ਫਿਰੋਜ਼ਪੁਰ ਮੰਡਲ ਨੇ ਕੁੱਲ 3850 ਕਰਮਚਾਰੀਆਂ ਨੂੰ ਤਰੱਕੀ ਦਿੱਤੀ

ਸਟਾਫ ਰਿਪੋਰਟਰ, ਪੰਜਾਬੀ ਜਾਗਰਣ, ਫਿਰੋਜ਼ਪੁਰ : ਫਿਰੋਜ਼ਪੁਰ ਮੰਡਲ ਵੱਲੋਂ ਤਰਜੀਹੀ ਆਧਾਰ ’ਤੇ ਕਰਮਚਾਰੀਆਂ ਨੂੰ ਸਮੇਂ ਸਿਰ ਤਰੱਕੀ (ਪ੍ਰਮੋਸ਼ਨ) ਪ੍ਰਦਾਨ ਕੀਤੀ ਜਾਂਦੀ ਹੈ, ਜੋ ਕਰਮਚਾਰੀ ਦੀਆਂ ਇੱਛਾਵਾਂ ਅਤੇ ਸੰਗਠਨਾਤਮਕ ਹਿੱਤਾਂ ਦੀ ਵੀ ਰੱਖਿਆ ਕਰਦਾ ਹੈ। ਮੰਡਲ ਰੇਲ ਪ੍ਰਬੰਧਕ ਸੰਜੀਵ ਕੁਮਾਰ ਦੇ ਮਾਰਗਦਰਸ਼ਨ ਅਤੇ ਸੀਨੀਅਰ ਮੰਡਲ ਕਾਰਮਿਕ ਅਧਿਕਾਰੀ ਸਾਕਸ਼ੀ ਸਿੰਘ ਦੀ ਅਗਵਾਈ ਹੇਠ ਸਾਲ 2025 ਦੌਰਾਨ ਕੁੱਲ 19,643 ਕਰਮਚਾਰੀਆਂ ਵਿੱਚੋਂ ਕੁੱਲ 3,850 ਕਰਮਚਾਰੀਆਂ ਦੀ ਚੋਣ ਅਤੇ ਤਰੱਕੀ ‘ਸਿਲੈਕਸ਼ਨ ਕੈਲੰਡਰ ਨਿਗਰਾਨੀ ਪ੍ਰਣਾਲੀ’ ਦੀ ਸਹਾਇਤਾ ਨਾਲ ਕੀਤੀ ਗਈ। ਇਹ ਕੁੱਲ ਗਿਣਤੀ ਦਾ ਲਗਭਗ 20 ਪ੍ਰਤੀਸ਼ਤ ਹੈ। ਫਿਰੋਜ਼ਪੁਰ ਮੰਡਲ ਵਿਚ ਤਰੱਕੀ ਲਈ ਸਿਲੈਕਸ਼ਨ ਕੈਲੰਡਰ ਨਿਗਰਾਨੀ ਰਾਹੀਂ ਪਹਿਲਾਂ ਹੀ ਤਰੱਕੀ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਜਾਂਦੀ ਹੈ। ਕਾਰਮਿਕ ਵਿਭਾਗ ਨੂੰ ਚੋਣ ਸੂਚੀ/ਪੈਨਲ ਪਹਿਲਾਂ ਹੀ ਤਿਆਰ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਹਨ ਤਾਂ ਜੋ ਜਦੋਂ ਕੋਈ ਕਰਮਚਾਰੀ ਸੇਵਾਮੁਕਤ ਹੋਵੇ, ਤਾਂ ਅਗਲੇ ਯੋਗ ਕਰਮਚਾਰੀ ਨੂੰ ਉਸੇ ਦਿਨ ਤਰੱਕੀ ਦਿੱਤੀ ਜਾ ਸਕੇ। ਕਰਮਚਾਰੀਆਂ ਦੀ ਤਰੱਕੀ ਦੀ ਨਿਗਰਾਨੀ ਲਈ ਇਕ ਸਿਲੈਕਸ਼ਨ ਕੈਲੰਡਰ ਬਣਾਇਆ ਗਿਆ ਹੈ, ਜਿਸ ਨਾਲ ਕੋਈ ਵੀ ਚੋਣ/ਯੋਗਤਾ ਅਤੇ ਟਰੇਡ ਟੈਸਟ ਛੁੱਟ ਨਹੀਂ ਸਕਦਾ। ਮੰਡਲ ਦੀ ਕਾਰਮਿਕ ਸ਼ਾਖਾ ਦੇ ਅਧਿਕਾਰੀਆਂ ਦੁਆਰਾ ਨਿਯਮਤ ਸਮੇਂ ’ਤੇ ਇਸ ਦੀ ਸਮੀਖਿਆ ਕੀਤੀ ਜਾਂਦੀ ਹੈ, ਤਾਂ ਜੋ ਯੋਗ ਕਰਮਚਾਰੀ ਨੂੰ ਸਮੇਂ ਸਿਰ ਤਰੱਕੀ ਮਿਲ ਸਕੇ।