ਦੋਮੋਰੀਆ ਪੁਲ਼ ਹੇਠਾਂ ਬਣੇਗਾ ਪੰਜ ਫੁੱਟ ਡੂੰਘਾ ਬੇਸ

ਜਾਸ, ਜਲੰਧਰ : ਦੋਮੋਰੀਆ ਪੁਲ ਨੂੰ ਮਜ਼ਬੂਤ ਕਰਨ ਲਈ ਜਿੱਥੇ ਕੰਕਰੀਟ ਦੀਆਂ ਕੰਧਾਂ ਤਿਆਰ ਕੀਤੀਆਂ ਗਈਆਂ ਹਨ, ਉੱਥੇ ਹੁਣ ਉਸਦੇ ਬੇਸ ਨੂੰ ਵੀ ਮਜ਼ਬੂਤੀ ਦਿੱਤੀ ਜਾ ਰਹੀ ਹੈ। ਇਸ ਲਈ ਲਗਪਗ ਸਾਢੇ ਪੰਜ ਫੁੱਟ ਡੂੰਘਾ ਬੇਸ ਬਣਾਉਣ ਦਾ ਕੰਮ ਕੀਤਾ ਜਾ ਰਿਹਾ ਹੈ। ਜਿਸ ਕਾਰਨ, ਦੋਮੋਰੀਆ ਪੁਲ ਦੀ ਇਕ ਲੇਨ ਬੰਦ ਕੀਤੀ ਗਈ ਹੈ, ਜੋ ਲਗਪਗ ਦੋ ਹਫ਼ਤਿਆਂ ਤੋਂ ਬੰਦ ਹੈ ਤੇ ਹੋਰ ਦੋ ਹਫ਼ਤਿਆਂ ਦਾ ਸਮਾਂ ਵੀ ਲੱਗ ਸਕਦਾ ਹੈ। ਇਸ ਦਾ ਕਾਰਨ ਇਹ ਹੈ ਕਿ ਦੂਜੀ ਬਚੀ ਹੋਈ ਲੇਨ ਰਾਹੀਂ ਦੋਵੇਂ ਪਾਸਿਓਂ ਆਵਾਜਾਈ ਲੰਘ ਰਿਹਾ ਹੈ, ਜਿਸ ਕਾਰਨ ਲੋਕਾਂ ਨੂੰ ਟ੍ਰੈਫਿਕ ਜਾਮ ਕਾਰਨ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।