ਉਦਯੋਗ ’ਚ ਕੰਮ ਕਰਨ ਵਾਲੇ ਮਜ਼ਦੂਰਾਂ ਨੂੰ 35 ਸਿਲੰਡਰ ਵੰਡੇ

ਜਾਗਰਣ ਸੰਵਾਦਦਾਤਾ, ਜਲੰਧਰ

ਉਦਯੋਗ ’ਚ ਕੰਮ ਕਰ ਰਹੇ ਮਜ਼ਦੂਰਾਂ ਨੂੰ ਹੁਣ ਪੰਜ ਕਿੱਲੋ ਦੇ ਸਿਲੰਡਰ ਮਿਲਣੇ ਸ਼ੁਰੂ ਹੋ ਗਏ ਹਨ। ਉਦਯੋਗ ਦੀ ਮੰਗ ਮੁਤਾਬਕ ਜ਼ਿਲ੍ਹਾ ਫੂਡ ਸਪਲਾਈ ਵਿਭਾਗ ਵੱਲੋਂ ਸਿਲੰਡਰ ਭੇਜੇ ਜਾ ਰਹੇ ਹਨ। ਸ਼ਨਿਚਰਵਾਰ ਨੂੰ ਵਿਭਾਗ ਨੇ ਰੈਮਕੋ ਇੰਟਰਨੈਸ਼ਨਲ ਨੂੰ 14, ਸੁਪਰ ਟੈਕ ਫੋਰਜਿੰਗ ਨੂੰ 2, ਈਐੱਸ-ਟੀਈ ਇੰਟਰਨੈਸ਼ਨਲ ਨੂੰ 14 ਤੇ ਵੂਡਕੋ ਨੂੰ ਇਕ ਸਿਲਿੰਡਰ ਵੰਡਿਆ। ਕੁੱਲ 35 ਸਿਲੰਡਰਾਂ ਦਾ ਵੰਡ ਕੀਤਾ ਗਿਆ।

ਉਦਯੋਗਪਤੀ ਸ਼ਾਂਤ ਗੁਪਤਾ ਨੇ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ ਘੱਟੋ-ਘੱਟ 500 ਸਿਲੰਡਰ ਮੁਹੱਈਆ ਕਰਵਾਏ ਜਾਣ ਤਾਂ ਜੋ ਵੱਖ-ਵੱਖ ਉਦਯੋਗਾਂ ’ਚ ਕੰਮ ਕਰ ਰਹੇ ਮਜ਼ਦੂਰਾਂ ਨੂੰ ਵੰਡੇ ਜਾ ਸਕਣ। ਮਜ਼ਦੂਰਾਂ ਨੂੰ ਕੰਟਰੋਲ ਕੀਮਤ 'ਤੇ ਸਿਲੰਡਰ ਦਿੱਤੇ ਜਾ ਰਹੇ ਹਨ। ਜ਼ਿਲ੍ਹਾ ਫੂਡਸ ਐਂਡ ਸਪਲਾਈ ਅਫਸਰ ਮਨੀਸ਼ ਕੁਮਾਰ ਅਤੇ ਦਮਨ ਗੈਸ ਸਰਵਿਸ ਤੋਂ ਸਰਬਜੀਤ ਡੋਗਰਾ ਨੇ ਕਿਹਾ ਕਿ ਮਜ਼ਦੂਰਾਂ ਨੂੰ ਸਿਲੰਡਰ ਦਿੱਤੇ ਜਾ ਰਹੇ ਹਨ। ਜਿਨ੍ਹਾਂ ਕੋਲ ਆਧਾਰ ਕਾਰਡ ਜਾਂ ਦੂਜੇ ਸੂਬਿਆਂ ਦੇ ਰਿਹਾਇਸ਼ੀ ਪਤੇ ਹਨ, ਉਨ੍ਹਾਂ ਨੂੰ ਵੀ ਸਿਲੰਡਰ ਦਿੱਤੇ ਜਾ ਰਹੇ ਹਨ। ਉਦਯੋਗ ਦੀ ਮੰਗ ਮੁਤਾਬਕ ਸਿਲੰਡਰਾਂ ਦੀ ਸੂਚੀ ਬਣਾ ਕੇ ਵਿਭਾਗ ਕੋਲ ਭੇਜੀ ਜਾ ਸਕਦੀ ਹੈ। ਉਦਯੋਗਿਕ ਜਥੇਬੰਦੀਆਂ ਨੇ ਮਜ਼ਦੂਰਾਂ ਨੂੰ ਸਿਲੰਡਰਾਂ ਦੇ ਵੰਡਣ ਦੀ ਮੰਗ ਕੀਤੀ ਸੀ।