- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਅੱਧੀ ਰਾਤ ਨੂੰ ਕੰਬਿਆ ਇਲਾਕਾ: ਘਰ 'ਚ ਫਟਿਆ ਸਿਲੰਡਰ, ਮਚੀ ਹਫੜਾ-ਦਫੜੀ, ਘਰਾਂ ਤੋਂ ਬਾਹਰ ਨਿਕਲੇ ਡਰੇ ਹੋਏ ਲੋਕ
ਸ਼ਹਿਰ ਦੇ ਸੈਕਟਰ-21 ਸਥਿਤ ਮਹੇਸ਼ਪੁਰ ਇਲਾਕੇ ਵਿਚ ਐਤਵਾਰ ਤੜਕੇ ਇਕ ਗੈਸ ਸਿਲੰਡਰ ਦੇ ਫਟਣ ਨਾਲ ਜ਼ੋਰਦਾਰ ਧਮਾਕਾ ਹੋਇਆ। ਇਸ ਘਟਨਾ ਤੋਂ ਬਾਅਦ ਪੂਰੇ ਇਲਾਕੇ ਵਿਚ ਹਫੜਾ-ਦਫੜੀ ਮਚ ਗਈ। ਇਹ ਹਾਦਸਾ ਉਸ ਵੇਲੇ ਵਾਪਰਿਆ ਜਦੋਂ ਪਰਿਵਾਰ ਦੇ ਮੈਂਬਰ ਛੱਤ ’ਤੇ ਸੌਂ ਰਹੇ ਸਨ, ਜਿਸ ਕਾਰਨ ਉਨ੍ਹਾਂ ਨੂੰ ਕਿਸੇ ਵੀ ਤਰ੍ਹਾਂ ਦਾ ਨੁਕਸਾਨ ਨਹੀਂ ਹੋਇਆ। ਹਾਲਾਂਕਿ, ਘਰ ਨੂੰ ਕਾਫੀ ਨੁਕਸਾਨ ਪਹੁੰਚਿਆ ਹੈ।
Posted By Anuradha Bains
Publish Date: Mon, 08 Jun 2026 12:05 PM (IST)
Updated Date: Mon, 08 Jun 2026 12:11 PM (IST)
ਜਾ.ਸ., ਪੰਚਕੂਲਾ। ਸ਼ਹਿਰ ਦੇ ਸੈਕਟਰ-21 ਸਥਿਤ ਮਹੇਸ਼ਪੁਰ ਇਲਾਕੇ ਵਿਚ ਐਤਵਾਰ ਤੜਕੇ ਇਕ ਗੈਸ ਸਿਲੰਡਰ ਦੇ ਫਟਣ ਨਾਲ ਜ਼ੋਰਦਾਰ ਧਮਾਕਾ ਹੋਇਆ। ਇਸ ਘਟਨਾ ਤੋਂ ਬਾਅਦ ਪੂਰੇ ਇਲਾਕੇ ਵਿਚ ਹਫੜਾ-ਦਫੜੀ ਮਚ ਗਈ। ਇਹ ਹਾਦਸਾ ਉਸ ਵੇਲੇ ਵਾਪਰਿਆ ਜਦੋਂ ਪਰਿਵਾਰ ਦੇ ਮੈਂਬਰ ਛੱਤ ’ਤੇ ਸੌਂ ਰਹੇ ਸਨ, ਜਿਸ ਕਾਰਨ ਉਨ੍ਹਾਂ ਨੂੰ ਕਿਸੇ ਵੀ ਤਰ੍ਹਾਂ ਦਾ ਨੁਕਸਾਨ ਨਹੀਂ ਹੋਇਆ। ਹਾਲਾਂਕਿ, ਘਰ ਨੂੰ ਕਾਫੀ ਨੁਕਸਾਨ ਪਹੁੰਚਿਆ ਹੈ।
ਮਹੇਸ਼ਪੁਰ ਦੀ ਗਲੀ ਨੰਬਰ-2 ਵਿਚ ਮਕਾਨ ਨੰਬਰ-35 ਦੇ ਵਾਸੀ ਮੇਘ ਰਾਜ ਸ਼ਰਮਾ ਦੇ ਘਰ ਵਿਚ ਸਵੇਰੇ ਕਰੀਬ ਤਿੰਨ ਵਜੇ ਅਚਾਨਕ ਗੈਸ ਸਿਲੰਡਰ ਫਟ ਗਿਆ। ਧਮਾਕਾ ਇੰਨਾ ਤੇਜ਼ ਸੀ ਕਿ ਮਕਾਨ ਦੀਆਂ ਕੰਧਾਂ ਵਿਚ ਤਰੇੜਾਂ ਪੈ ਗਈਆਂ ਅਤੇ ਘਰ ਦਾ ਇਕ ਦਰਵਾਜ਼ਾ ਟੁੱਟ ਗਿਆ। ਇਸ ਦੇ ਨਾਲ ਹੀ ਕਮਰੇ ਵਿਚ ਰੱਖਿਆ ਫ੍ਰਿਜ, ਬੈੱਡ ਅਤੇ ਹੋਰ ਸਾਮਾਨ ਬੁਰੇ ਤਰੀਕੇ ਨਾਲ ਖ਼ਰਾਬ ਹੋ ਗਿਆ।
ਪਹਿਲੀ ਮੰਜ਼ਿਲ ’ਤੇ ਵਿਸਫੋਟ, ਦਰਵਾਜ਼ਾ ਗਲੀ ’ਚ ਡਿੱਗਾ
ਘਰ ਦੀ ਪਹਿਲੀ ਮੰਜ਼ਿਲ ’ਤੇ ਸਿਲੰਡਰ ਦਾ ਧਮਾਕਾ ਹੋਇਆ। ਧਮਾਕੇ ਦੇ ਕਾਰਨ ਕਮਰੇ ਦਾ ਦਰਵਾਜ਼ਾ ਉਖੜ ਕੇ ਹੇਠਾਂ ਗਲੀ ਵਿਚ ਗਿਰ ਗਿਆ। ਇਸ ਦੇ ਨਾਲ ਹੀ ਕਮਰੇ ਵਿਚ ਰੱਖਿਆ ਫ੍ਰਿਜ ਵੀ ਬਹੁਤ ਖਰਾਬ ਹੋ ਗਿਆ। ਧਮਾਕੇ ਦੀ ਜ਼ੋਰਦਾਰ ਆਵਾਜ਼ ਸੁਣ ਕੇ ਆਸ-ਪਾਸ ਦੇ ਲੋਕ ਆਪਣੇ ਘਰਾਂ ਤੋਂ ਬਾਹਰ ਨਿਕਲ ਆਏ ਅਤੇ ਮੌਕੇ ’ਤੇ ਭੀੜ ਜਮ੍ਹਾਂ ਹੋ ਗਈ।
ਭਾਰਤ ਗੈਸ ਦੇ ਪ੍ਰਤੀਨਿਧੀ ਪਹੁੰਚੇ, ਜਾਂਚ ਸ਼ੁਰੂ
ਘਟਨਾ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਭਾਰਤ ਗੈਸ ਦੇ ਪ੍ਰਤੀਨਿਧੀ ਮੌਕੇ ’ਤੇ ਪਹੁੰਚੇ। ਉਨ੍ਹਾਂ ਨੇ ਖ਼ਰਾਬ ਹੋਏ ਮਕਾਨ ਦਾ ਨਿਰੀਖਣ ਕਰ ਕੇ ਨੁਕਸਾਨ ਦਾ ਅੰਦਾਜ਼ਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਸਮੇਂ ਸਿਲੰਡਰ ਫਟਣ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।