ਲੋਹੜੀ ਦੇ ਮੌਕੇ ਸ੍ਰੀ ਮੇਢ ਰਾਜਪੂਤ ਸਭਾ ਵੱਲੋਂ ਪਰਿਵਾਰ ਮਿਲਣ ਸਮਾਰੋਹ ਕਰਵਾਇਆ

ਪੱਤਰ ਪ੍ਰੇਰਕ .ਪੰਜਾਬੀ ਜਾਗਰਣ, ਫਾਜ਼ਿਲਕਾ : ਲੋਹੜੀ ਦੇ ਤਿਉਹਾਰ ਦੇ ਉਪਲੱਖ ਵਿੱਚ ਸ੍ਰੀ ਮੇਢ ਰਾਜਪੂਤ ਸਭਾ ਵੱਲੋਂ ਪਰਿਵਾਰ ਮਿਲਣ ਸਮਾਰੋਹ ਕਰਵਾਇਆ ਗਿਆ। ਸੋਨੂ, ਸੀਨੀਅਰ ਮੀਤ ਪ੍ਰਧਾਨ ਰਾਜਿੰਦਰ ਮੋਹਨ (ਕਾਲਾ), ਸਤੀਸ਼ ਕੁਮਾਰ (ਲੱਡੂ), ਮੀਤ ਪ੍ਰਧਾਨ ਵਿਕਰਮ ਢੱਲ, ਓਮ ਪ੍ਰਕਾਸ਼ ਚੌਹਾਨ, ਸੁਭਾਸ਼ ਚੰਦਰ ਵਰਮਾ (ਰਾਕੇਸ਼), ਰਾਕੇਸ਼ ਕੁਮਾਰ ਨਾਟੀ ਤੇ ਸਾਹਿਲ ਵਰਮਾ ਨੇ ਦੱਸਿਆ ਕਿ ਸ੍ਰੀ ਮੇਢ ਰਾਜਪੂਤ ਸਭਾ ਫਾਜ਼ਿਲਕਾ ਵੱਲੋਂ ਲੋਹੜੀ ਦੇ ਮੌਕੇ ’ਤੇ ਇਸ ਵਿਸ਼ੇਸ਼ ਪਰਿਵਾਰ ਮਿਲਣ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ ਸੀ। ਇਸ ਪ੍ਰੋਗਰਾਮ ਵਿੱਚ ਸਾਂਸਦ ਸ਼ੇਰ ਸਿੰਘ ਘੁਬਾਇਆ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਵਿਸ਼ੇਸ਼ ਮਹਿਮਾਨਾਂ ਵਜੋਂ ਕੌਂਸਲਰ ਪਾਲ ਚੰਦ ਵਰਮਾ, ਕੌਂਸਲਰ ਰਮੇਸ਼ ਵਰਮਾ, ਨੰਦ ਲਾਲ ਵਰਮਾ, ਅਸ਼ੋਕ ਸੋਨੀ, ਕ੍ਰਿਸ਼ਨ ਵਰਮਾ ਅਤੇ ਕ੍ਰਿਸ਼ਨ ਸਚੂ ਹਾਜ਼ਰ ਹੋਏ। ਪ੍ਰਧਾਨ ਰਾਜਿੰਦਰ ਵਰਮਾ (ਛਿੰਦਾ) ਨੇ ਮੁੱਖ ਮਹਿਮਾਨਾਂ ਦਾ ਸਵਾਗਤ ਕੀਤਾ ਅਤੇ ਪਰਿਵਾਰ ਮਿਲਣ ਸਮਾਰੋਹ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ। ਸਮਾਰੋਹ ਵਿੱਚ ਪਹੁੰਚੇ ਅਸ਼ੋਕ ਸੋਨੀ ਨੇ ਕਿਹਾ ਕਿ ਪ੍ਰਧਾਨ ਰਾਜਿੰਦਰ ਵਰਮਾ (ਛਿੰਦਾ) ਨੇ ਅਹੁਦਾ ਸੰਭਾਲਦਿਆਂ ਹੀ ਸਭਾ ਦੇ ਕੰਮਾਂ ਵਿੱਚ ਨਵੀਂ ਜਾਨ ਫੂਕ ਦਿੱਤੀ ਹੈ ਅਤੇ ਉਨ੍ਹਾਂ ਦੀ ਟੀਮ ਸਮਾਜ ਨੂੰ ਅੱਗੇ ਲਿਜਾਣ ਲਈ ਦਿਨ-ਰਾਤ ਮਿਹਨਤ ਕਰ ਰਹੀ ਹੈ, ਜੋ ਕਿ ਸ਼ਲਾਘਾਯੋਗ ਹੈ। ਕੌਂਸਲਰ ਪਾਲ ਚੰਦ ਵਰਮਾ, ਰਮੇਸ਼ ਵਰਮਾ ਅਤੇ ਹੋਰਨਾਂ ਨੇ ਵੀ ਇਸ ਸਫਲ ਆਯੋਜਨ ਲਈ ਪੂਰੀ ਟੀਮ ਨੂੰ ਵਧਾਈ ਦਿੱਤੀ। ਇਸ ਮੌਕੇ ਸਾਂਸਦ ਸ਼ੇਰ ਸਿੰਘ ਘੁਬਾਇਆ ਨੇ ਸ੍ਰੀ ਮੈਡ ਰਾਜਪੂਤ ਸਭਾ ਦੇ ਭਵਨ ਨਿਰਮਾਣ ਲਈ 5 ਲੱਖ ਰੁਪਏ ਦੇਣ ਦਾ ਐਲਾਨ ਕੀਤਾ ਅਤੇ ਹਰ ਸੰਭਵ ਸਹਿਯੋਗ ਦਾ ਭਰੋਸਾ ਦਿੱਤਾ। ਸਮਾਰੋਹ ਦੌਰਾਨ ਬੱਚਿਆਂ ਲਈ ਡਾਂਸ ਅਤੇ ਮਿਊਜ਼ਿਕ ਚੇਅਰ ਮੁਕਾਬਲੇ ਕਰਵਾਏ ਗਏ। ਨੌਜਵਾਨਾਂ ਅਤੇ ਜੋੜਿਆਂ ਲਈ ਬੈਲੂਨ ਮੁਕਾਬਲਾ ਅਤੇ ਨੀਲਮ ਘਰ ਮੁਕਾਬਲਾ ਵੀ ਕਰਵਾਇਆ ਗਿਆ। ਜੇਤੂਆਂ ਨੂੰ ਸਭਾ ਦੇ ਮੈਂਬਰਾਂ ਵੱਲੋਂ ਸਨਮਾਨਿਤ ਕੀਤਾ ਗਿਆ। ਇਸ ਦੇ ਨਾਲ ਹੀ ਪ੍ਰਧਾਨ ਰਾਜਿੰਦਰ ਵਰਮਾ ਵੱਲੋਂ ਸਭਾ ਦੇ ਕੰਮਾਂ ਵਿੱਚ ਅਹਿਮ ਯੋਗਦਾਨ ਪਾਉਣ ਵਾਲੇ ਮੈਂਬਰ ਅਮਿਤ ਨਾਹਲ, ਸਤੀਸ਼ ਵਰਮਾ, ਵਿਕਰਮ ਵਰਮਾ, ਚੰਦਰ ਵਰਮਾ, ਅਭਿਨਵ ਵਰਮਾ, ਰਾਕੇਸ਼ ਵਰਮਾ, ਸਾਹਿਲ ਵਰਮਾ, ਸ਼ਿਵਮ ਵਰਮਾ,ਦੇਵ ਵਰਮਾ ਅਤੇ ਸੋਨੂ ਵਰਮਾ ਨੂੰ ਆਪਣੇ ਵਲੋਂ ਸਨਮਾਨਿਤ ਕੀਤਾ ਗਿਆ। ਇਸ ਨੇਕ ਕਾਰਜ ਲਈ ਕੌਂਸਲਰ ਪਾਲ ਚੰਦ ਵਰਮਾ ਨੇ 11,000 ਰੁਪਏ, ਅਸ਼ੋਕ ਕੁਮਾਰ ਨੇ 5,100 ਰੁਪਏ, ਅਮੀਰ ਚੰਦ ਸਚੂ ਨੇ 3,100 ਰੁਪਏ ਅਤੇ ਰਤਨ ਲਾਲ ਨੇ 2,100 ਰੁਪਏ ਦਾ ਆਰਥਿਕ ਸਹਿਯੋਗ ਦਿੱਤਾ। ਅਖੀਰ ਵਿੱਚ ਰਾਜਿੰਦਰ ਵਰਮਾ (ਛਿੰਦਾ) ਨੇ ਸਾਰੇ ਮੈਂਬਰਾਂ ਅਤੇ ਪਰਿਵਾਰਾਂ ਦਾ ਇਸ ਸਮਾਰੋਹ ਨੂੰ ਸਫਲ ਬਣਾਉਣ ਲਈ ਧੰਨਵਾਦ ਕੀਤਾ। ਇਸ ਮੌਕੇ ਖ਼ਰੈਤ ਵਰਮਾ, ਸਤੀਸ਼ ਕੁਮਾਰ, ਰੋਸ਼ਨ ਵਰਮਾ, ਜੋਗਿੰਦਰ ਵਰਮਾ, ਰਵਿਤ ਵਰਮਾ,ਅਸ਼ਵਨੀ ਵਰਮਾ, ਸੋਨੂੰ ਬੈਸਟ,ਸ਼ੁਭਮ ਵਰਮਾ, ਮੰਗਲ ਵਰਮਾ, ਅਜੇ ਵਰਮਾ, ਮਦਨ ਲਾਲ, ਵਿਨੋਦ ਕੁਮਾਰ ਸੋਨੂ, ਪਾਰਸ ਵਰਮਾ, ਸੋਨੂ ਨਾਹਲ ਅਤੇ ਕਰਨ ਵਰਮਾ ਸਮੇਤ ਹੋਰ ਕਈ ਮੈਂਬਰ ਮੌਜੂਦ ਸਨ।