ਐੱਚਐੱਮਵੀ ’ਚ ਆਨਲਾਈਨ ਧੋਖਾਧੜੀ ਤੋਂ ਬਚਣ ਦੇ ਦੱਸੇ ਗੁਰ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਜਲੰਧਰ : ਐੱਚਐੱਮਵੀ ਦੇ ਪੀਜੀ ਵਿਭਾਗ ਕੰਪਿਊਟਰ ਸਾਇੰਸ ਤੇ ਆਈਟੀ ਦੇ ਕੰਪਿਊਟਰ ਕਲੱਬ ਵੱਲੋਂ ਡਿਜੀਟਲ ਅਰੈਸਟ ਥੀਮ ’ਤੇ ਪਾਵਰਪੁਆਇੰਟ ਪੇਸ਼ਕਾਰੀ ਮੁਕਾਬਲਾ ਕਰਵਾਇਆ। ਭਾਈਵਾਲਾਂ ਨੇ ਸੂਝਵਾਨ ਖੋਜ, ਨਵੀਨਤਾਕਾਰੀ ਦਿ੍ਰਸ਼ਟੀਕੋਣਾਂ ਤੇ ਅੱਜ ਦੇ ਤੇਜ਼ੀ ਨਾਲ ਵਿਕਸਤ ਹੋ ਰਹੇ ਡਿਜੀਟਲ ਲੈਂਡਸਕੇਪ ’ਚ ਰੋਕਥਾਮ ਰਣਨੀਤੀਆਂ ਤੇ ਸਾਈਬਰ ਧੋਖਾਧੜੀ ਦੇ ਸਮਾਜਿਕ ਪ੍ਰਭਾਵ ਨੂੰ ਉਜਾਗਰ ਕਰਨ ਵਾਲੀਆਂ ਦਿਲਚਸਪ ਪੇਸ਼ਕਾਰੀਆਂ ਦਾ ਪ੍ਰਦਰਸ਼ਨ ਕੀਤਾ। ਮੁਕਾਬਲੇ ’ਚ ਦਿਵਿਆ ਮਹਿੰਦਰੂ ਫਸਟ, ਮਾਨਿਆ ਪਾਹਵਾ ਸੈਕੰਡ, ਸੁਖਮਨ ਕੌਰ ਕਾਲੜਾ ਥਰਡ ਤੇ ਕੰਸੋਲੇਸ਼ਨ ਇਨਾਮ ਨਾਲ ਗੁਰਲੀਨ ਕੌਰ ਤੇ ਅਰਸ਼ਦੀਪ ਕੌਰ ਨੂੰ ਸਨਮਾਨਿਤ ਕੀਤਾ ਗਿਆ। ਇਸ ਮੁਕਾਬਲੇ ਦੇ ਜੱਜ ਆਸ਼ੀਸ਼ ਚੱਢਾ, ਮਲਟੀਮੀਡੀਆ ਵਿਭਾਗ ਦੇ ਮੁਖੀ ਰਹੇ। ਇਹ ਪ੍ਰੋਗਰਾਮ ਵਿਭਾਗ ਦੇ ਮੁਖੀ ਡਾ. ਸੰਗੀਤਾ ਅਰੋੜਾ ਤੇ ਕੰਪਿਊਟਰ ਕਲੱਬ ਦੇ ਇੰਚਾਰਜ ਡਾ. ਅਨਿਲ ਭਸੀਨ ਦੀ ਯੋਗ ਅਗਵਾਈ ਤੇ ਨਿਗਰਾਨੀ ਹੇਠ ਕਰਵਾਇਆ ਗਿਆ। ਇਸ ਮੌਕੇ ਪ੍ਰਿੰਸੀਪਲ ਡਾ. ਏਕਤਾ ਖੋਸਲਾ ਵੀ ਮੌਜੂਦ ਰਹੇ ਜਿਨ੍ਹਾਂ ਨੇ ਵਿਭਾਗ ਨੂੰ ਇਕ ਬਹੁਤ ਹੀ ਢੁਕਵੇਂ ਤੇ ਬੌਧਿਕ ਤੌਰ ’ਤੇ ਭਰਪੂਰ ਪ੍ਰੋਗਰਾਮ ਕਰਵਾਉਣ ਲਈ ਵਧਾਈ ਦਿੱਤੀ।