ਭਾਰਤੀ ਬਹਾਵਲਪੁਰ ਮਹਾਸੰਘ ਦੀ ਕਾਰਜਕਾਰੀ ਬੈਠਕ ਹੋਈ

ਸੁਰਜੀਤ ਸਿੰਘ ਕੁਹਾੜ, ਪੰਜਾਬੀ ਜਾਗਰਣ ਲਾਲੜੂ : ਭਾਰਤੀ ਬਹਾਵਲਪੁਰ ਮਹਾਸੰਘ ਦੀ ਕਾਰਜਕਾਰੀ ਬੈਠਕ ਸਫ਼ਲਤਾਪੂਰਵਕ ਸੰਪੰਨ ਹੋਈ। ਮਹਾਸੰਘ ਦੇ ਚੇਅਰਮੈਨ ਜਗਦੀਸ਼ ਕੁਮਾਰ ਜੱਗਾ, ਰਾਸ਼ਟਰੀ ਪ੍ਰਧਾਨ ਸੁਸ਼ੀਲ ਪੋਪਲੀ, ਉਪ ਪ੍ਰਧਾਨ ਪਰਵੀਨ ਅਨੇਜਾ, ਕਾਰਜਕਾਰੀ ਪ੍ਰਧਾਨ ਰਾਮ ਚੰਦ ਰਾਮਾ ਅਤੇ ਹੋਰ ਅਧਿਕਾਰੀ ਸਟੇਜ ’ਤੇ ਸੁਸ਼ੋਭਿਤ ਰਹੇ। ਬੈਠਕ ਦੀ ਸ਼ੁਰੂਆਤ ਦੀਪ ਜਗਾਉਣ ਨਾਲ ਹੋਈ। ਬੈਠਕ ਵਿਚ ਭਾਰਤੀ ਬਹਾਵਲਪੁਰ ਮਹਾਸੰਘ ਦੀ ਏਕਤਾ, ਤਾਕਤ ਅਤੇ ਤਰੱਕੀ ਦੇ ਨਾਲ-ਨਾਲ ਲੋੜਵੰਦਾਂ ਨੂੰ ਸਹਾਇਤਾ ਪ੍ਰਦਾਨ ਕਰਨ ਬਾਰੇ ਚਰਚਾ ਕੀਤੀ ਗਈ। ਉਪ ਪ੍ਰਧਾਨ ਪਰਵੀਨ ਅਨੇਜਾ, ਕਾਰਜਕਾਰੀ ਪ੍ਰਧਾਨ ਰਾਮ ਚੰਦ ਰਾਮਾ, ਐੱਨਡੀ ਅਰੋੜਾ, ਪ੍ਰੋ. ਜੋਗਿੰਦਰ ਮਦਾਨ, ਦਿਨੇਸ਼ ਅਰੋੜਾ, ਖ਼ਜ਼ਾਨਚੀ ਰਤਨ ਸੋਤਾ, ਜੈ ਦਿਆਲ ਅਰੋੜਾ, ਅਜੈ ਨਾਗਪਾਲ ਅਤੇ ਲਾਲੜੂ ਤੋਂ ਰਘਬੀਰ ਜੁਨੇਜਾ ਨੇ ਬਹਾਵਲਪੁਰ ਮਹਾਸੰਘ ਦੀ ਬਿਹਤਰੀ ਲਈ ਆਪਣੇ ਵਿਚਾਰ ਪ੍ਰਗਟ ਕੀਤੇ। ਇਹ ਵੀ ਵਿਚਾਰ ਕੀਤਾ ਗਿਆ ਕਿ ਬਹਾਵਲਪੁਰ ਮਹਾਸੰਘ ਦੀ ਪਛਾਣ ਕਰਨ ਅਤੇ ਸੂਚਿਤ ਕਰਨ ਲਈ ਇਕ ਲੱਖ ਹੱਥ ਪੈਂਫਲੈੱਟ ਅਤੇ ਸਟਿੱਕਰ ਬਣਾਏ ਜਾਣ। ਪਰਵੀਨ ਅਨੇਜਾ ਨੇ ਇਹ ਵੀ ਸੁਝਾਅ ਦਿੱਤਾ ਕਿ ‘ਸਿਰਾਇਕੀ’ ਨੂੰ ਭਾਰਤੀ ਬਹਾਵਲਪੁਰ ਮਹਾਸੰਘ ਭਾਵ ਭਾਰਤੀ ਬਹਾਵਲਪੁਰ (ਸਿਰਾਇਕੀ) ਮਹਾਸੰਘ ਵਿਚ ਜੋੜਿਆ ਜਾਣਾ ਚਾਹੀਦਾ ਹੈ। ਰਾਸ਼ਟਰੀ ਪ੍ਰਧਾਨ ਸੁਸ਼ੀਲ ਪੋਪਲੀ ਨੇ ਆਪਣੇ ਵਿਚਾਰ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਫੈੱਡਰੇਸ਼ਨ ਦਾ ਕੰਮ ਸੰਵਿਧਾਨ ਅਨੁਸਾਰ ਕੀਤਾ ਜਾਵੇਗਾ ਅਤੇ ਹਰ ਤਿੰਨ ਮਹੀਨਿਆਂ ਬਾਅਦ ਕਾਰਜਕਾਰੀ ਕਮੇਟੀ ਦੀ ਇੱਕ ਬੈਠਕ ਹੋਣੀ ਚਾਹੀਦੀ ਹੈ। ਪੋਪਲੀ ਨੇ ਇੱਕ ਕਿਤਾਬਚਾ ਪ੍ਰਕਾਸ਼ਿਤ ਕਰਨ ਦਾ ਮਹੱਤਵਪੂਰਨ ਸੁਝਾਅ ਵੀ ਦਿੱਤਾ। ਉਨ੍ਹਾਂ ਨੇ ਬਹਾਵਲਪੁਰ ਭਾਈਚਾਰੇ ਦੀ ਪਛਾਣ ਸਥਾਪਤ ਕਰਨ ਲਈ ਹਰੇਕ ਸ਼ਹਿਰ ਵਿਚ ਸੰਮੇਲਨ ਕਰਵਾਉਣ ਦੀ ਅਪੀਲ ਕੀਤੀ ਅਤੇ ਭਾਰਤੀ ਬਹਾਵਲਪੁਰ ਮਹਾਸੰਘ ਰਜਿਸਟ੍ਰੇਸ਼ਨ ਦੀ ਜਨਰਲ ਕਾਨਫ਼ਰੰਸ ਰਾਜਪੁਰਾ ਵਿਚ ਕਰਵਾਉਣ ਦੇ ਆਪਣੇ ਸੰਕਲਪ ਨੂੰ ਦੁਹਰਾਇਆ। ਇਸ ਕਾਰਜਕਾਰਨੀ ਬੈਠਕ ਵਿਚ ਅਜੈ ਨਾਗਪਾਲ ਜ਼ੀਰਕਪੁਰ ਨੂੰ ਬਹਾਵਲਪੁਰ ਮਹਾਸੰਘ ਦਾ ਕਾਰਜਕਾਰਨੀ ਮੈਂਬਰ ਨਿਯੁਕਤ ਕੀਤਾ ਗਿਆ ਅਤੇ ਉਨ੍ਹਾਂ ਨੂੰ ਟਰਾਈਸਿਟੀ ਮੁਹਾਲੀ-ਚੰਡੀਗੜ੍ਹ-ਪੰਚਕੂਲਾ, ਜ਼ੀਰਕਪੁਰ, ਡੇਰਾਬੱਸੀ ਤੇ ਲਾਲੜੂ ਦਾ ਚਾਰਜ ਦਿੱਤਾ ਗਿਆ।