ਅਵਾਰਾ ਕੁੱਤਿਆਂ ਦਾ ਸ਼ੈੱਡ ਬਣਾਉਣ ਲਈ 68 ਲੱਖ ਦਾ ਟੈਂਡਰ ਲਗਾਏਗੀ ਨਿਗਮ

-200 ਕੁੱਤਿਆਂ ਲਈ 2 ਮਹੀਨਿਆਂ ’ਚ ਨੰਗਲ ਸ਼ਾਮਾਂ ਡਾਗ ਪੌਡ ’ਚ ਬਣੇਗਾ ਸ਼ੈੱਡ

ਮਦਨ ਭਾਰਦਵਾਜ, ਪੰਜਾਬੀ ਜਾਗਰਣ, ਜਲੰਧਰ

ਅਵਾਰਾ ਕੁੱਤਿਆਂ ਵੱਲੋਂ ਲੋਕਾਂ ਨੂੰ ਵੱਢਣ ਦੀਆਂ ਵਧ ਰਹੀਆਂ ਘਟਨਾਵਾਂ ਨੂੰ ਦੇਖਦਿਆਂ ਸੁਪਰੀਮ ਕੋਰਟ ਦੇ ਹੁਕਮਾਂ ਮਗਰੋਂ ਨਗਰ ਨਿਗਮ ਨੇ ਨੰਗਲ ਸ਼ਾਮਾਂ ਡਾਗ ਪੌਂਡ ਨੇੜੇ ਇਕ ਕਨਾਲ ਜ਼ਮੀਨ ’ਤੇ ਸ਼ੈੱਡ ਬਣਾਇਆ ਜਾਏਗਾ, ਜਿਸ ਦਾ 68 ਲੱਖ ਰੁਪਏ ਦਾ ਟੈਂਡਰ ਲਾਇਆ ਗਿਆ ਹੈ। ਇਸ ਦੀ ਪੁਸ਼ਟੀ ਕਰਦਿਆਂ ਨਗਰ ਨਿਗਮ ਦੀ ਬੀਐਂਡਆਰ ਬ੍ਰਾਂਚ ਦੇ ਐਕਸੀਅਨ ਰਾਮ ਪਾਲ ਅਨੁਸਾਰ ਪਹਿਲਾਂ 100 ਅਵਾਰਾ ਕੁੱਤਿਆਂ ਨੂੰ ਰੱਖਣ ਲਈ ਸ਼ੈੱਡ ਬਣਾਇਆ ਜਾਣਾ ਸੀ, ਪਰ ਕਮਿ਼ਸ਼ਨਰ ਸੰਦੀਪ ਰਿਸ਼ੀ ਦੀ ਹਦਾਇਤ ’ਤੇ ਹੁਣ 200 ਅਵਾਰਾ ਕੁੱਤਿਆਂ ਦੀ ਸਮਰੱਥਾ ਵਾਲਾ ਸ਼ੈੱਡ ਬਣਾਇਆ ਜਾਏਗਾ।

----------------------

500 ਅਵਾਰਾ ਕੁੱਤਿਆਂ ਦੀ ਸਮਰੱਥਾ

ਇਸ ਦੌਰਾਨ ਐਕਸੀਅਨ ਰਾਮਪਾਲ ਅਨੁਸਾਰ ਲੁਧਿਆਣਾ ’ਚ 500 ਅਵਾਰਾ ਕੁੱਤਿਆਂ ਦੀ ਸਮਰਥਾ ਵਾਲਾ ਸ਼ੈੱਡ ਬਣਾਇਆ ਜਾ ਰਿਹਾ ਹੈ ਅਤੇ ਜਲੰਧਰ ਨਗਰ ਨਿਗਮ ਵੀ ਜ਼ਮੀਨ ਲੈ ਕੇ ਵੱਖ ਵੱਖ ਥਾਵਾਂ ਤੇ ਅਵਾਰਾ ਕੁੱਤਿਆਂ ਲਈ ਸੈੱਡ ਬਣਾਏਗੀ। ਉਨ੍ਹਾਂ ਨੇ ਕਿਹਾ ਕਿ ਅਵਾਰਾ ਕੁੱਤੇ ਰੱਖਣ ਲਈ ਸਹਿਯੋਗ ਲੈਣ ਵਾਸਤੇ ਕਿਸੇ ਐੱਨਜੀਓ ਨਾਲ ਵੀ ਰਾਵਤਾ ਕੀਤਾ ਜਵੇਗਾ।

-------------------

ਸੁਪਰੀਮ ਕੋਰਟ ਦੇ ਡਾਗ ਪੌਂਡ ਬਣਾਉਣ ਦੇ ਹੁਕਮ ਮਗਰੋਂ ਪੰਜਾਬ ਦੇ ਸਥਾਨਕ ਸਰਕਾਰਾਂ ਮੰਤਰੀ ਸੰਜੀਵ ਅਰੋੜਾ ਨੇ ਵੀ ਨਗਰ ਨਿਗਮਾਂ ਤੇ ਨਗਰ ਕੌਂਸਲਾਂ ਨੂੰ ਹੁਕਮ ਦਿੱਤੇ ਹਨ ਕਿ ਉਹ ਜਲਦ ਹੀ ਸ਼ੈੱਡ ਬਣਾ ਕੇ ਕੋਰਟ ਦੇ ਹੁਕਮਾਂ ਦੀ ਪਾਲਣਾ ਕਰਨ। ਇਸ ਦੌਰਾਨ ਮੇਅਰ ਵਨੀਤ ਧੀਰ ਨੇ ਵੀ ਕਿਹਾ ਹੈ ਕਿ ਇਸ ਤੋਂ ਬਾਅਦ, ਨਿਗਮ ਨੇ ਇਸ ਪ੍ਰੋਜੈਕਟ ਲਈ ਯੋਜਨਾ ਬਣਾਈ ਹੈ। ਕੁੱਤਿਆਂ ਲਈ ਨੰਗਲ ਸ਼ਾਮਾਂ ਦੇ ਡਾਗ ਪੌਂਡ ਵਿੱਚ ਹੀ ਸ਼ੈੱਡ ਬਣਾਇਆ ਜਾਏਗਾ। ਨਗਰ ਨਿਗਮ ਹਾਊਸ ਦੀ ਹੋਣ ਵਾਲੀ ਬਜਟ ਮੀਟਿੰਗ ’ਚ ਇਸ ਸਬੰਧੀ ਵਾਧੂ ਫੰਡ ਦਾ ਮਤਾ ਪਾਸ ਕੀਤਾ ਜਾ ਸਕਦਾ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਉਹ ਇੱਕ ਵੱਡਾ ਸ਼ੈੱਡ ਬਣਾਉਣ ਦੀ ਯੋਜਨਾ ਬਣਾ ਰਹੇ ਹਨ। ਹਾਊਸ ਦੀ ਮੀਟਿੰਗ ਮਾਰਚ ਦੇ ਪਹਿਲੇ ਹਫ਼ਤੇ ਵਿਚ ਹੋਣ ਦੀ ਉਮੀਦ ਹੈ। ਹਾਊਸ ਵੱਲੋਂ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇਣ ਤੋਂ ਬਾਅਦ, ਨਗਰ ਨਿਗਮ ਇਸ ਕੰਮ ਲਈ ਟੈਂਡਰ ਜਾਰੀ ਕਰੇਗਾ। ਨਗਰ ਨਿਗਮ ਨਿੱਜੀ ਤੌਰ 'ਤੇ ਇਸ ਪ੍ਰੋਜੈਕਟ ਦੀ ਸਮੀਖਿਆ ਕਰ ਰਿਹਾ ਹੈ, ਇਸ ਲਈ ਨਿਗਮ ਜਲਦੀ ਤੋਂ ਜਲਦੀ ਕੰਮ ਸ਼ੁਰੂ ਕਰਨਾ ਚਾਹੇਗੀ। ਸੜਕਾਂ 'ਤੇ ਆਵਾਰਾ ਕੁੱਤਿਆਂ ਦੇ ਵੱਧਦੇ ਖਤਰੇ ਨੂੰ ਦੇਖਦਿਆਂ ਸੁਪਰੀਮ ਕੋਰਟ ਨੇ ਸਖ਼ਤ ਰੁਖ਼ ਅਪਣਾਇਆ ਗਿਆ ਹੈ। ਇਸ ਨੇ ਆਵਾਰਾ ਕੁੱਤਿਆਂ ਨੂੰ ਫੜਨ ਤੇ ਸ਼ੈਲਟਰ ਹੋਮ ਵਿੱਚ ਤਬਦੀਲ ਕਰਨ ਦੇ ਹੁਕਮ ਦਿੱਤੇ ਹਨ। ਇਸ ਨੇ ਇਹ ਵੀ ਕਿਹਾ ਹੈ ਕਿ ਇਨ੍ਹਾਂ ਆਵਾਰਾ ਕੁੱਤਿਆਂ ਨੂੰ ਸ਼ੈਡ ਵਿੱਚ ਤਬਦੀਲ ਕਰਨ ਦਾ ਵਿਰੋਧ ਕਰਨ ਵਾਲਿਆਂ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਜਾਣੀ ਚਾਹੀਦੀ ਹੈ। ਜਲੰਧਰ ਵਿੱਚ ਰੋਜ਼ਾਨਾ 50 ਤੋਂ ਵੱਧ ਕੁੱਤਿਆਂ ਦੇ ਵੱਢਣ ਦੇ ਮਾਮਲੇ ਸਾਹਮਣੇ ਆ ਰਹੇ ਹਨ। ਕਈ ਮਾਮਲਿਆਂ ਵਿਚ ਬੱਚੇ, ਬਜ਼ੁਰਗ ਅਤੇ ਨੌਜਵਾਨ ਅਵਾਰਾ ਕੁੱਤਿਆਂ ਦੇ ਹਮਲਿਆਂ ਤੋਂ ਗੰਭੀਰ ਜ਼ਖਮੀ ਹੋਏ ਹਨ। ਬੱਚੇ ਸਕੂਲ ਜਾਣ ਤੋਂ ਡਰਦੇ ਹਨ ਤੇ ਘਰ ਦੇ ਵੱਡੇ ਲੋਕ ਵੀ ਹੁਣ ਡੰਡੇ ਲੈ ਕੇ ਬਾਹਰ ਨਿਕਲਣ ਲਈ ਮਜਬੂਰ ਹੋਏ ਹਨ।