ਨਿਗਮ ਠੇਕੇਦਾਰ ਨੂੰ ਠੋਕਿਆ 2 ਲੱਖ ਦਾ ਜੁਰਮਾਨਾ

ਪੰਜਾਬੀ ਜਾਗਰਣ ਪ੍ਰਤੀਨਿਧ, ਜਲੰਧਰ : ਮੇਅਰ ਨੇ ਨਗਰ ਨਿਗਮ ਦੇ ਇਕ ਠੇਕੇਦਾਰ ਨੂੰ ਗਲਤ ਥਾਂ ’ਤੇ ਮਲਬਾ ਸੁੱਟਣ ਦੇ ਦੋਸ਼ ’ਚ 2 ਲੱਖ ਰੁਪਏ ਦਾ ਜੁਰਮਾਨਾ ਕੀਤਾ ਹੈ। ਮੇਅਰ ਵਨੀਤ ਧੀਰ ਅਨੁਸਾਰ ਇਕ ਠੇਕੇਦਾਰ ਵੱਲੋਂ ਮਲਬੇ ਦੀ ਭਰੀ ਟਰਾਲੀ ਵਰਿਆਣਾ ਡੰਪ ’ਤੇ ਸੁੱਟਣ ਦੀ ਬਜਾਏ ਕਿਸੇ ਹੋਰ ਥਾਂ ’ਤੇ ਸੁੱਟੇ ਜਾਣ ਤੇ ਉਸ ਦੀ ਫੋਟੋ ਸਮੇਤ ਸ਼ਿਕਾਇਤ ਆਉਣ ’ਤੇ ਉਕਤ ਠੇਕੇਦਾਰ ਨੂੰ 2 ਲੱਖ ਦਾ ਜੁਰਮਾਨਾ ਕੀਤਾ ਤੇ ਉਸ ਖਿਲਾਫ ਅਗਲੀ ਕਾਰਵਾਈ ਕਰਨ ਲਈ ਕਮਿਸ਼ਨਰ ਨੂੰ ਹਦਾਇਤ ਕੀਤੀ ਹੈ।