ਡਾ. ਸ਼ਿਵ ਦੱਤ ਗੁਪਤਾ ਨੂੰ ਲਾਈਫਟਾਈਮ ਅਚੀਵਮੈਂਟ ਐਵਾਰਡ ਨਾਲ ਸਨਮਾਨਿਤ

ਸਟਾਫ਼ ਰਿਪੋਰਟਰ, ਪੰਜਾਬੀ ਜਾਗਰਣ ਬਠਿੰਡਾ78ਵੇਂ ਪੰਜਾਬ ਪ੍ਰਾਂਤ ਭਾਰਤੀ ਮੈਡੀਕਲ ਐਸੋਸੀਏਸ਼ਨ ਦੇ ਤਿੰਨ ਦਿਨਾਂ ਸੰਮੇਲਨ ਦੇ ਆਖਰੀ ਦਿਨ ਪ੍ਰਸਿੱਧ ਬਾਲ ਰੋਗ ਵਿਗਿਆਨੀ ਡਾ. ਸ਼ਿਵ ਦੱਤ ਗੁਪਤਾ ਨੂੰ ਲਾਈਫਟਾਈਮ ਅਚੀਵਮੈਂਟ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਇਹ ਸਨਮਾਨ ਉਨ੍ਹਾਂ ਨੂੰ ਪੰਜਾਬ ਸਰਕਾਰ ਦੇ ਸਿਹਤ ਮੰਤਰੀ ਨੇ ਪ੍ਰਦਾਨ ਕੀਤਾ । ਡਾ. ਗੁਪਤਾ ਨੂੰ ਇਹ ਪੁਰਸਕਾਰ ਮੈਡੀਕਲ ਖੇਤਰ ਵਿਚ ਜੀਵਨ ਭਰ ਮਨੁੱਖਤਾ ਦੀ ਸੇਵਾ ਕਰਨ ਲਈ ਦਿੱਤਾ ਗਿਆ। ਉਨ੍ਹਾਂ ਨੇ ਆਪਣੀ ਛੇ ਸਾਲਾਂ ਸਰਕਾਰੀ ਸੇਵਾ ਦੌਰਾਨ ਬਿਮਾਰਾਂ ਦਾ ਇਮਾਨਦਾਰੀ ਅਤੇ ਸਮਰਪਣ ਨਾਲ ਇਲਾਜ ਕੀਤਾ। ਆਪਣੀ ਨਿੱਜੀ ਪ੍ਰੈਕਟਿਸ ਦੌਰਾਨ, ਉਨ੍ਹਾਂ ਨੇ ਗਰੀਬਾਂ ਨੂੰ ਮੁਫ਼ਤ ਦਵਾਈਆਂ ਵੀ ਪ੍ਰਦਾਨ ਕੀਤੀਆਂ। 2008 ਤੋਂ 2012 ਤਕ, ਡਾ. ਸ਼ਿਵ ਦੱਤ ਨੇ ਮੋਬਾਇਲ ਮੈਡੀਕਲ ਵੈਨ ਰਾਹੀਂ ਪਿੰਡ-ਪਿੰਡ ਜਾ ਕੇ ਆਮ ਲੋਕਾਂ ਨੂੰ ਡਾਕਟਰੀ ਸਹੂਲਤਾਂ ਪ੍ਰਦਾਨ ਕੀਤੀਆਂ। ਇਸ ਦੇ ਨਾਲ ਉਹ ਇਕ ਪ੍ਰਸਿੱਧ ਸਮਾਜ ਸੇਵਕ ਵੀ ਹਨ। ਐਮਰਜੈਂਸੀ ਸਥਿਤੀ (1975-1977) ਦੌਰਾਨ, ਡਾ. ਗੁਪਤਾ ਨੇ ਰਾਸ਼ਟਰੀਅ ਸੰਵਮ ਸੇਵਕ ਸੰਘ ਦੇ ਪ੍ਰਚਾਰਕ, ਇੰਡੀਅਨ ਮੈਡੀਕਲ ਐਸੋਸੀਏਸ਼ਨ ਦੇ ਪ੍ਰਾਂਤ ਪ੍ਰਧਾਨ, ਭਾਰਤ ਵਿਕਾਸ ਪਰਿਸ਼ਦ ਦੇ ਪ੍ਰਧਾਨ, ਟਰਸਟ ਮੰਦਰ ਸ੍ਰੀਰਾਮ ਚੰਦਰ ਦੇ ਪ੍ਰਧਾਨ, ਪੰਜਾਬ ਸੂਬੇ ਵਿਚ ਚੇਅਰਮੈਨ ਚਾਇਲਡ ਵੈੱਲਫੇਅਰ ਕਮੇਟੀ, ਬਠਿੰਡਾ, ਆਦਿ ਅਹੁਦਿਆਂ ਤੇ ਰਹਿ ਕੇ ਮਨੁੱਖਤਾ ਅਤੇ ਇਮਾਨਦਾਰੀ ਨਾਲ ਸੇਵਾ ਕੀਤੀ। ਡਾ. ਸ਼ਿਵ ਦੱਤ ਗੁਪਤਾ ਦੀ ਸਮਰਪਿਤ ਸੇਵਾ ਅਤੇ ਸਮਾਜਿਕ ਯੋਗਦਾਨ ਨੇ ਮੈਡੀਕਲ ਖੇਤਰ ਅਤੇ ਲੋਕਾਂ ਦੀ ਭਲਾਈ ਵਿਚ ਇੱਕ ਮਿਸਾਲ ਸਥਾਪਿਤ ਕੀਤੀ ਹੈ।