ਨਿਗਮ ਨੇ ਰੇਲਵੇ ਤੋਂ 87 ਲੱਖ ਰੁਪਏ ਰਿਕਵਰ ਕੀਤੇ

ਜਾਸ, ਜਲੰਧਰ : ਨਗਰ ਨਿਗਮ ਨੇ ਰੇਲਵੇ ਤੋਂ ਪਾਣੀ ਤੇ ਸੀਵਰੇਜ ਦੇ ਬਿੱਲਾਂ ਦੀ 87 ਲੱਖ ਰੁਪਏ ਦੀ ਰਿਕਵਰੀ ਕੀਤੀ ਹੈ। ਇਹ ਬਿਲਾਂ ਕਾਫੀ ਸਮੇਂ ਤੋਂ ਰੇਲਵੇ ਵੱਲ ਪੈਂਡਿੰਗ ਸਨ। ਵਾਟਰ ਸਪਲਾਈ ਵਿਭਾਗ ਦੇ ਸੁਪਰਡੈਂਟ ਹਰਪ੍ਰੀਤ ਸਿੰਘ ਵਾਲੀਆ, ਫਲਾਈਂਗ ਸਕੁਐਡ ਦੀ ਟੀਮ ਦੇ ਅਧਿਕਾਰੀ ਤੇ ਚੀਫ ਟੈਕਸ ਕੁਲੈਕਟਰ ਅਸ਼ਵਨੀ ਗਿੱਲ ਨੇ ਰੇਲਵੇ ਦੇ ਅਧਿਕਾਰੀਆਂ ਨਾਲ ਲਗਾਤਾਰ ਮੀਟਿੰਗਾਂ ਕਰਕੇ ਭੁਗਤਾਨ ਦੀ ਮੰਗ ਕੀਤੀ।

ਨਗਰ ਨਿਗਮ ਦੇ ਕਰਜ਼ੇ ਨੰਬਰ 5 ਤਹਿਤ ਇਹ ਬਿੱਲ ਸਿਟੀ ਰੇਲਵੇ ਸਟੇਸ਼ਨ 'ਤੇ ਪਾਣੀ ਤੇ ਸੀਵਰੇਜ ਦੀ ਵਰਤੋਂ ਦੇ ਹਨ। ਆਖਰੀ ਮੀਟਿੰਗ ’ਚ ਹਰਪ੍ਰੀਤ ਵਾਲੀਆ, ਅਸ਼ਵਨੀ ਗਿਲ, ਜ਼ੋਨ ਨੰਬਰ 5 ਦੇ ਏਰੀਆ ਇੰਚਾਰਜ ਇੰਸਪੈਕਟਰ ਯੋਗੇਸ਼ ਸ਼ਰਮਾ, ਇੰਸਪੈਕਟਰ ਹਰਜੀਤ ਬੌਬੀ, ਸੰਜੀਵ ਮੌਦਗਿੱਲ, ਪਰਮਿੰਦਰ ਸਿੰਘ, ਸੰਨੀ ਨਾਹਰ, ਰਾਜਿੰਦਰ ਸੱਭਰਵਾਲ, ਅਜੈ ਕੁਮਾਰ, ਕੁਨਾਲ ਤੇ ਗੌਰਵ ਨੇ ਰੇਲਵੇ ਨੂੰ ਚਿਤਾਵਨੀ ਦਿੱਤੀ ਸੀ ਕਿ ਜੇ ਪੁਰਾਣਾ ਬਕਾਇਆ ਨਹੀਂ ਚੁਕਾਇਆ ਗਿਆ ਤਾਂ ਉਹ ਕੁਨੈਕਸ਼ਨ ਕੱਟਣ ਲਈ ਮਜਬੂਰ ਹੋ ਜਾਣਗੇ। ਇਸ ਤੋਂ ਬਾਅਦ ਰੇਲਵੇ ਨੇ ਬਿੱਲ ਦਾ ਭੁਗਤਾਨ ਕਰ ਦਿੱਤਾ ਹੈ। ਨਾਲ ਹੀ ਕੈਂਟ ਰੇਲਵੇ ਸਟੇਸ਼ਨ ਤੋਂ ਵੀ ਪਾਣੀ ਤੇ ਸੀਵਰੇਜ ਦਾ ਬਿਲ ਲੈਣਾ ਬਾਕੀ ਹੈ, ਜੋਸਿਟੀ ਰੇਲਵੇ ਸਟੇਸ਼ਨ ਦੇ ਬਿੱਲ ਨਾਲੋਂ ਲਗਪਗ 6 ਗੁਣਾ ਵੱਧ ਹੈ। ਸੋਮਵਾਰ ਨੂੰ ਵਾਟਰ ਸਪਲਾਈ ਵਿਭਾਗ ਦੀ ਟੀਮ ਨੇ ਮੇਅਰ ਵਨੀਤ ਧੀਰ ਨੂੰ ਰਿਕਵਰੀ ਦੀ ਜਾਣਕਾਰੀ ਦਿੱਤੀ।