ਰੇਲਵੇ ਦੇ 14 ਕਰਮਚਾਰੀਆਂ ਨੂੰ ਡਿਊਟੀ ਦੌਰਾਨ ਸਮਰਪਣ ਲਈ ਸੁਰੱਖਿਆ ਪੁਰਸਕਾਰ

ਕੈਪਸ਼ਨ : ਕਰਮਚਾਰੀਆਂ ਨੂੰ ਸਨਮਾਨਿਤ ਕਰਨ ਸਮੇਂ ਦਾ ਦ੍ਰਿਸ਼। ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਜੈਤੋ : ਉੱਤਰੀ ਰੇਲਵੇ ਦੇ ਫਿਰੋਜ਼ਪੁਰ ਰੇਲਵੇ ਡਵੀਜ਼ਨ ਵੱਲੋਂ ਮੰਗਲਵਾਰ ਨੂੰ ਜਾਰੀ ਇਕ ਪ੍ਰੈੱਸ ਰਿਲੀਜ਼ ਚ ਕਿਹਾ ਗਿਆ ਹੈ ਕਿ ਫਿਰੋਜ਼ਪੁਰ ਡਵੀਜ਼ਨ ਚ ਨਵੰਬਰ 2025, ਦਸੰਬਰ 2025 ਅਤੇ ਜਨਵਰੀ 2026 ਦੇ ਮਹੀਨਿਆਂ ਦੌਰਾਨ ਸੁਰੱਖਿਅਤ ਰੇਲ ਸੰਚਾਲਨ ਚ ਯੋਗਦਾਨ ਪਾਉਣ ਵਾਲੇ 14 ਰੇਲਵੇ ਕਰਮਚਾਰੀਆਂ ਨੂੰ ਉਨ੍ਹਾਂ ਦੇ ਸ਼ਾਨਦਾਰ ਕੰਮ ਲਈ ਪ੍ਰਸ਼ੰਸਾ ਕੀਤੀ ਗਈ ਅਤੇ ਉਨ੍ਹਾਂ ਦੀ ਚੌਕਸੀ ਅਤੇ ਤਤਕਾਲਤਾ ਦੁਆਰਾ ਰੇਲਵੇ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਸੁਰੱਖਿਆ ਪੁਰਸਕਾਰ ਪ੍ਰਦਾਨ ਕੀਤੇ ਗਏ। ਇਹ ਪੁਰਸਕਾਰ ਡਵੀਜ਼ਨ ਦੇ ਵੱਖ-ਵੱਖ ਵਿਭਾਗਾਂ ਦੇ ਕਰਮਚਾਰੀਆਂ ਦੀ ਸੁਰੱਖਿਆ ਪ੍ਰਤੀ ਸੁਚੇਤਤਾ, ਚੌਕਸੀ ਅਤੇ ਸਮਰਪਣ ਨੂੰ ਦਰਸਾਉਂਦਾ ਹੈ। ਇਸ ਮੌਕੇ ਗੁਰਮੀਤ ਸਿੰਘ ਜੂਨੀਅਰ ਇੰਜੀਨੀਅਰ, ਵਿਕਾਸ ਕੁਮਾਰ ਟੈਕਨੀਸ਼ੀਅਨ-1, ਸੂਰਿਆ ਕੁਮਾਰ ਕੇਸਰੀ ਸੀਨੀਅਰ ਸੈਕਸ਼ਨ ਇੰਜੀਨੀਅਰ,ਸਚਿਨ ਕੁਮਾਰ ਪੁਆਇੰਟਸਮੈਨ, ਅਵਧੇਸ਼ ਕੁਮਾਰ ਯਾਦਵ ਟੈਕਨੀਸ਼ੀਅਨ-1, ਭਵਾਨੀ ਸਿੰਘ ਸਟੇਸ਼ਨ ਮਾਸਟਰ, ਯਸ਼ੋਦਾਨੰਦ ਕੁਸ਼ਵਾਹਾ ਟ੍ਰੇਨ ਮੈਨੇਜਰ, ਸੰਦੀਪ ਕੁਮਾਰ ਗੇਟਮੈਨ, ਰਾਕੇਸ਼ ਸੈਣੀ ਟੈਕਨੀਸ਼ੀਅਨ-1, ਗੁਰਮੀਤ ਸਿੰਘ ਪੁਆਇੰਟਸਮੈਨ, ਅਮਰ ਰਾਵਤ ਪੁਆਇੰਟਸਮੈਨ, ਬੂਟਾ ਸਿੰਘ ਪੁਆਇੰਟਸਮੈਨ,ਰਵੀ ਗੇਟਮੈਨ ਅਤੇ ਲਖਬੀਰ ਸਿੰਘ ਟਰੈਕ ਮੇਨਟੇਨਰ ਨੂੰ ਰੇਲਗੱਡੀਆਂ ਦੋ ਸੁਰੱਖਿਅਤ ਸੰਚਾਲਨ, ਟਰੈਕ ਰੱਖ-ਰਖਾਅ ਅਤੇ ਯਾਤਰੀ ਸੁਰੱਖਿਆ ਚ ਉਨ੍ਹਾਂ ਦੇ ਮਹੱਤਵਪੂਰਨ ਯੋਗਦਾਨ ਲਈ ਸਨਮਾਨਿਤ ਕੀਤਾ ਗਿਆ। ਡਵੀਜ਼ਨਲ ਰੇਲਵੇ ਮੈਨੇਜਰ ਸੰਜੀਵ ਕੁਮਾਰ ਨੇ ਕਿਹਾ ਕਿ ਇਹ ਸਨਮਾਨ ਇਨ੍ਹਾਂ ਕਰਮਚਾਰੀਆਂ ਦੇ ਚੰਗੇ ਕੰਮ ਨੂੰ ਮਾਨਤਾ ਦੇਣ ਅਤੇ ਉਤਸ਼ਾਹਿਤ ਕਰਨ ਲਈ ਹੈ। ਇਸ ਤੋਂ ਪ੍ਰੇਰਿਤ ਹੋ ਕੇ, ਡਵੀਜ਼ਨ ਦੇ ਹੋਰ ਕਰਮਚਾਰੀ ਵੀ ਚੌਕਸੀ ਨਾਲ ਆਪਣੇ ਫਰਜ਼ ਨਿਭਾਉਣਗੇ। ਇਸੇ ਤਰ੍ਹਾਂ, ਭਵਿੱਖ ਚ ਫਿਰੋਜ਼ਪੁਰ ਡਵੀਜ਼ਨ ਦਿੱਤੇ ਚ ਸੁਰੱਖਿਆ ਮਿਆਰਾਂ ਨੂੰ ਬਣਾਈ ਰੱਖਣ ਲਈ ਯਤਨ ਜਾਰੀ ਰਹਿਣਗੇ। ਇਸ ਮੌਕੇ ਵਧੀਕ ਡਵੀਜ਼ਨਲ ਰੇਲਵੇ ਮੈਨੇਜਰ ਨਿਤਿਨ ਗਰਗ, ਸੀਨੀਅਰ ਡਵੀਜ਼ਨਲ ਇੰਜੀਨੀਅਰ/ਤਾਲਮੇਲ ਸੁਮਿਤ ਖੁੱਲਰ, ਸੀਨੀਅਰ ਡਵੀਜ਼ਨਲ ਸੁਰੱਖਿਆ ਅਧਿਕਾਰੀ ਰੋਹਿਤ ਵਰਮਾ, ਸੀਨੀਅਰ ਡਵੀਜ਼ਨਲ ਮਕੈਨੀਕਲ ਇੰਜੀਨੀਅਰ ਭੂਪੇਂਦਰ, ਸੀਨੀਅਰ ਡਵੀਜ਼ਨਲ ਕਮਰਸ਼ੀਅਲ ਮੈਨੇਜਰ ਪਰਮਦੀਪ ਸਿੰਘ ਸੈਣੀ, ਸੀਨੀਅਰ ਡਵੀਜ਼ਨਲ ਆਪ੍ਰੇਸ਼ਨ ਮੈਨੇਜਰ ਗੁਰੂਸ਼ਰਨ ਪਾਠਕ, ਡਵੀਜ਼ਨਲ ਇੰਜੀਨੀਅਰ/ਮੁੱਖ ਦਫਤਰ ਆਕਾਸ਼ਦੀਪ ਸਿੰਘ ਅਤੇ ਹੋਰ ਅਧਿਕਾਰੀ ਮੌਜੂਦ ਸਨ।