੱਸ 12356

18 ਫਰਵਰੀ----ਨੋ ਮੋਰ ਬੁਕਿੰਗ---- ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਕਮਾਖਿਆ ਦੇਵੀ ਹਫ਼ਤਾਵਾਰੀ ਐਕਸਪ੍ਰੈਸ 15656

18 ਫਰਵਰੀ-----69-------- ਕੋਲਕਾਤਾ ਐਕਸਪ੍ਰੈੱਸ 13152

18 ਫਰਵਰੀ----78--------- ਗਰੀਬਰੱਥ ਐਕਸਪ੍ਰੈੱਸ 12204

18 ਫਰਵਰੀ----92--------- ਕਟਿਹਾਰ ਐਕਸਪ੍ਰੈੱਸ 15708

18 ਫਰਵਰੀ----72--------- ਹਮਸਫਰ ਐਕਸਪ੍ਰੈੱਸ 22318

19 ਫਰਵਰੀ-- ਨੋ ਮੋਰ ਬੁਕਿੰਗ--ਕੋਲਕਾਤਾ ਐਕਸਪ੍ਰੈੱਸ 13152

19 ਫਰਵਰੀ-- 115------------- ਲੋਹਿਤ ਐਕਸਪ੍ਰੈੱਸ 15652

19 ਫਰਵਰੀ---- 135---------- ਦੁર્ગਰਗਿਆਨਾ ਐਕਸਪ੍ਰੈੱਸ 12358

19 ਫਰਵਰੀ---- 74---------- ਅੰਮ੍ਰਿਤਸਰ ਕਟਿਹਾਰ ਐਕਸਪ੍ਰੈੱਸ 15708

19 ਫਰਵਰੀ--- 80---------- ਸ਼ਹੀਦ ਐਕਸਪ੍ਰੈੱਸ 14674

19 ਫਰਵਰੀ---- 75-------- ਗੰਗਾ ਸਤਲੁਜ ਐਕਸਪ੍ਰੈੱਸ 13308

19 ਫਰਵਰੀ--- 145------- ਅੰਮ੍ਰਿਤਸਰ ਹਾਵੜਾ ਮੇਲ