ਐੱਨਐੱਸਐੱਸ ਵਿੰਗ ਨੇ ਮਨਾਇਆ ਕੌਮਾਂਤਰੀ ਮਹਿਲਾ ਦਿਵਸ

ਸਟਾਫ਼ ਰਿਪੋਰਟਰ, ਪੰਜਾਬੀ ਜਾਗਰਣ, ਬਠਿੰਡਾ : ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਮਨਾਉਣ ਲਈ ਮਹਾਰਾਜਾ ਰਣਜੀਤ ਸਿੰਘ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ (ਐਮਆਰਐਸਪੀਟੀਯੂ.), ਬਠਿੰਡਾ ਦੇ ਐਨਐਸਐਸ ਵਿੰਗ ਨੇ ਗਿਆਨੀ ਜ਼ੈਲ ਸਿੰਘ ਕੈਂਪਸ ਕਾਲਜ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ (ਜੀਜ਼ੈਡ.ਐਸਸੀਸੀਈਟੀ.), ਬਠਿੰਡਾ ਦੇ ਕੰਪਿਊਟਰ ਸਾਇੰਸ ਅਤੇ ਇੰਜੀਨੀਅਰਿੰਗ ਵਿਭਾਗ ਦੇ ਸਹਿਯੋਗ ਨਾਲ ਔਰਤਾਂ ਦੀ ਸਿਹਤ ਅਤੇ ਤੰਦਰੁਸਤੀ ਬਾਰੇ ਇੱਕ ਜਾਗਰੂਕਤਾ ਸੈਮੀਨਾਰ ਕਰਵਾਇਆ। ਇਹ ਪ੍ਰੋਗਰਾਮ ਡਾ. ਅਭਿਲਾਸ਼ਾ ਜੈਨ, ਕੋਆਰਡੀਨੇਟਰ, ਐਨਐਸਐਸ. ਐਮਆਰਐਸਪੀਟੀਯੂ, ਅਤੇ ਡਾ. ਸਵਾਤੀ, ਪ੍ਰੋਗਰਾਮ ਅਫਸਰ, ਐੱਨਐੱਸਐੱਸ, ਐੱਮਆਰਐੱਸਪੀਟੀਯੂ. ਦੀ ਅਗਵਾਈ ਹੇਠ ਕਰਵਾਇਆ ਗਿਆ। ਚਾਹਲ ਆਯੁਰਵੈਦਿਕ ਹਸਪਤਾਲ ਦੇ ਡਾ. ਲਿਵਦੀਪ ਸਿੰਘ ਚਾਹਲ ਦੁਆਰਾ ਇਕ ਮਾਹਿਰ ਭਾਸ਼ਣ ਦਿੱਤਾ ਗਿਆ, ਜਿਸ ਵਿਚ ਪੀਸੀਓਡੀ./ਪੀਸੀਓਐੱਸ, ਅਨਿਯਮਿਤ ਅਤੇ ਦਰਦਨਾਕ ਮਾਹਵਾਰੀ ਚੱਕਰ, ਫਾਈਬਰੋਇਡਜ਼, ਚਿੱਟਾ ਡਿਸਚਾਰਜ, ਬਾਂਝਪਨ ਨਾਲ ਸਬੰਧਤ ਮੁੱਦੇ ਅਤੇ ਹੋਰ ਗਾਇਨੀਕੋਲੋਜੀਕਲ ਸਥਿਤੀਆਂ ਸਮੇਤ ਮੁੱਖ ਔਰਤਾਂ ਦੀਆਂ ਸਿਹਤ ਚਿੰਤਾਵਾਂ ਨੂੰ ਉਜਾਗਰ ਕੀਤਾ ਗਿਆ। ਲੈਕਚਰ ਤੋਂ ਬਾਅਦ, ਡਾ. ਚਾਹਲ ਨੇ ਨਿੱਜੀ ਸਲਾਹ-ਮਸ਼ਵਰੇ ਤੇ ਮੁੱਢਲੀ ਸਿਹਤ ਜਾਂਚ ਵੀ ਪੇਸ਼ ਕੀਤੀ। ਐੱਮਆਰਐੱਸਪੀਟੀਯੂ ਦੇ ਐਨਐਸਐਸ. ਵਿੰਗ ਨੇ ਪ੍ਰੋਗਰਾਮ ਵਿਚ ਉਨ੍ਹਾਂ ਦੇ ਕੀਮਤੀ ਯੋਗਦਾਨ ਲਈ ਡਾ. ਲਿਵਦੀਪ ਸਿੰਘ ਚਾਹਲ ਦਾ ਧੰਨਵਾਦ ਕੀਤਾ।