PGI ਦੀ ਵੱਡੀ ਖੋਜ! ਗਰਭਪਾਤ ਦੇ ਸਹੀ ਕਾਰਨਾਂ ਦਾ ਲੱਗਿਆ ਪਤਾ; 91 ਜੀਨਾਂ ਦੀ ਪਛਾਣ, 10 ਸਭ ਤੋਂ ਵੱਧ ਜ਼ਿੰਮੇਵਾਰ

ਖੋਜ ਦੇ ਅਨੁਸਾਰ, ਸਰੀਰ ਵਿੱਚ ਮੌਜੂਦ ਜੀਨ ਹੀ ਇਹ ਤੈਅ ਕਰਦੇ ਹਨ ਕਿ ਸਰੀਰ ਦੇ ਅੰਦਰੂਨੀ ਕੰਮਕਾਜ ਕਿਵੇਂ ਚੱਲਣਗੇ। ਜੇਕਰ ਇਨ੍ਹਾਂ ਜੀਨਾਂ ਵਿੱਚ ਕਿਸੇ ਵੀ ਤਰ੍ਹਾਂ ਦੀ ਗੜਬੜ ਹੁੰਦੀ ਹੈ, ਤਾਂ ਉਸ ਦਾ ਸਿੱਧਾ ਅਸਰ ਗਰਭ ਧਾਰਨ 'ਤੇ ਪੈਂਦਾ ਹੈ। ਅਧਿਐਨ ਵਿੱਚ ਪਾਏ ਗਏ 91 ਜੀਨਾਂ ਵਿੱਚੋਂ 10 'ਹਬ ਜੀਨਸ' ਅਜਿਹੇ ਹਨ, ਜੋ ਇਸ ਸਮੱਸਿਆ ਵਿੱਚ ਸਭ ਤੋਂ ਵੱਧ ਭੂਮਿਕਾ ਨਿਭਾਉਂਦੇ ਹਨ।

ਇਹ ਜੀਨ ਸਰੀਰ ਦੀ ਰੋਗਾਂ ਨਾਲ ਲੜਨ ਦੀ ਸ਼ਕਤੀ, ਸੋਜਿਸ਼ ਦੀ ਪ੍ਰਕਿਰਿਆ ਅਤੇ ਖੂਨ ਦੀਆਂ ਨਾੜੀਆਂ ਦੇ ਵਿਕਾਸ ਨੂੰ ਕੰਟਰੋਲ ਕਰਦੇ ਹਨ। ਇਨ੍ਹਾਂ ਪ੍ਰਕਿਰਿਆਵਾਂ ਵਿੱਚ ਅਸੰਤੁਲਨ ਹੋਣ ਕਾਰਨ ਗਰਭ ਠਹਿਰਨ ਤੋਂ ਬਾਅਦ ਵੀ ਟਿਕ ਨਹੀਂ ਪਾਉਂਦਾ, ਜਿਸ ਨਾਲ ਗਰਭਪਾਤ ਦੀ ਸੰਭਾਵਨਾ ਵੱਧ ਜਾਂਦੀ ਹੈ।

ਡਾਕਟਰਾਂ ਦਾ ਕਹਿਣਾ ਹੈ ਕਿ ਇਸ ਖੋਜ ਨਾਲ ਭਵਿੱਖ ਵਿੱਚ ਇਸ ਸਮੱਸਿਆ ਦੀ ਪਛਾਣ ਸਮੇਂ ਸਿਰ ਕਰਨਾ ਆਸਾਨ ਹੋ ਜਾਵੇਗਾ। ਇਸ ਦੇ ਨਾਲ ਹੀ, ਇਨ੍ਹਾਂ ਜੀਨਾਂ ਦੇ ਅਧਾਰ 'ਤੇ ਬਿਹਤਰ ਅਤੇ ਸਟੀਕ ਇਲਾਜ ਵੀ ਸੰਭਵ ਹੋ ਸਕੇਗਾ। ਅੱਗੇ ਚੱਲ ਕੇ ਇਨ੍ਹਾਂ ਨੂੰ ਜਾਂਚ ਲਈ 'ਬਾਇਓਮਾਰਕਰ' ਵਜੋਂ ਵਰਤਿਆ ਜਾ ਸਕਦਾ ਹੈ।