ਸੱਤ ਤੋਂ ਨੌਂ ਅਪ੍ਰੈਲ ਤੱਕ ਸ਼ਹਿਰ ’ਚ ਫਿਰ ਹੋਵੇਗੀ ਬਾਰਿਸ਼ ਤੇ ਚੱਲਣਗੀਆਂ ਠੰਢੀਆਂ ਹਵਾਵਾਂ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਜਲੰਧਰ : ਬੀਤੇ ਸ਼ਨਿਚਰਵਾਰ ਗੜੇਮਾਰੀ, ਬਾਰਿਸ਼ ਤੇ ਤੇਜ਼ ਹਵਾਵਾਂ ਕਾਰਨ ਸ਼ਹਿਰ ਵਾਸੀਆਂ ਨੂੰ ਗਰਮੀ ਤੋਂ ਰਾਹਤ ਮਿਲੀ। ਆਉਣ ਵਾਲੇ ਦਿਨਾਂ ’ਚ ਵੀ ਬਾਰਿਸ਼ ਹੋਣ ਦੇ ਆਸਾਰ ਹਨ। ਤੇਜ਼ ਹਵਾਵਾਂ ਦੇ ਨਾਲ-ਨਾਲ ਮੌਸਮ ਠੰਢਾ ਰਹਿਣ ਦੀ ਸੰਭਾਵਨਾ ਪ੍ਰਗਟਾਈ ਜਾ ਰਹੀ ਹੈ। ਮੌਸਮ ਵਿਭਾਗ ਦੇ ਅਨੁਮਾਨ ਮੁਤਾਬਕ ਉੱਤਰ-ਪੱਛਮੀ ਭਾਰਤ ’ਚ ਮੌਸਮ ਸਰਗਰਮ ਰਹਿਣ ਦੀ ਉਮੀਦ ਹੈ। ਪਹਾੜੀ ਸੂਬਿਆਂ ’ਚ ਵਿਸ਼ਾਲ ਪੱਧਰ ’ਤੇ ਬਾਰਿਸ਼, ਹਨੇਰੀ-ਤੂਫ਼ਾਨ ਤੇ ਉੱਚੇ ਇਲਾਕਿਆਂ ’ਚ ਬਰਫਬਾਰੀ ਦੀ ਸੰਭਾਵਨਾ ਹੈ। ਪਹਾੜਾਂ ’ਚ ਬਰਫ਼ਬਾਰੀ ਤੋਂ ਬਾਅਦ ਪੰਜਾਬ ਦੇ ਵੱਖ-ਵੱਖ ਸ਼ਹਿਰਾਂ ’ਚ ਮੌਸਮ ਠੰਢਾ ਹੋ ਸਕਦਾ ਹੈ। ਮੌਸਮ ਵਿਭਾਗ ਮੁਤਾਬਕ ਜਲੰਧਰ ’ਚ 7 ਤੋਂ 9 ਅਪ੍ਰੈਲ ਦਰਮਿਆਨ ਵਰਖਾ ਦੇ ਨਾਲ ਠੰਢੀਆਂ ਹਵਾਵਾਂ ਚੱਲ ਸਕਦੀਆਂ ਹਨ। ਇਨ੍ਹਾਂ ਦਿਨਾਂ ਲਈ ਵਿਭਾਗ ਵੱਲੋਂ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ। ਇਸ ਦੌਰਾਨ ਹਲਕੀ ਓਲਾਵ੍ਰਿਸ਼ਟੀ, ਵਰਖਾ ਤੇ ਤੇਜ਼ ਹਵਾਵਾਂ ਚੱਲਣ ਦੀ ਸੰਭਾਵਨਾ ਹੈ। ਵੱਧ ਤੋਂ ਵੱਧ ਤਾਪਮਾਨ ’ਚ ਘਟਾਓ ਵੀ ਦੇਖਿਆ ਜਾ ਸਕਦਾ ਹੈ। ਐਤਵਾਰ ਨੂੰ ਘੱਟੋ-ਘੱਟ ਤਾਪਮਾਨ 14 ਡਿਗਰੀ ਤੇ ਵੱਧ ਤੋਂ ਵੱਧ 26 ਡਿਗਰੀ ਦਰਜ ਕੀਤਾ ਗਿਆ। ਆਉਣ ਵਾਲੇ ਦਿਨਾਂ ’ਚ ਵੀ ਲਗਭਗ ਇਹੋ ਜਿਹਾ ਤਾਪਮਾਨ ਰਹਿਣ ਦੀ ਸੰਭਾਵਨਾ ਹੈ। ---------------- ਤਰੀਕ ਘੱਟੋ-ਘੱਟ ਵੱਧ ਤੋਂ ਵੱਧ 6 ਅਪ੍ਰੈਲ 15 ਡਿਗਰੀ 29 ਡਿਗਰੀ 7 ਅਪ੍ਰੈਲ 16 ਡਿਗਰੀ 27 ਡਿਗਰੀ 8 ਅਪ੍ਰੈਲ 17 ਡਿਗਰੀ 28 ਡਿਗਰੀ 9 ਅਪ੍ਰੈਲ 16 ਡਿਗਰੀ 26 ਡਿਗਰੀ 10 ਅਪ੍ਰੈਲ 15 ਡਿਗਰੀ 26 ਡਿਗਰੀ 11 ਅਪ੍ਰੈਲ 14 ਡਿਗਰੀ 27 ਡਿਗਰੀ