ਜੂਨ ਤੱਕ ਜਲੰਧਰ ਦੇ ਸੱਤ ਸੌ ਘਰਾਂ ’ਚ ਪਹੁੰਚੇਗੀ ਪੀਐੱਨਜੀ

ਉਦਯੋਗ ਨੂੰ ਸਪਲਾਈ ਅਗਸਤ ਤੱਕ ਜਾਗਰਣ ਸੰਵਾਦਦਾਤਾ, ਜਲੰਧਰ : ਜਲੰਧਰ ਦੇ ਸੱਤ ਸੌ ਤੋਂ ਵੱਧ ਘਰਾਂ ’ਚ ਪਾਈਪਡ ਨੈਚਰਲ ਗੈਸ (ਪੀਐੱਨਜੀ) ਦੀ ਸਪਲਾਈ 30 ਮਈ ਤੋਂ ਸ਼ੁਰੂ ਹੋ ਜਾਵੇਗੀ। ਘਰਾਂ ਨੂੰ ਗੈਸ ਦੇਣ ਦਾ ਕੰਮ 30 ਜੂਨ ਤੱਕ ਪੂਰਾ ਕਰਨ ਦਾ ਟੀਚਾ ਹੈ। ਉਦਯੋਗ ਨੂੰ ਪੀਐੱਨਜੀ ਦੀ ਸਪਲਾਈ ਅਗਸਤ ਤੱਕ ਮੁਕੰਮਲ ਕਰਨ ਦਾ ਯੋਜਨਾ ਬਣਾਈ ਗਈ ਹੈ। ਇਕ ਨਿੱਜੀ ਕੰਪਨੀ ਨੇ ਪਿੰਡ ਹਮੀਰ ਖੇੜਾ ਵਿਚ ਸਿਟੀ ਗੈਸ ਸਟੇਸ਼ਨ ਬਣਾਇਆ ਹੈ, ਜਿੱਥੋਂ ਜਲੰਧਰ ਹਾਈਟਸ, ਲਾਂਬੜਾ ਤੇ 66 ਫੀਟ ਰੋਡ ਦੇ ਘਰਾਂ ਨੂੰ ਸਪਲਾਈ ਦਿੱਤੀ ਜਾਵੇਗੀ। ਕੰਪਨੀ ਦੇ ਅਨੁਸਾਰ ਸੱਤ ਸੌ ਤੋਂ ਵੱਧ ਘਰਾਂ ਤੱਕ ਪਾਈਪ ਲਾਈਨ ਪਹੁੰਚਾ ਦਿੱਤੀ ਗਈ ਹੈ ਤੇ ਸ਼ਹਿਰ ’ਚ ਬਾਕੀ ਕੰਮ ਜਾਰੀ ਹੈ। ਇਸ ਤੋਂ ਪਹਿਲਾਂ ਮਾਰਚ ਤੱਕ ਦੋ ਹਜ਼ਾਰ ਘਰਾਂ ਨੂੰ ਗੈਸ ਦੇਣ ਦਾ ਟੀਚਾ ਸੀ ਪਰ ਪ੍ਰੋਜੈਕਟ ਰੁਕਣ ਕਾਰਨ ਹੁਣ ਸਿਰਫ਼ ਕਰੀਬ ਸੱਤ ਸੌ ਘਰਾਂ ਨੂੰ ਹੀ ਗੈਸ ਮਿਲੇਗੀ। ਬਾਕੀ ਪ੍ਰੋਜੈਕਟ ਨੂੰ ਅਗਲੇ ਤਿੰਨ ਮਹੀਨਿਆਂ ਵਿਚ ਪੂਰਾ ਕਰਨ ਦਾ ਟੀਚਾ ਹੈ, ਜਿਸ ’ਚ ਉਦਯੋਗ ਵੀ ਸ਼ਾਮਲ ਹੈ। ਪ੍ਰੋਜੈਕਟ ਮੈਨੇਜਰ ਨੇ ਕਿਹਾ ਕਿ ਕੇਂਦਰ ਸਰਕਾਰ ਵੱਲੋਂ ਇਸ ਬਾਰੇ ਗਜ਼ਟ ਵੀ ਜਾਰੀ ਕੀਤਾ ਗਿਆ ਹੈ। ਐੱਲਪੀਜੀ ਸੰਕਟ ਤੋਂ ਉੱਭਰਨ ਲਈ ਗੈਸ ਪਾਈਪ ਲਾਈਨ ਪ੍ਰੋਜੈਕਟ ਤੇ ਤੇਜ਼ੀ ਨਾਲ ਕੰਮ ਕੀਤਾ ਜਾ ਰਿਹਾ ਹੈ। ਜਲੰਧਰ ਸ਼ਹਿਰ ਦੇ 1 ਲੱਖ 82 ਹਜ਼ਾਰ ਘਰਾਂ ਤੱਕ ਪੀਐਨਜੀ ਦੀ ਸਪਲਾਈ ਹੋਣੀ ਹੈ। ਪੁਰਾਣੇ ਸ਼ਹਿਰ ਵਿਚ 60 ਕਿਲੋਮੀਟਰ ਲੰਬੀ ਪਾਈਪ ਲਾਈਨ ਪਾਈ ਜਾਣੀ ਹੈ, ਜਿਸ ਵਿੱਚੋਂ ਹੁਣ ਤੱਕ 50 ਕਿਲੋਮੀਟਰ ਪਾਈਪ ਲਾਈਨ ਪਾਈ ਜਾ ਚੁੱਕੀ ਹੈ। ਕੰਪਨੀ ਨੇ ਪਿੰਡ ਹਮੀਰ ਖੇੜਾ ’ਚ ਸਿਟੀ ਗੈਸ ਸਟੇਸ਼ਨ ਬਣਾਇਆ ਹੈ ਤੇ ਸ਼ਹਿਰ ਦੇ ਸੱਤ ਸੌ ਘਰਾਂ ’ਚ ਮੀਟਰ ਲਗਾਏ ਗਏ ਹਨ। ਸ਼ਹਿਰ ਦੇ ਬਾਹਰੀ ਇਲਾਕਿਆਂ ’ਚ ਪਾਈਪ ਲਾਈਨ ਪਾਈ ਜਾ ਚੁੱਕੀ ਹੈ, ਜੋ ਉਦਯੋਗ ਨਾਲ ਵੀ ਜੁੜੀ ਹੋਈ ਹੈ। ਕੰਪਨੀ ਦਾ ਜਲੰਧਰ ਸ਼ਹਿਰ ਸਮੇਤ ਬਾਹਰੀ ਇਲਾਕਿਆਂ ’ਚ 155 ਕਿਲੋਮੀਟਰ ਗੈਸ ਪਾਈਪ ਲਾਈਨ ਪਾਈ ਜਾਣ ਦਾ ਪ੍ਰੋਜੈਕਟ ਹੈ। ਪਿੰਡ ਹਮੀਰ ਖੇੜਾ ਤੋਂ 66 ਫੀਟ ਰੋਡ ਅਤੇ ਜਾਲੰਧਰ ਹਾਈਟਸ ਦੇ ਘਰਾਂ ਤੇ ਮੀਟਰ ਲਗਾਏ ਜਾ ਚੁੱਕੇ ਹਨ। ਜੰਡੂ ਸਿੰਘਾ, ਪਠਾਨਕੋਟ ਚੌਕ, ਮਕਸੂਦਾਂ, ਲਾਂਬੜਾ, ਕਰਤਾਰਪੁਰ ਤੇ ਕਿਸ਼ਨਗੜ੍ਹ ਤੱਕ ਪਾਈਪ ਲਾਈਨ ਪਾਈ ਜਾ ਚੁੱਕੀ ਹੈ। 32 ਹਜ਼ਾਰ ਕਿਊਬਿਕ ਮੀਟਰ ਗੈਸ ਮਿਲੇਗੀ ਸਿਟੀ ਸਟੇਸ਼ਨ ਤੋਂ ਹਮੀਰ ਖੇੜਾ ਵਿਚ ਲਗਾਏ ਗਏ ਸਿਟੀ ਗੈਸ ਸਟੇਸ਼ਨ ਤੋਂ ਹਰ ਰੋਜ਼ 32 ਹਜ਼ਾਰ ਕਿਊਬਿਕ ਮੀਟਰ ਗੈਸ ਦੀ ਸਪਲਾਈ ਹੋਵੇਗੀ। ਇਕ ਅਨੁਮਾਨ ਦੇ ਅਨੁਸਾਰ ਕਾਪੀ ਘਰ ਨੂੰ ਹਰ ਰੋਜ਼ 5.80 ਮੈਟ੍ਰਿਕ ਗੈਸ ਮਿਲੇਗੀ, ਜੋ ਐੱਲਪੀਜੀ ਨਾਲੋਂ ਸਸਤੀ ਪਵੇਗੀ। ਪੀਐੱਨਜੀ ਦੇ ਰੇਟ 46 ਰੁਪਏ ਸਟੈਂਡਰਡ ਕਿਊਬਿਕ ਮੀਟਰ ਤੈਅ ਕੀਤੇ ਗਏ ਹਨ। ਐਲਪੀਜੀ ਲਈ 25 ਦਿਨਾਂ ਦਾ ਇੰਤਜ਼ਾਰ ਤੇ ਫਿਰ ਲਾਈਨਾਂ ਵਿਚ ਖੜ੍ਹੇ ਹੋ ਕੇ ਗੈਸ ਲੈਣ ਵਾਲਿਆਂ ਨੂੰ ਪੀਐਨਜੀ ਮਿਲਣ ਨਾਲ ਰਾਹਤ ਮਿਲੇਗੀ। ਘਰ ਦੇ ਬਾਹਰ ਪਾਈਪ ਲਾਈਨ ਤੇ ਲਗਿਆ ਮੀਟਰ ਤੁਹਾਡੀ ਖਪਤ ਦੀ ਰੀਡਿੰਗ ਦੇਵੇਗਾ।