25 ਮਿੰਟਾਂ ’ਚ ਪੱਤਰਕਾਰ ਦੀ ਕਾਰ ਚੋਰੀ

ਕ੍ਰਾਈਮ ਰਿਪੋਰਟਰ, ਪੰਜਾਬੀ ਜਾਗਰਣ, ਜਲੰਧਰ : ਪੱਤਰਕਾਰ ਨਰਿੰਦਰ ਗੁਪਤਾ ਦੀ ਗੱਡੀ 25 ਮਿੰਟਾਂ ’ਚ ਹੀ ਚੋਰ ਚੋਰੀ ਕਰਕੇ ਲੈ ਗਏ। ਜਾਣਕਾਰੀ ਦਿੰਦੇ ਪੱਤਰਕਾਰ ਨਰਿੰਦਰ ਗੁਪਤਾ ਵਾਸੀ ਪਾਮਰਾਇਲ ਵਡਾਲਾ ਰੋਡ ਨੇ ਦੱਸਿਆ ਕਿ ਵੀਰਵਾਰ ਦੁਪਹਿਰ 2.20 ’ਤੇ ਕਿਸੇ ਕੰਮ ਲਈ ਰੈਜੀਡੈਂਟ ਹੋਟਲ ਦੇ ਸਾਹਮਣੇ ਆਪਣੀ ਗੱਡੀ ਨੰਬਰ ਪੀਬੀ 08ਈ ਵਾਈ 0917 ’ਤੇ ਗਿਆ ਸੀ। ਉਹ ਆਪਣੇ ਸਾਥੀਆਂ ਨਾਲ ਚਾਹ ਪੀਣ ਲਈ ਇਕ ਦੁਕਾਨ ਦੇ ਬਾਹਰ ਰੁਕ ਗਿਆ ਤੇ ਗੱਡੀ ਗਲੀ ’ਚ ਲਗਾ ਦਿੱਤੀ। ਚਾਹ ਪੀਣ ਤੋਂ ਬਾਅਦ ਉਸ ਨੂੰ ਲਾਗੇ ਪੈਂਦੇ ਇਕ ਬੈਂਕ ਵਿੱਚ ਕੰਮ ਪੈ ਗਿਆ, ਜਦੋਂ 2.47 ਵਜੇ ਉਹ ਬੈਂਕ ਤੋਂ ਬਾਹਰ ਆਏ ਤਾਂ ਗੱਡੀ ਗਾਇਬ ਸੀ। ਉਸ ਨੇ ਕਾਫੀ ਲੱਭਣ ਦੀ ਕੋਸ਼ਿਸ਼ ਕੀਤੀ ਪਰ ਕਾਮਯਾਬ ਨਹੀਂ ਹੋਇਆ। ਇਸ ਤੋਂ ਬਾਅਦ ਘਟਨਾ ਦੀ ਸੂਚਨਾ ਥਾਣਾ ਬਾਰਾਦਰੀ ਦੀ ਪੁਲਿਸ ਨੂੰ ਦਿੱਤੀ ਗਈ। ਮੌਕੇ ’ਤੇ ਪੁੱਜੀ ਪੁਲਿਸ ਨੇ ਨਰਿੰਦਰ ਗੁਪਤਾ ਦੇ ਬਿਆਨਾਂ ਤੇ ਅਣਪਛਾਤੇ ਚੋਰਾਂ ਖਿਲਾਫ ਮਾਮਲਾ ਦਰਜ ਕਰਕੇ ਘਟਨਾ ਵਾਲੀ ਥਾਂ ਦੇ ਆਲੇ ਦੁਆਲੇ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਖੰਘਾਲਣੀ ਸ਼ੁਰੂ ਕਰ ਦਿੱਤੀ ਹੈ।