ਜਿਮਖਾਨਾ ਦੀ ਏਜੀਐੱਮ 14 ਮਾਰਚ, ਚੋਣਾਂ ਦੀਆਂ ਕਨਸੋਆਂ ਸ਼ੁਰੂ

ਜਾਸ, ਜਲੰਧਰ : ਜਿਮਖਾਨਾ ਕਲੱਬ ਕਮੇਟੀ ਦਾ ਕਾਰਜਕਾਲ 10 ਮਾਰਚ ਨੂੰ ਖਤਮ ਹੋਣ ਜਾ ਰਿਹਾ ਹੈ। ਸ਼ਨਿਚਰਵਾਰ ਨੂੰ ਕਲੱਬ ਵਿਹੜੇ ’ਚ ਇਕ ਕਾਰਜਕਾਰੀ ਬੈਠਕ ਦਾ ਪ੍ਰਬੰਧ ਕੀਤਾ ਗਿਆ। ਇਸ ਬੈਠਕ ਦੀ ਪ੍ਰਧਾਨਗੀ ਡਵੀਜ਼ਨਲ ਕਮਿਸ਼ਨਰ ਤੇ ਕਲੱਬ ਦੇ ਪ੍ਰਧਾਨ ਰਾਮਵੀਰ ਸਿੰਘ ਨੇ ਕੀਤੀ। ਬੈਠਕ ’ਚ 14 ਮਾਰਚ ਨੂੰ ਏਜੀਐੱਮ ਕਰਨ ਦੀ ਮਨਜ਼ੂਰੀ ਦਿੱਤੀ ਗਈ ਹੈ। ਏਜੀਐੱਮ ਮਗਰੋਂ ਚੋਣ ਸਰਗਰਮੀਆਂ ਤੇਜ਼ ਹੋ ਜਾਣਗੀਆਂ। ਅਪ੍ਰੈਲ ਦੇ ਪਹਿਲੇ ਹਫ਼ਤੇ ਚੋਣਾਂ ਹੋ ਸਕਦੀਆਂ ਹਨ। ਇਸ ਵੇਲੇ ਜਿਮਖਾਨਾ ਕਲੱਬ ਦੀਆਂ ਚੋਣਾਂ ਦੀਆਂ ਕਨਸੋਆਂ ਸ਼ੁਰੂ ਹੋ ਚੁੱਕੀਆਂ ਹਨ। ਚੋਣਾਂ ਦੀ ਤਰੀਕ ਦੇ ਨਾਲ-ਨਾਲ ਵੱਖ-ਵੱਖ ਅਹੁਦਿਆਂ 'ਤੇ ਦਾਅਵੇਦਾਰੀ ’ਤੇ ਗੱਲਬਾਤ ਵੀ ਸ਼ੁਰੂ ਹੋ ਚੁੱਕੀ ਹੈ।

ਚਰਚਾ ਇਹ ਹੈ ਕਿ ਸੁਮਿਤ ਸ਼ਰਮਾ ਵਾਈਸ ਪ੍ਰੈਸੀਡੈਂਟ, ਤਰੁਣ ਸਿੱਕਾ, ਅਮਿਤ ਕੁਕਰੇਜਾ, ਰਾਜੂ ਵਿਰਕ ਸਕੱਤਰ ਦੇ ਅਹੁਦੇ, ਅਨੁ ਮਾਟਾ, ਹਰਪ੍ਰੀਤ ਗੋਲਡੀ, ਮਹਿੰਦਰ ਸਿੰਘ ਦੇ ਸੰਯੁਕਤ ਸਕੱਤਰ ਅਤੇ ਸੌਰਭ ਖੁੱਲ੍ਹਰ ਦੀ ਖਜ਼ਾਨਚੀ ਅਹੁਦੇ ਦੀ ਚੋੜ ਲੜਨ ਦੀ ਚਰਚਾ ਚੱਲ ਰਹੀ ਹੈ। ਇਹ ਦਾਅਵੇਦਾਰ ਕਿਸ ਗਰੁੱਪ ਵੱਲੋਂ ਕਿਸ ਅਹੁਦਾ ’ਤੇ ਚੋਣ ਲੜਦੇ ਹਨ, ਇਹ ਆਉਣ ਵਾਲਾ ਸਮਾਂ ਦੱਸੇਗਾ।

ਫਿਲਹਾਲ ਚਰਚਾ ਹੈ ਕਿ ਕਾਰਜਕਾਰੀ ਮੈਂਬਰ ਜਗਜੀਤ ਕੰਬੋਜ ਦੁਬਾਰਾ ਚੋਣ ਲੜਦੇ ਹਨ ਜਾਂ ਨਹੀਂ, ਇਹ ਵੀ ਆਉਣ ਵਾਲਾ ਸਮਾਂ ਦੱਸੇਗਾ। ਫਿਲਹਾਲ ਚਰਚਾ ਹੈ ਕਿ ਕੰਬੋਜ ਦੁਬਾਰਾ ਚੋਣ ਲੜ ਸਕਦੇ ਹਨ। ਬੈਠਕ ’ਚ ਸਕੱਤਰ ਕੁੱਕੀ ਬਹਲ, ਸੰਯੁਕਤ ਸਕੱਤਰ ਅਨੁ ਮਾਟਾ, ਖਜ਼ਾਨਚੀ ਸੌਰਭ ਖੁੱਲਰ ਦੇ ਨਾਲ-ਨਾਲ ਕਾਰਜਕਾਰੀ ਮੈਂਬਰ ਪ੍ਰੋ. ਵਿਪਿਨ ਝਾਂਜੀ, ਸ਼ਾਲੀਨ ਜੋਸ਼ੀ, ਨਿਤਿਨ ਬਹਿਲ, ਸ਼ਾਲਿਨੀ ਕਾਲੜਾ, ਮਹਿੰਦਰ ਸਿੰਘ, ਹਰਪ੍ਰੀਤ ਗੋਲਡੀ, ਅਤੁਲ ਤਲਵਾਡਾ, ਜਗਜੀਤ ਕੰਬੋਜ, ਵਿਨੀ ਧਵਨ ਅਤੇ ਸੀਏ ਰਾਜੀਵ ਬਾਂਸਲ ਮੌਜੂਦ ਸਨ।