- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਪੰਜਾਬ 'ਚ ਹੋਲੀ ਤੋਂ ਪਹਿਲਾਂ ਰੇਲ ਮੁਸਾਫ਼ਰਾਂ ਦੀ ਵਧੀ ਟੈਨਸ਼ਨ: 22 ਰੇਲ ਗੱਡੀਆਂ ਰੱਦ, ਵੇਟਿੰਗ ਲਿਸਟ 100 ਤੋਂ ਪਾਰ
ਹੋਲੀ ਦਾ ਤਿਉਹਾਰ 4 ਮਾਰਚ ਨੂੰ ਮਨਾਇਆ ਜਾਣਾ ਹੈ ਪਰ ਇਸ ਤੋਂ ਪਹਿਲਾਂ ਹੀ ਰੇਲ ਗੱਡੀਆਂ ਫੁੱਲ ਚੱਲ ਰਹੀਆਂ ਹਨ, ਇਸ ਕਾਰਨ ਮੁਸਾਫਰਾਂ ਨੂੰ ਬੈਠਣ ਲਈ ਵੀ ਸੀਟਾਂ ਨਹੀਂ ਮਿਲ ਰਹੀਆਂ। ਕਈ ਰੇਲ ਗੱਡੀਆਂ ਦੀ ਵੇਟਿੰਗ 100 ਤੋਂ ਵੱਧ ਹੋ ਚੁੱਕੀ ਹੈ ਤੇ ਕਈਆਂ ਦੀ ਵੇਟਿੰਗ ਲਿਸਟ ਦੀ ਸਮਾਂ ਹੱਦ ਵੀ ਖਤਮ ਹੋ ਗਈ ਹੈ। ਇਸ ਕਾਰਨ ਉਨ੍ਹਾਂ ’ਚ "ਨੋ ਮੋਰ ਬੁਕਿੰਗ" ਦਾ ਬਦਲ ਆਉਣ ਲੱਗਾ ਹੈ, ਜਿਸ ਦਾ ਮਤਲਬ ਹੈ ਕਿ ਉਨ੍ਹਾਂ ਦੀ ਬੁਕਿੰਗ ਬੰਦ ਹੋ ਚੁੱਕੀ ਹੈ।
Posted By Sunita
Publish Date: Tue, 17 Feb 2026 11:55 AM (IST)
Updated Date: Tue, 17 Feb 2026 11:57 AM (IST)
ਜਾਸ, ਜਲੰਧਰ : ਹੋਲੀ ਦਾ ਤਿਉਹਾਰ 4 ਮਾਰਚ ਨੂੰ ਮਨਾਇਆ ਜਾਣਾ ਹੈ ਪਰ ਇਸ ਤੋਂ ਪਹਿਲਾਂ ਹੀ ਰੇਲ ਗੱਡੀਆਂ ਫੁੱਲ ਚੱਲ ਰਹੀਆਂ ਹਨ, ਇਸ ਕਾਰਨ ਮੁਸਾਫਰਾਂ ਨੂੰ ਬੈਠਣ ਲਈ ਵੀ ਸੀਟਾਂ ਨਹੀਂ ਮਿਲ ਰਹੀਆਂ। ਕਈ ਰੇਲ ਗੱਡੀਆਂ ਦੀ ਵੇਟਿੰਗ 100 ਤੋਂ ਵੱਧ ਹੋ ਚੁੱਕੀ ਹੈ ਤੇ ਕਈਆਂ ਦੀ ਵੇਟਿੰਗ ਲਿਸਟ ਦੀ ਸਮਾਂ ਹੱਦ ਵੀ ਖਤਮ ਹੋ ਗਈ ਹੈ। ਇਸ ਕਾਰਨ ਉਨ੍ਹਾਂ ’ਚ "ਨੋ ਮੋਰ ਬੁਕਿੰਗ" ਦਾ ਬਦਲ ਆਉਣ ਲੱਗਾ ਹੈ, ਜਿਸ ਦਾ ਮਤਲਬ ਹੈ ਕਿ ਉਨ੍ਹਾਂ ਦੀ ਬੁਕਿੰਗ ਬੰਦ ਹੋ ਚੁੱਕੀ ਹੈ। ਇਸ ਦੇ ਨਤੀਜੇ ਵਜੋਂ ਜਨਰਲ ਡੱਬੇ ਦੀ ਹਾਲਤ ਬਹੁਤ ਖਰਾਬ ਹੋ ਰਹੀ ਹੈ, ਜਿੱਥੇ ਪੈਰ ਰੱਖਣ ਲਈ ਵੀ ਥਾਂ ਨਹੀਂ ਮਿਲ ਰਹੀ। ਨਵੇਂ ਨਿਯਮਾਂ ਅਨੁਸਾਰ, ਜੇ ਕਿਸੇ ਮੁਸਾਫਰ ਕੋਲ ਵੇਟਿੰਗ ਟਿਕਟ ਹੈ ਤਾਂ ਉਹ ਸਲੀਪਰ ਕੋਚ ’ਚ ਸਵਾਰੀ ਨਹੀਂ ਕਰ ਸਕਦੇ ਤੇ ਉਨ੍ਹਾਂ ਨੂੰ ਜਨਰਲ ਡੱਬੇ ਵਿਚ ਹੀ ਸਵਾਰੀ ਕਰਨੀ ਪਵੇਗੀ।
22 ਰੇਲ ਗੱਡੀਆਂ ਪਹਿਲਾਂ ਹੀ ਰੱਦ ਹੋ ਚੁੱਕੀਆਂ ਹਨ ਅਤੇ ਜੋ ਚੱਲ ਰਹੀਆਂ ਹਨ, ਉਹ ਵੀ ਦੇਰੀ ਨਾਲ ਪੁੱਜ ਰਹੀਆਂ ਹਨ, ਜਿਸ ਕਾਰਨ ਯਾਤਰੀਆਂ ਦੀਆਂ ਮੁਸ਼ਕਲਾਂ ਦੁੱਗਣੀਆਂ ਹੋ ਗਈਆਂ ਹਨ। ਰੇਲ ਗੱਡੀਆਂ ਦੀ ਦੇਰੀ ਦੀ ਗੱਲ ਕਰੀਏ ਤਾਂ ਅੰਮ੍ਰਿਤਸਰ ਕਲੋਨ ਸਪੈਸ਼ਲ ਪੌਣੇ ਸੱਤ ਘੰਟੇ, ਮਾਲਵਾ ਸੁਪਰਫਾਸਟ ਐਕਸਪ੍ਰੈੱਸ ਸਵਾ ਪੰਜ ਘੰਟੇ, ਸਵਰਾਜ ਐਕਸਪ੍ਰੈੱਸ ਪੌਣੇ ਚਾਰ ਘੰਟੇ, ਸਰਯੂ ਯਮੁਨਾ ਐਕਸਪ੍ਰੈੱਸ ਪੌਣੇ ਤਿੰਨ ਘੰਟੇ, ਜਨਨਾਇਕ ਐਕਸਪ੍ਰੈੱਸ ਤਿੰਨ ਘੰਟੇ, ਹੇਮਕੁੰਟ ਐਕਸਪ੍ਰੈੱਸ ਢਾਈ ਘੰਟੇ, ਦਾਦਰ ਐਕਸਪ੍ਰੈੱਸ ਪੌਣੇ ਦੋ ਘੰਟੇ, ਦੇਹਰਾਦੂਨ ਐਕਸਪ੍ਰੈੱਸ ਡੇਢ ਘੰਟਾ, ਅੰਮ੍ਰਿਤਸਰ ਇੰਟਰਸਿਟੀ ਐਕਸਪ੍ਰੈੱਸ ਤੇ ਸ਼ਾਲੀਮਾਰ ਐਕਸਪ੍ਰੈੱਸ ਸਵਾ ਘੰਟਾ, ਹਾਵੜਾ ਮੇਲ, ਅਕਾਲ ਤਖਤ ਐਕਸਪ੍ਰੈੱਸ, ਗਰੀਬਰਥ ਐਕਸਪ੍ਰੈੱਸ ਇਕ ਘੰਟਾ, ਲੁਧਿਆਣਾ ਛੇਹਰਟਾ ਐੱਮਈਐੱਮਯੂ, ਛੱਤੀਸਗੜ੍ਹ ਐਕਸਪ੍ਰੈੱਸ ਅੱਧਾ ਘੰਟਾ ਤੇ ਸਵਰਨ ਜੈਅੰਤੀ ਸ਼ਤਾਬਦੀ ਐਕਸਪ੍ਰੈੱਸ, ਜਨ ਸ਼ਤਾਬਦੀ ਐਕਸਪ੍ਰੈੱਸ ਅੱਧਾ ਘੰਟਾ ਦੇਰੀ ਨਾਲ ਪੁੱਜੀਆਂ ਹਨ।
ਰੇਲ ਗੱਡੀਆਂ ਦੀ ਵੇਟਿੰਗ ਲਿਸਟ (18-19 ਫਰਵਰੀ)
| ਤਰੀਕ | ਰੇਲ ਗੱਡੀ ਦਾ ਨਾਮ ਅਤੇ ਨੰਬਰ | ਵੇਟਿੰਗ (Status) |
| 18 ਫਰਵਰੀ | ਅਮਰਨਾਥ ਐਕਸਪ੍ਰੈੱਸ (15098) | ਨੋ ਮੋਰ ਬੁਕਿੰਗ |
| 18 ਫਰਵਰੀ | ਸਰਯੂ ਯਮੁਨਾ ਐਕਸਪ੍ਰੈੱਸ (14650) | ਨੋ ਮੋਰ ਬੁਕਿੰਗ |
| 18 ਫਰਵਰੀ | ਅੰਮ੍ਰਿਤਸਰ ਹਾਵੜਾ ਐਕਸਪ੍ਰੈੱਸ (13006) | ਨੋ ਮੋਰ ਬੁਕਿੰਗ |
| 18 ਫਰਵਰੀ | ਅਰਚਨਾ ਐਕਸਪ੍ਰੈੱਸ (12356) | ਨੋ ਮੋਰ ਬੁਕਿੰਗ |
| 18 ਫਰਵਰੀ | ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਕਮਾਖਿਆ ਦੇਵੀ (15656) | ਨੋ ਮੋਰ ਬੁਕਿੰਗ |
| 18 ਫਰਵਰੀ | ਕੋਲਕਾਤਾ ਐਕਸਪ੍ਰੈੱਸ (13152) | 69 |
| 18 ਫਰਵਰੀ | ਗਰੀਬਰੱਥ ਐਕਸਪ੍ਰੈੱਸ (12204) | 78 |
| 18 ਫਰਵਰੀ | ਕਟਿਹਾਰ ਐਕਸਪ੍ਰੈੱਸ (15708) | 92 |
| 18 ਫਰਵਰੀ | ਹਮਸਫਰ ਐਕਸਪ੍ਰੈੱਸ (22318) | 72 |
| --- | --- | --- |
| 19 ਫਰਵਰੀ | ਕੋਲਕਾਤਾ ਐਕਸਪ੍ਰੈੱਸ (13152) | ਨੋ ਮੋਰ ਬੁਕਿੰਗ |
| 19 ਫਰਵਰੀ | ਲੋਹਿਤ ਐਕਸਪ੍ਰੈੱਸ (15652) | 115 |
| 19 ਫਰਵਰੀ | ਦੁਰਗਿਆਨਾ ਐਕਸਪ੍ਰੈੱਸ (12358) | 135 |
| 19 ਫਰਵਰੀ | ਅੰਮ੍ਰਿਤਸਰ ਕਟਿਹਾਰ ਐਕਸਪ੍ਰੈੱਸ (15708) | 74 |
| 19 ਫਰਵਰੀ | ਸ਼ਹੀਦ ਐਕਸਪ੍ਰੈੱਸ (14674) | 80 |
| 19 ਫਰਵਰੀ | ਗੰਗਾ ਸਤਲੁਜ ਐਕਸਪ੍ਰੈੱਸ (13308) | 75 |
| 19 ਫਰਵਰੀ | ਅੰਮ੍ਰਿਤਸਰ ਹਾਵੜਾ ਮੇਲ | 145 |