ਰੇਲ ਗੱਡੀਆਂ ’ਚ ਸੀਟਾਂ ਦੀ ਘਾਟ ਕਾਰਨ ਮੁਸਾਫਰ ਹੋ ਰਹੇ ਹਨ ਪਰੇਸ਼ਾਨ

ਜਾਗਰਣ ਸੰਵਾਦਦਾਤਾ, ਜਲੰਧਰ :

ਰੇਲ ਗੱਡੀਆਂ ’ਚ ਵੇਟਿੰਗ ਲਿਸਟ ਪਹਿਲਾਂ ਹੀ ਲੰਬੀ ਚੱਲ ਰਹੀ ਹੈ, ਜਿਸ ਕਾਰਨ ਮੁਸਾਫਰਾਂ ਨੂੰ ਸੀਟਾਂ ਨਹੀਂ ਮਿਲ ਰਹੀਆਂ। ਨਾਲ ਹੀ ਜੋ ਰੇਲ ਗੱਡੀਆਂ ਚੱਲ ਰਹੀਆਂ ਹਨ, ਉਹ ਵੀ ਦੇਰੀ ਨਾਲ ਪੁੱਜ ਰਹੀਆਂ ਹਨ। ਇਸ ਕਾਰਨ ਮੁਸਾਫਰਾਂ ਦੀਆਂ ਪਰੇਸ਼ਾਨੀਆਂ ਘਟਣ ਦੀ ਬਜਾਏ ਵਧ ਰਹੀਆਂ ਹਨ। ਸੀਟ ਨਾ ਮਿਲਣ ਕਾਰਨ ਉਹ ਲੰਬੀ ਦੇਰੀ ਨਾਲ ਚੱਲਣ ਵਾਲੀਆਂ ਰੇਲਾਂ ਦੀਆਂ ਟਿਕਟਾਂ ਵੀ ਰੱਦ ਕਰਵਾ ਸਕਦੇ ਹਨ। ਇਸ ਸਥਿਤੀ ’ਚ ਉਨ੍ਹਾਂ ਨੂੰ ਘੰਟਿਆਂ ਤੱਕ ਸਟੇਸ਼ਨ 'ਤੇ ਹੀ ਇੰਤਜ਼ਾਰ ਕਰਨਾ ਪੈ ਰਿਹਾ ਹੈ। ਇਹ ਹੀ ਕਾਰਨ ਹੈ ਕਿ ਸਟੇਸ਼ਨ ’ਤੇ ਮੁਸਾਫਰਾਂ ਦੀ ਗਿਣਤੀ ਵੀ ਲਗਾਤਾਰ ਵਧ ਰਹੀ ਹੈ। ਸਟੇਸ਼ਨਾਂ ਦੀ ਵਧਦੀ ਸਥਿਤੀ ਨੂੰ ਦੇਖਦਿਆਂ ਹੋਏ ਰੇਲਵੇ ਵੱਲੋਂ ਵਿਸ਼ੇਸ਼ ਰੇਲ ਗੱਡੀਆਂ ਚਲਾਈਆਂ ਜਾ ਰਹੀਆਂ ਹਨ, ਤਾਂ ਜੋ ਮੁਸਾਫਰਾਂ ਨੂੰ ਕੁਝ ਰਾਹਤ ਮਿਲ ਸਕੇ।

ਇਨ੍ਹਾਂ ’ਚ ਫਿਰੋਜ਼ਪੁਰ ਕੈਂਟ ਤੋਂ ਝੰਜਰਪੁਰ ਲਈ 04620 ਹਫਤਾਵਾਰੀ ਖਾਸ ਰੇਲ ਸ਼ਾਮਲ ਹੈ, ਜੋ 18 ਅਪ੍ਰੈਲ ਤੋਂ 23 ਮਈ ਤੱਕ ਹਰ ਸ਼ਨਿਚਰਵਾਰ ਚਲਾਈ ਜਾਵੇਗੀ। ਇਹ ਰੇਲ ਗੱਡੀ ਫਿਰੋਜ਼ਪੁਰ ਕੈਂਟ ਤੋਂ ਦੁਪਹਿਰ 2:30 ਵਜੇ ਚੱਲੇਗੀ ਤੇ ਦੁਪਹਿਰ 4:35 ਵਜੇ ਜਲੰਧਰ ਸਟੇਸ਼ਨ ਪੁੱਜੇਗੀ। ਜਿੱਥੇ ਪੰਜ ਮਿੰਟਾਂ ਦੇ ਰੁਕਾਵਟ ਤੋਂ ਬਾਅਦ ਰੇਲ ਅੱਗੇ ਲਈ ਰਵਾਨਾ ਹੋਵੇਗੀ। ਇਸੇ ਤਰ੍ਹਾਂ ਝੰਜਰਪੁਰ ਤੋਂ ਫਿਰੋਜ਼ਪੁਰ ਕੈਂਟ ਲਈ ਵਿਸ਼ੇਸ਼ ਰੇਲ 04619 ਨੂੰ 20 ਅਪ੍ਰੈਲ ਤੋਂ 25 ਮਈ ਤੱਕ ਹਰ ਸੋਮਵਾਰ ਚਲਾਇਆ ਜਾਵੇਗਾ। ਜੋ ਝੰਜਰਪੁਰ ਤੋਂ ਸਵੇਰੇ ਇਕ ਵਜੇ ਚੱਲੇਗੀ ਤੇ ਅਗਲੇ ਦਿਨ ਸਵੇਰੇ 6:50 ਵਜੇ ਜਲੰਧਰ ਸਿਟੀ ਰੇਲਵੇ ਸਟੇਸ਼ਨ 'ਤੇ ਪੁੱਜੇਗੀ। ਇਸੇ ਤਰ੍ਹਾਂ, ਅੰਮ੍ਰਿਤਸਰ-ਕੋਲਕਾਤਾ 04624-23 ਸਮਰ ਵਿਸ਼ੇਸ਼ 13 ਤੋਂ 29 ਅਪ੍ਰੈਲ ਤੱਕ ਹਰ ਸੋਮਵਾਰ, ਅੰਮ੍ਰਿਤਸਰ-ਬਰੌਨੀ ਹਫਤਾਵਾਰੀ ਵਿਸ਼ੇਸ਼ ਰੇਲ 04610 ਨੂੰ 19 ਅਪ੍ਰੈਲ ਤੋਂ 12 ਜੁਲਾਈ ਤੱਕ ਹਰ ਐਤਵਾਰ ਤੇ ਅੰਮ੍ਰਿਤਸਰ-ਨਿਊ ਜਲਪਾਈ ਗੁੜੀ 04653-54 ਨੂੰ ਪਹਿਲੀ ਮਈ ਤੱਕ ਚਲਾਇਆ ਜਾ ਰਿਹਾ ਹੈ।

---

ਦੇਰੀ ਨਾਲ ਪੁੱਜਣ ਵਾਲੀਆਂ ਰੇਲ ਗੱਡੀਆਂ

ਅੰਮ੍ਰਿਤਸਰ ਕਲੋਨ ਸਪੈਸ਼ਲ 9 ਘੰਟੇ, ਸਰਯੂ ਯਮੁਨਾ ਐਕਸਪ੍ਰੈੱਸ, ਪੱਛਮੀ ਸੁਪਰਫਾਸਟ ਐਕਸਪ੍ਰੈੱਸ ਸਵਾ ਘੰਟਾ, ਸ਼ਾਲੀਮਾਰ ਐਕਸਪ੍ਰੈਸ ਡੇਢ ਘੰਟਾ, ਅੰਡਮਾਨ ਐਕਸਪ੍ਰੈੱਸ, ਹੇਮਕੁੰਟ ਐਕਸਪ੍ਰੈੱਸ ਇਕ ਘੰਟਾ, ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਵੰਦੇ ਭਾਰਤ ਐਕਸਪ੍ਰੈੱਸ, ਹੀਰਾਕੁੰਡ ਐਕਸਪ੍ਰੈੱਸ, ਜਨਨਾਇਕ ਐਕਸਪ੍ਰੈੱਸ, ਪਠਾਨਕੋਟ ਧੌਲਧਾਰ ਐਕਸਪ੍ਰੈੱਸ, ਸਵਰਾਜ ਐਕਸਪ੍ਰੈੱਸ, ਅੰਮ੍ਰਿਤਸਰ ਹਫਤਾਵਾਰੀ ਐਕਸਪ੍ਰੈੱਸ ਅੱਧਾ ਘੰਟਾ ਦੇਰੀ ਨਾਲ ਪੁੱਜੀਆਂ ਹਨ।