ਮਾਰਜਿਨ ਨੂੰ ਛੱਡ ਕੇ ਉਦਯੋਗਪਤੀ ਕਰ ਰਹੇ ਹਨ ਕਾਰੋਬਾਰ, ਜੰਗਬੰਦੀ ਨੇ ਦਿੱਤੀ ਰਾਹ
ਕਮਲ ਕਿਸ਼ੋਰ, ਜਲੰਧਰ : ਈਰਾਨ-ਇਜ਼ਰਾਈਲ
Publish Date: Wed, 08 Apr 2026 11:52 PM (IST)
Updated Date: Wed, 08 Apr 2026 11:53 PM (IST)
ਕਮਲ ਕਿਸ਼ੋਰ, ਜਲੰਧਰ :
ਈਰਾਨ-ਇਜ਼ਰਾਈਲ ਦੇ ਤਣਾਅ ਕਾਰਨ ਕਾਰੋਬਾਰ 'ਤੇ ਪ੍ਰਭਾਵ ਪੈ ਗਿਆ ਹੈ। ਸ਼ਿਪਿੰਗ ਕੰਟੇਨਰ, ਕੱਚੇ ਮਾਲ ਦੀਆਂ ਕੀਮਤਾਂ, ਹਵਾਈ ਕੋਰੀਅਰ ਅਤੇ ਵਪਾਰਕ ਗੈਸ ਸਿਲਿੰਡਰ ਦੀਆਂ ਕੀਮਤਾਂ ’ਚ ਵਾਧਾ ਹੋ ਚੁੱਕਾ ਹੈ। ਉਦਯੋਗ ਖਰੀਦਦਾਰਾਂ ਨੂੰ ਆਪਣੇ ਮਾਰਜਿਨ ਨੂੰ ਛੱਡ ਕੇ ਕਾਰੋਬਾਰ ਕਰਨ ’ਚ ਲੱਗੇ ਹੋਏ ਹਨ। ਹੁਣ ਜੰਗਬੰਦੀ ਹੋਣ ਨਾਲ ਉਦਯੋਗਪਤੀਆਂ ਨੇ ਸੁੱਖ ਦਾ ਸਾਹ ਲਿਆ ਹੈ। ਕਾਰੋਬਾਰ ਨੂੰ ਮੁੜ ਪੱਟੜੀ 'ਤੇ ਲਿਆਉਣ ਲਈ ਇਕ ਤੋਂ ਡੇਢ ਮਹੀਨੇ ਦਾ ਸਮਾਂ ਲੱਗੇਗਾ। ਕੱਚੇ ਮਾਲ ਦੀਆਂ ਕੀਮਤਾਂ ਕਮੀ ਹੋਣ ’ਚ ਇਕ ਜਾਂ ਦੋ ਦਿਨ ਨਹੀਂ, ਬਲਕਿ ਦੋ ਹਫ਼ਤਿਆਂ ਦਾ ਸਮਾਂ ਲੱਗ ਸਕਦਾ ਹੈ। ਇਸ ਵੇਲੇ ਉਦਯੋਗ ਖਰੀਦਦਾਰਾਂ ਦੇ ਆਰਡਰਾਂ ਨੂੰ ਪੂਰਾ ਕਰਨ ਲਈ ਮਾਰਜਿਨ ਛੱਡ ਰਹੇ ਹਨ ਤਾਂ ਜੋ ਆਉਣ ਵਾਲੇ ਦਿਨਾਂ ’ਚ ਆਰਡਰ ਬੰਦ ਨਾ ਹੋਣ। ਉਦਯੋਗ ਦੀ ਉਤਪਾਦਨ ਸਮਰੱਥਾ 'ਤੇ ਪ੍ਰਭਾਵ ਨਾ ਪਵੇ। ਕੁਝ ਉਦਯੋਗਾਂ ਨੇ ਕੱਚੇ ਮਾਲ ਦੀਆਂ ਕੀਮਤਾਂ ਵਧਣ ਕਾਰਨ ਉਤਪਾਦ ’ਚ 10 ਤੋਂ 20 ਫੀਸਦ ਦੀ ਵਾਧਾ ਕਰ ਦਿੱਤੀ ਸੀ। ਕੁਝ ਉਦਯੋਗ ਵਧਾਉਣ ਦੀ ਸੋਚ ਰਹੇ ਸਨ। ਉਤਪਾਦਨ ਦੀ ਲਾਗਤ ਵਧ ਰਹੀ ਸੀ। ਹੁਣ ਜੰਗਬੰਦੀ ਹੋਣ ਕਾਰਨ ਉਦਯੋਗ ਖਰੀਦਦਾਰਾਂ ਤੋਂ ਵੱਧ ਤੋਂ ਵੱਧ ਆਰਡਰਾਂ ਦੀ ਉਡੀਕ ਕਰ ਰਹੇ ਹਨ। ਪਾਈਪ ਫਿਟਿੰਗ, ਵਾਲਵ ਤੇ ਹੋਰ ਉਦਯੋਗਾਂ 'ਤੇ ਹਰ ਜਗ੍ਹਾ ਪ੍ਰਭਾਵ ਦਿਖਾਈ ਦੇ ਰਿਹਾ ਹੈ। ਜੇ ਯੁੱਧ ਜ਼ਿਆਦਾ ਦੇਰ ਤੱਕ ਚੱਲਦਾ ਤਾਂ ਉਦਯੋਗ ਲਈ ਜੀਵਨ ਯਾਪਨ ਕਰਨਾ ਮੁਸ਼ਕਲ ਹੋ ਜਾਣਾ ਸੀ।
---
ਧੀਮਾਨ ਟੈਕਨੋ ਦੇ ਐੱਮਡੀ ਕੰਵਰਜੀਤ ਸਿੰਘ ਧੀਮਾਨ ਨੇ ਕਿਹਾ ਕਿ ਮੌਜੂਦਾ ਹਾਲਾਤ ਨਾਲ ਉਦਯੋਗਾਂ ਨੇ ਸੁੱਖ ਦਾ ਸਾਹ ਲਿਆ ਹੈ। ਕੱਚੇ ਮਾਲ ਦੀਆਂ ਕੀਮਤਾਂ ਘਟਣ ਦੇ ਆਸਾਰ ਹਨ। ਉਤਪਾਦਨ ਦੀ ਲਾਗਤ 'ਤੇ ਖਰਚਾ ਘਟੇਗਾ ਤੇ ਲੋਕਾਂ ਨੂੰ ਰੁਜ਼ਗਾਰ ਮਿਲ ਸਕੇਗਾ। ਖਰੀਦਦਾਰਾਂ ਤੋਂ ਮਿਲੇ ਆਰਡਰਾਂ ਨੂੰ ਪੂਰਾ ਕਰਨ ਲਈ ਆਪਣੇ ਮਾਰਜਿਨ ਨੂੰ ਛੱਡਿਆ ਜਾ ਰਿਹਾ ਹੈ।
---
ਉਦਯੋਗਪਤੀ ਵਿਕਰਮ ਧੀਮਾਨ ਨੇ ਕਿਹਾ ਕਿ ਕੱਚੇ ਮਾਲ ਦੀਆਂ ਕੀਮਤਾਂ ਵਧਣ ਨਾਲ ਹਰ ਚੀਜ਼ ਮਹਿੰਗੀ ਹੋ ਚੁੱਕੀ ਹੈ। ਉਦਯੋਗ ਲਈ ਉਤਪਾਦ ਦੀਆਂ ਕੀਮਤਾਂ ਨਿਰਧਾਰਿਤ ਕਰਨਾ ਮੁਸ਼ਕਲ ਹੋ ਰਿਹਾ ਸੀ। ਹਵਾਈ ਕੋਰੀਅਰ ਤੋਂ ਲੈ ਕੇ ਸ਼ਿਪਿੰਗ ਕੰਟੇਨਰ, ਇੰਸ਼ੋਰੈਂਸ ਤੱਕ ਸਭ ਕੁਝ ਮਹਿੰਗਾ ਹੋ ਚੁੱਕਾ ਸੀ ਪਰ ਆਉਣ ਵਾਲੇ ਦਿਨਾਂ ’ਚ ਕੀਮਤਾਂ ਘਟਣ ਦੇ ਆਸਾਰ ਦਿਖਾਈ ਦੇ ਰਹੇ ਹਨ। ਕਾਰੋਬਾਰ ਮੁੜ ਪੱਟੜੀ 'ਤੇ ਆਉਣਾ ਸ਼ੁਰੂ ਹੋ ਜਾਵੇਗਾ। ਜਿਨ੍ਹਾਂ ਖਰੀਦਦਾਰਾਂ ਨੇ ਆਰਡਰ ਰੋਕੇ ਹਨ, ਉਨ੍ਹਾਂ ਨੂੰ ਪੂਰਾ ਕਰਨ ਲਈ ਕਿਹਾ ਜਾਵੇਗਾ।
---
ਲਘੂ ਉਦਯੋਗ ਭਾਰਤੀ ਜਲੰਧਰ ਇਕਾਈ ਦੇ ਪ੍ਰਧਾਨ ਅਨਿਰੂਧ ਧੀਰ ਨੇ ਕਿਹਾ ਕਿ ਯੁੱਧ ਨੇ ਹਰ ਉਦਯੋਗ ਦੀ ਉਤਪਾਦਨ ਸਮਰੱਥਾ 'ਤੇ ਪ੍ਰਭਾਵ ਪਾਇਆ ਹੈ। ਉਦਯੋਗ ਇਸ ਸਮੇਂ "ਨੋ ਲੋਸ, ਨੋ ਪ੍ਰੋਫਿਟ" 'ਤੇ ਕੰਮ ਕਰ ਰਹੇ ਹਨ। ਯੁੱਧ ਵਿਰਾਮ ਨਾਲ ਛੋਟੀ ਤੋਂ ਲੈ ਕੇ ਵੱਡੀ ਉਦਯੋਗ ਨੇ ਸੁੱਖ ਦਾ ਸਹਾ ਲਿਆ ਹੈ। ਹੌਲੀ-ਹੌਲੀ ਪਹਿਲਾਂ ਦੀ ਤਰ੍ਹਾਂ ਕਾਰੋਬਾਰ ਮੁੜ ਪੱਟੜੀ ’ਤੇ ਆਉਣਾ ਸ਼ੁਰੂ ਹੋ ਜਾਵੇਗਾ। ਉਦਯੋਗ ’ਚ ਕੰਮ ਘਟਣ ਕਾਰਨ ਦੂਜੇ ਸੂਬਿਆਂ ’ਚ ਗਏ ਕਿਰਤੀ ਦੁਬਾਰਾ ਪੰਜਾਬ ’ਚ ਆਉਣ ਸ਼ੁਰੂ ਹੋ ਜਾਣਗੇ। ਪਹਿਲਾਂ ਦੀ ਤਰ੍ਹਾਂ ਵੱਧ ਤੋਂ ਵੱਧ ਕੰਮ ਦੀ ਸ਼ਿਫਟਾਂ ਮਿਲਣੀਆਂ ਸ਼ੁਰੂ ਹੋ ਜਾਣਗੀਆਂ।