ਕੇਐੱਮਵੀ ’ਚ ਸਾਹਿਤਕ ਸਿਧਾਂਤ ’ਤੇ ਪੀਪੀਟੀ ਪ੍ਰੋਗਰਾਮ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਜਲੰਧਰ : ਕੇਐੱਮਵੀ ਵਿਚ ਸਾਹਿਤਕ ਸਿਧਾਂਤ ਤੇ ਭਾਸ਼ਾ ਵਿਗਿਆਨ ’ਤੇ ਇਕ ਪੀਪੀਟੀ ਪ੍ਰੋਗਰਾਮ ਕਰਵਾਇਆ। ਇਸ ਦਾ ਮੁੱਖ ਟੀਚਾ ਵਿਦਿਆਰਥੀਆਂ ਨੂੰ ਵਿਦਿਅਕ ਭਾਈਵਾਲੀ, ਪੇਸ਼ਕਾਰੀ ਹੁਨਰ ਤੇ ਸਾਹਿਤਕ ਅਤੇ ਭਾਸ਼ਾਈ ਧਾਰਨਾਵਾਂ ਦੀ ਆਲੋਚਨਾਤਮਕ ਸਮਝ ਨੂੰ ਵਧਾਉਣਾ ਸੀ। ਇਸ ਪ੍ਰੋਗਰਾਮ ਦੌਰਾਨ, ਵਿਦਿਆਰਥੀਆਂ ਨੇ ਜੈਕ ਡੇਰੀਡਾ ਦੇ ਵਿਖੰਡਨ ਦੇ ਸਿਧਾਂਤ, ਸਾਹਿਤ ’ਚ ਵਿਖੰਡਨ ਦੀ ਪ੍ਰਾਸੰਗਿਕਤਾ ਆਦਿ ਵਿਸ਼ਿਆਂ 'ਤੇ ਪੇਸ਼ਕਾਰੀਆਂ ਦਿੱਤੀਆਂ। ਪ੍ਰਿੰਸੀਪਲ ਪ੍ਰੋ. ਅਤਿਮਾ ਸ਼ਰਮਾ ਨੇ ਕਿਹਾ ਕਿ ਇਹ ਪ੍ਰੋਗਰਾਮ ਵਿਦਿਆਰਥੀਆਂ ਲਈ ਆਪਣੇ ਵਿਚਾਰਾਂ ਨੂੰ ਪੇਸ਼ ਕਰਨ, ਖੋਜ ਤੇ ਸੰਚਾਰ ਹੁਨਰ ਨੂੰ ਮਜ਼ਬੂਤ ਕਰਨ ਅਤੇ ਜਟਿਲ ਸਿਧਾਂਤਿਕ ਵਿਸ਼ਿਆਂ ਨਾਲ ਡੂੰਘਾਈ ਨਾਲ ਜੁੜਨ ਦਾ ਉਤਸ਼ਾਹਜਨਕ ਮੌਕਾ ਸਾਬਤ ਹੋਇਆ।