ਜਨਰੇਟਰ ਦੀ ਬੈਟਰੀ ਫਟਨ ਕਾਰਨ ਦੋ ਜ਼ਖ਼ਮੀ

ਪੱਤਰ ਪ੍ਰੇਰਕ.ਪੰਜਾਬੀ ਜਾਗਰਣ, ਅਬੋਹਰ : ਮੰਗਲਵਾਰ ਨੂੰ ਅਬੋਹਰ ਨਗਰ ਨਿਗਮ ਵਿੱਚ ਸਮਾਗਮ ਦੌਰਾਨ ਜਨਰੇਟਰ ਦੀ ਬੈਟਰੀ ਫਟਣ ਨਾਲ ਦੋ ਕਰਮਚਾਰੀ ਜ਼ਖਮੀ ਹੋ ਗਏ। ਗਰਮ ਐਸਿਡ ਉਨ੍ਹਾਂ ਦੀਆਂ ਅੱਖਾਂ ਵਿੱਚ ਦਾਖਲ ਹੋ ਗਿਆ, ਅਤੇ ਉਨ੍ਹਾਂ ਨੂੰ ਤੁਰੰਤ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ। ਇਹ ਘਟਨਾ ਨਿਗਮ ਚ ਵਕ ਸਮਾਗਮ ਮਨਾਉਣ ਦੌਰਾਨ ਵਾਪਰੀ। ਜਾਣਕਾਰੀ ਅਨੁਸਾਰ ਜਦੋਂ ਜਨਰੇਟਰ ਚਾਲੂ ਨਹੀਂ ਹੋਇਆ ਤਾਂ ਦੋ ਨਿੱਜੀ ਬਿਜਲੀ ਕਰਮਚਾਰੀ, ਸੰਜੇ ਤੇ ਰਾਜੂ, ਜਨਰੇਟਰ ਸੈੱਟ ਦੀ ਬੈਟਰੀ ਕੱਢ ਕੇ ਇਸਨੂੰ ਠੀਕ ਕਰਨ ਦੀ ਕੋਸ਼ਿਸ਼ ਕੀਤੀ। ਇਸ ਦੌਰਾਨ ਅਚਾਨਕ ਇੱਕ ਚੰਗਿਆੜੀ ਆਈ ਤੇ ਬੈਟਰੀ ਦਾ ਇੱਕ ਹਿੱਸਾ ਫਟ ਗਿਆ, ਜਿਸ ਨਾਲ ਐਸਿਡ ਉਨ੍ਹਾਂ ਦੀਆਂ ਅੱਖਾਂ ਵਿੱਚ ਦਾਖਲ ਹੋ ਗਿਆ। ਉਕਤ ਦਾ ਸਿਵਲ ਹਸਪਤਾਲ ’ਚ ਇਲਾਜ ਚੱਲ ਰਿਹਾ ਹੈ।