ਸਾਲਾਨਾ ਫੈਸ਼ਨ ਸ਼ੋਅ ਅਵਾਂਟ-ਗਾਰਡੇ 2026 ਦੀ ਮੇਜ਼ਬਾਨੀ ਕੀਤੀ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਸਰਹਿੰਦ : ਰਿਮਟ ਯੂਨੀਵਰਸਿਟੀ ਦੇ ਫੈਸ਼ਨ ਡਿਜ਼ਾਈਨ ਵਿਭਾਗ ਨੇ ਸਾਲਾਨਾ ਫੈਸ਼ਨ ਸ਼ੋਅ ‘ਅਵਾਂਟ-ਗਾਰਡੇ 2026’ ਕਰਵਾਇਆ ਕੀਤਾ। ਇਸ ’ਚ ਵਿਭਾਗ ਦੇ ਵਿਦਿਆਰਥੀਆਂ ਦੁਆਰਾ ਬਣਾਏ ਗਏ 15 ਵੱਖ-ਵੱਖ ਥੀਮ-ਅਧਾਰਤ ਡਿਜ਼ਾਈਨ ਪ੍ਰਦਰਸ਼ਿਤ ਕੀਤੇ ਗਏ ਜਿਸ ਵਿੱਚ ਸਮਕਾਲੀ ਫੈਸ਼ਨ, ਪ੍ਰਯੋਗਾਤਮਕ ਸ਼ੈਲੀਆਂ ਤੇ ਨਵੀਨਤਾਕਾਰੀ ਡਿਜ਼ਾਈਨ ਪਹੁੰਚਾਂ ਦਾ ਪ੍ਰਦਰਸ਼ਨ ਕੀਤਾ ਗਿਆ। ਪ੍ਰਸਿੱਧ ਫੈਸ਼ਨ ਡਿਜ਼ਾਈਨਰ ਸਿੰਪਲ ਕੌਰ ਨੇ ਮੁੱਖ-ਮਹਿਮਾਨ ਵਜੋਂ ਸਿਰਕ ਕੀਤੀ। ਯੂਨੀਵਰਸਿਟੀ ਦੇ ਵੱਖ-ਵੱਖ ਵਿਭਾਗਾਂ ਦੇ ਫੈਕਲਟੀ, ਵਿਦਿਆਰਥੀਆਂ ਅਤੇ ਮਹਿਮਾਨਾਂ ਨੇ ਸਮਾਗਮ ਵਿਚ ਸ਼ਿਰਕਤ ਕੀਤੀ ਅਤੇ ਮਾਡਲਾਂ ਦੁਆਰਾ ਕੀਤੇ ਮਨਮੋਹਕ ਰੈਂਪ ਪ੍ਰਦਰਸ਼ਨਾਂ ਦਾ ਆਨੰਦ ਮਾਣਿਆ। ਸਮਾਗਮ ਦੌਰਾਨ ਪ੍ਰਦਰਸ਼ਨ ਕਰਨ ਵਾਲੇ ਭਾਗੀਦਾਰਾਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਸਨੇਹਜੀਤ ਕੌਰ ਨੂੰ ਉਨ੍ਹਾਂ ਦੇ ਥੀਮ ‘ਰੀਇਨਕਾਰਨੇਸ਼ਨ ਇਨ ਰੈਜ਼ਿਨ’ ਲਈ ‘ਸਾਲ ਦਾ ਸਭ ਤੋਂ ਵਧੀਆ ਡਿਜ਼ਾਈਨਰ’ ਪੁਰਸਕਾਰ ਦਿੱਤਾ ਗਿਆ ਜਦੋਂ ਕਿ ਕੋਮਲ ਕੁਮਾਰੀ ਨੂੰ ਉਨ੍ਹਾਂ ਦੇ ਥੀਮ ‘ਨੋਕਟਰਨ ਰੀਚੁਅਲ’ ਲਈ ‘ਸਰਬੋਤਮ ਪ੍ਰੇਰਨਾ ਪੁਰਸਕਾਰ’ ਮਿਲਿਆ। ਨਿਤਿਨ ਖੁਰਮੀ, ਮਹਿਰਾਬ ਅਤੇ ਸਮੀਰ ਨੂੰ ਸਰਵੋਤਮ ਵਾਕ (ਪੁਰਸ਼) ਸ਼੍ਰੇਣੀ ਵਿੱਚ ਸਨਮਾਨਿਤ ਕੀਤਾ ਗਿਆ ਜਦੋਂ ਕਿ ਘਨਾ ਪਿਆਰੀ, ਦੇਵੀਨਾ ਕੋਰਟੀ ਅਤੇ ਹਰਮਨਦੀਪ ਕੌਰ ਨੂੰ ਸਰਵੋਤਮ ਵਾਕ (ਔਰਤ) ਸ਼੍ਰੇਣੀ ਵਿੱਚ ਪੁਰਸਕਾਰ ਪ੍ਰਾਪਤ ਹੋਏ। ਜਿਊਰੀ ਚੋਣ ਪੁਰਸਕਾਰ ਕੋਮਲ ਅਤੇ ਜਸ਼ਨ ਨੂੰ ਉਨ੍ਹਾਂ ਦੇ ਥੀਮ ‘ਸਕਾਰਲੇਟ ਬੋਨ’ ਲਈ ਦਿੱਤਾ ਗਿਆ। ਇਹ ਫੈਸ਼ਨ ਸ਼ੋਅ ਨਾ ਸਿਰਫ਼ ਰਚਨਾਤਮਕਤਾ ਦਾ ਜਸ਼ਨ ਸੀ ਸਗੋਂ ਵਿਦਿਆਰਥੀਆਂ ਨੂੰ ਫੈਸ਼ਨ ਉਦਯੋਗ ਅਤੇ ਪੇਸ਼ੇਵਰ ਅਨੁਭਵ ਦੀ ਵਿਹਾਰਕ ਸਮਝ ਵੀ ਪ੍ਰਦਾਨ ਕਰਦਾ ਸੀ।