ਕਰਮਭੂਮੀ ਐਕਸਪ੍ਰੈੱਸ ਸਵਾ ਛੇ ਘੰਟੇ, ਜਲੰਧਰ ਇੰਟਰਸਿਟੀ ਸਾਡੇ ਤਿੰਨ ਘੰਟੇ ਹੋਈ ਲੇਟ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਜਲੰਧਰ : ਵੀਰਵਾਰ ਸਵੇਰੇ ਤੋਂ ਹੀ ਮੌਸਮ ਖਰਾਬ ਰਹਿਣ ਕਾਰਨ ਜਿੱਥੇ ਯਾਤਰੀਆਂ ਨੂੰ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ, ਉੱਥੇ ਹੀ ਰੇਲਗੱਡੀਆਂ ਦੇ ਦੇਰ ਨਾਲ ਆਉਣ ਕਾਰਨ ਉਨ੍ਹਾਂ ਦੀਆਂ ਮੁਸ਼ਕਲਾਂ ਦੋਗੁਣੀਆਂ ਹੋ ਗਈਆਂ। ਕਿਉਂਕਿ ਘੰਟਿਆਂ ਤੱਕ ਯਾਤਰੀਆਂ ਨੂੰ ਸਟੇਸ਼ਨਾਂ ’ਤੇ ਹੀ ਬੈਠੇ ਰਹਿਣਾ ਪਿਆ। ਦਿਨ ਭਰ ਹੋ ਰਹੀ ਵਰਖਾ ਕਾਰਨ ਯਾਤਰੀਆਂ ਨੂੰ ਆਉਣ-ਜਾਣ ’ਚ ਵੀ ਦਿੱਕਤਾਂ ਆਈਆਂ। ਹਾਲਾਂਕਿ ਸਟੇਸ਼ਨ ਦੇ ਪਲੇਟਫਾਰਮ ਨੰਬਰ ਇਕ ’ਤੇ ਨਵੀਂ ਲਗਾਈ ਗਈ ਸ਼ੈੱਡ ਕਾਰਨ ਯਾਤਰੀਆਂ ਨੂੰ ਵੱਡੀ ਰਾਹਤ ਮਿਲੀ। ਪਹਿਲਾਂ ਫੁੱਟਓਵਰ ਬ੍ਰਿਜ ਤੋਂ ਅੱਗੇ ਖੜ੍ਹੀਆਂ ਰੇਲਗੱਡੀਆਂ ਦੇ ਡੱਬਿਆਂ ਤੋਂ ਉਤਰਦੇ ਸਮੇਂ ਯਾਤਰੀਆਂ ਨੂੰ ਮੀਂਹ ’ਚ ਭਿੱਜ ਕੇ ਹੀ ਬਾਹਰ ਆਉਣਾ ਪੈਂਦਾ ਸੀ। ਪਰ ਹੁਣ ਸ਼ੈੱਡ ਲੱਗਣ ਨਾਲ ਯਾਤਰੀ ਰੇਲ ਤੋਂ ਉਤਰਦੇ ਹੀ ਕੁਝ ਸਮਾਂ ਲਈ ਉਸਦੇ ਹੇਠਾਂ ਖੜ੍ਹ ਸਕਦੇ ਹਨ। ਹਾਲਾਂਕਿ ਇਸ ਵਿਚਕਾਰ ਅਜੇ ਵੀ ਕੁਝ ਖਾਲੀ ਜਗ੍ਹਾ ਹੈ, ਪਰ ਫਿਰ ਵੀ ਕਾਫੀ ਰਾਹਤ ਮਿਲਣੀ ਸ਼ੁਰੂ ਹੋ ਗਈ ਹੈ। ਜੇ ਦੇਰੀ ਨਾਲ ਆਉਣ ਵਾਲੀਆਂ ਰੇਲਗੱਡੀਆਂ ਦੀ ਗੱਲ ਕਰੀਏ ਤਾਂ ਕਰਮਭੂਮੀ ਐਕਸਪ੍ਰੈੱਸ ਸਵਾ ਛੇ ਘੰਟੇ, ਜਲੰਧਰ ਇੰਟਰਸਿਟੀ ਐਕਸਪ੍ਰੈੱਸ ਸਾਡੇ ਤਿੰਨ ਘੰਟੇ, ਸ਼੍ਰੀ ਮਾਤਾ ਵੈਸ਼ਣੋ ਦੇਵੀ ਕਟੜਾ ਸਪੈਸ਼ਲ ਤੇ ਸਚਖੰਡ ਐਕਸਪ੍ਰੈੱਸ ਢਾਈ ਘੰਟੇ ਦੇਰੀ ਨਾਲ ਪਹੁੰਚੀਆਂ। ਸਰਬੱਤ ਦਾ ਭਲਾ ਐਕਸਪ੍ਰੈੱਸ ਪੌਣੇ ਦੋ ਘੰਟੇ, ਦਾਦਰ ਐਕਸਪ੍ਰੈੱਸ, ਪੱਛਮ ਐਕਸਪ੍ਰੈੱਸ, ਹੇਮਕੁੰਟ ਐਕਸਪ੍ਰੈੱਸ ਤੇ ਜੇਹਲਮ ਐਕਸਪ੍ਰੈੱਸ ਡੇਢ ਘੰਟਾ ਲੇਟ ਰਹੀਆਂ। ਅੰਮ੍ਰਿਤਸਰ ਹੋਲੀ ਸਪੈਸ਼ਲ ਤੇ ਛੱਤੀਸਗੜ੍ਹ ਐਕਸਪ੍ਰੈੱਸ ਸਵਾ ਇੱਕ ਘੰਟਾ, ਜਦਕਿ ਅੰਮ੍ਰਿਤਸਰ ਸੁਪਰਫਾਸਟ ਐਕਸਪ੍ਰੈੱਸ, ਦੇਹਰਾਦੂਨ ਐਕਸਪ੍ਰੈੱਸ ਤੇ ਸ਼ਾਲੀਮਾਰ ਐਕਸਪ੍ਰੈੱਸ ਇੱਕ ਘੰਟਾ ਦੇਰੀ ਨਾਲ ਪਹੁੰਚੀਆਂ। ਸ਼੍ਰੀ ਮਾਤਾ ਵੈਸ਼ਣੋ ਦੇਵੀ ਕਟੜਾ, ਆਮ੍ਰਪਾਲੀ ਐਕਸਪ੍ਰੈੱਸ ਤੇ ਸ਼ਹੀਦ ਐਕਸਪ੍ਰੈੱਸ ਅੱਧਾ ਘੰਟਾ ਦੇਰੀ ਨਾਲ ਪਹੁੰਚੀਆਂ।