ਫ਼ਿਰੋਜ਼ਪੁਰ ਦੀਆਂ ਮੰਡੀਆਂ 'ਚ ਕਣਕ ਦੇ ਅੰਬਾਰ, ਪਰ ਸਰਕਾਰੀ ਖਰੀਦ ਠੱਪ; ਦਾਣੇ ਦੇ ਸਾਈਜ਼ 'ਚ ਛੋਟ ਦੀ ਉਡੀਕ 'ਚ ਬੈਠੇ ਪੰਜਾਬ ਦੇ ਕਿਸਾਨ

ਪਿੰਡ ਜਖਰਾਂਵਾ ਦੇ ਕਿਸਾਨ ਪ੍ਰੇਮ ਸਿੰਘ ਨੇ ਦੱਸਿਆ ਕਿ ਉਸ ਨੂੰ ਮੰਡੀ ਕਣਕ ਲੈ ਕੇ ਆਏ ਨੂੰ ਚਾਰ ਪੰਜ ਦਿਨ ਹੋ ਗਏ ਹਨ, ਪਰ ਕਣਕ ਨਹੀਂ ਵਿਕੀ। ਹਾਲਾਂਕਿ ਪ੍ਰੇਮ ਸਿੰਘ ਨੇ ਬਿਜਲੀ ਪਾਣੀ ਸਾਫ਼ ਸਫ਼ਾਈ ਜਿਹੇ ਪ੍ਰਬੰਧਾਂ ਤੇ ਸੰਤੁਸ਼ਟੀ ਜਤਾਈ ਹੈ ਪਰ ਕਣਕ ਦੀ ਖਰੀਦ ਨਾ ਹੋਣ ਕਾਰਨ ਪਰੇਸ਼ਾਨ ਹੈ। ਉਧਰ ਇਸ ਸਬੰਧੀ ਡੀ ਐਫ ਐੱਸ ਸੀ ਫਿਰੋਜ਼ਪੁਰ ਨੇ ਦੱਸਿਆ ਕਿ ਇਸ ਵਾਰ ਮੌਸਮ ਖਰਾਬ ਹੋਣ ਕਾਰਨ ਕਣਕ ਦਾ ਦਾਣਾ ਕੁਝ ਛੋਟਾ ਰਹਿ ਗਿਆ ਹੈ। ਇਸ ਸਬੰਧੀ ਹਰਿਆਣਾ ਨੂੰ ਦੇ ਛੋਟ ਦਿੱਤੀ ਗਈ ਹੈ, ਹੋ ਸਕਦਾ ਹੈ ਅੱਜ ਦੁਪਹਿਰ ਤੱਕ ਪੰਜਾਬ ਨੂੰ ਵੀ ਮਿਲ ਜਾਏ।