ਲੋਹੜੀ ਤੇ ਮਕਰ ਸੰਕ੍ਰਾਂਤੀ ਮੌਕੇ ਕੇਐੱਮਵੀ ਨੇ ਹੋਸਟਲ ਸਟਾਫ ਨੂੰ ਕੰਬਲ ਤੇ ਕੱਪੜੇ ਵੰਡੇ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਜਲੰਧਰ : ਕੇਐੱਮਵੀ ਨੇ ਸਮਾਜਿਕ ਜ਼ਿੰਮੇਵਾਰੀ ਤੇ ਸਮਾਵੇਸ਼ੀ ਕਲਿਆਣ ਦੀ ਆਪਣੀ ਲੰਬੇ ਸਮੇਂ ਤੋਂ ਚੱਲਦੀ ਆ ਰਹੀ ਪਰੰਪਰਾ ਨੂੰ ਨਿਭਾਉਂਦੇ ਹੋਏ ਲੋਹੜੀ ਤੇ ਮਕਰ ਸੰਕ੍ਰਾਂਤੀ ਦੇ ਪਾਵਨ ਮੌਕਿਆਂ ’ਤੇ ਇਕ ਸੰਵੇਦਨਸ਼ੀਲ ਕਲਿਆਣਕਾਰੀ ਪਹਿਲ ਕੀਤੀ। ਇਸ ਤਹਿਤ ਸੰਸਥਾ ਦੇ ਹੋਸਟਲ ਮੇਸ ਸਟਾਫ ਨੂੰ ਕੰਬਲ ਤੇ ਸਰਦੀ ਦੇ ਕੱਪੜੇ ਵੰਡੇ ਗਏ। ਇਹ ਉਪਰਾਲਾ ਹੋਸਟਲ ਜੀਵਨ ਦੇ ਸੁਚੱਜੇ ਸੰਚਾਲਨ ਤੇ ਵਿਦਿਆਰਥੀ ਕਲਿਆਣ ’ਚ ਅਹਿਮ ਭੂਮਿਕਾ ਨਿਭਾ ਰਹੇ ਮੇਸ ਸਟਾਫ ਪ੍ਰਤੀ ਕ੍ਰਿਤਗਤਾ ਤੇ ਉਨ੍ਹਾਂ ਦੀ ਭਲਾਈ ਪ੍ਰਤੀ ਸੰਸਥਾ ਦੀ ਚਿੰਤਾ ਨੂੰ ਦਰਸਾਉਂਦਾ ਹੈ। ਇਸ ਮੌਕੇ ਪ੍ਰਸ਼ਾਸਨ ਤੇ ਸਟਾਫ ਮੈਂਬਰਾਂ ਨੇ ਮੇਸ ਕਰਮਚਾਰੀਆਂ ਨਾਲ ਆਤਮਿਕ ਸੰਵਾਦ ਕੀਤਾ, ਉਨ੍ਹਾਂ ਨੂੰ ਤਿਉਹਾਰ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ ਤੇ ਉਨ੍ਹਾਂ ਦੀ ਨਿਸ਼ਠਾਵਾਨ ਸੇਵਾ ਦੀ ਸਰਾਹਣਾ ਕੀਤੀ। ਇਸ ਮੌਕੇ ਪ੍ਰੋਫੈਸਰ ਡਾ. ਅਤਿਮਾ ਸ਼ਰਮਾ ਦਿਵੇਦੀ ਨੇ ਕਿਹਾ ਕਿ ਅਜਿਹੀਆਂ ਅਰਥਪੂਰਨ ਪਹਿਲਾਂ ਰਾਹੀਂ ਕੰਨਿਆ ਮਹਾਵਿਦਿਆਲਾ ਸਾਂਸਕ੍ਰਿਤਿਕ ਤਿਉਹਾਰਾਂ ਨੂੰ ਮਨੁੱਖੀ ਮੁੱਲਾਂ ਨਾਲ ਜੋੜਦਾ ਹੋਇਆ ਵਿਦਿਆਰਥੀਆਂ ਤੇ ਸਟਾਫ ’ਚ ਸਮਾਜਿਕ ਜ਼ਿੰਮੇਵਾਰੀ, ਦਾਨ ਤੇ ਆਪਸੀ ਸਹਿਯੋਗ ਦੀ ਭਾਵਨਾ ਨੂੰ ਮਜ਼ਬੂਤ ਕਰਦਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਨਾਲ ਕੇਐੱਮਵੀ ਪਰਿਵਾਰ ਦੇ ਅੰਦਰ ਆਤਮਿਕ ਸਬੰਧ ਹੋਰ ਮਜ਼ਬੂਤ ਹੁੰਦੇ ਹਨ। ਲਾਭਪਾਤਰੀ ਮੇਸ ਸਟਾਫ ਮੈਂਬਰਾਂ ਵੱਲੋਂ ਇਸ ਸੋਚ-ਵਿਚਾਰ ਨਾਲ ਕੀਤੀ ਗਈ ਤੇ ਸਮੇਂਸਿਰ ਮਦਦ ਲਈ ਸੰਸਥਾ ਪ੍ਰਤੀ ਦਿਲੋਂ ਧੰਨਵਾਦ ਪ੍ਰਗਟਾਇਆ ਗਿਆ।