- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਤਪਾ ਸ਼ਹਿਰ ਨੂੰ ਮਿਲੇਗੀ ਗੰਦਗੀ ਤੋਂ ਨਿਜ਼ਾਤ: ਵਿਧਾਇਕ ਲਾਭ ਸਿੰਘ ਉਗੋਕੇ ਨੇ ਨਗਰ ਕੌਂਸਲ ਨੂੰ ਸੌਂਪੀਆਂ ਸਫਾਈ ਵਾਲੀਆਂ ਨਵੀਆਂ ਮਸ਼ੀਨਾਂ
ਹਲਕਾ ਵਿਧਾਇਕ ਲਾਭ ਸਿੰਘ ਉਗੋਕੇ ਵੱਲੋਂ ਨਗਰ ਕੌਂਸਲ ਤਪਾ ਨੂੰ ਜਿੱਥੇ ਸ਼ਹਿਰ ਦੀ ਸਫਾਈ ਵਿਵਸਥਾ ਸੁਧਾਰਨ ਲਈ ਆਧੁਨਿਕ ਮਸ਼ੀਨਾਂ ਸਮੇਤ ਕੂੜਾ ਚੁੱਕਣ ਲਈ ਗੱਡੀਆਂ ਆਦਿ ਦਿੱਤੀਆਂ ਗਈਆਂ ਉੱਥੇ ਇੱਕ ਫੋਗਿੰਗ ਮਸ਼ੀਨ, ਵਾਟਰ ਟੈਂਕਰ, ਵੈਕਿਊਮ ਟੈਂਕਰ, 40 ਹੋਰਸ ਪਾਵਰ ਦੀ ਮੋਟਰ ਅਤੇ ਆਟੋਮੈਟਿਕ ਮਸ਼ੀਨ ਆਦਿ ਦਿੱਤੀ। ਜਿਸਨੂੰ ਹਲਕਾ ਵਿਧਾਇਕ ਲਾਭ ਸਿੰਘ ਵੱਲੋਂ ਹਰੀ ਝੰਡੀ ਦਿੱਤੀ ਗਈ।
Posted By Sunita
Publish Date: Thu, 19 Mar 2026 03:41 PM (IST)
Updated Date: Thu, 19 Mar 2026 03:43 PM (IST)
ਦੀਪਕ ਬਾਂਸਲ, ਪੰਜਾਬੀ ਜਾਗਰਣ, ਤਪਾ ਮੰਡੀ - ਹਲਕਾ ਵਿਧਾਇਕ ਲਾਭ ਸਿੰਘ ਉਗੋਕੇ ਵੱਲੋਂ ਨਗਰ ਕੌਂਸਲ ਤਪਾ ਨੂੰ ਜਿੱਥੇ ਸ਼ਹਿਰ ਦੀ ਸਫਾਈ ਵਿਵਸਥਾ ਸੁਧਾਰਨ ਲਈ ਆਧੁਨਿਕ ਮਸ਼ੀਨਾਂ ਸਮੇਤ ਕੂੜਾ ਚੁੱਕਣ ਲਈ ਗੱਡੀਆਂ ਆਦਿ ਦਿੱਤੀਆਂ ਗਈਆਂ ਉੱਥੇ ਇੱਕ ਫੋਗਿੰਗ ਮਸ਼ੀਨ, ਵਾਟਰ ਟੈਂਕਰ, ਵੈਕਿਊਮ ਟੈਂਕਰ, 40 ਹੋਰਸ ਪਾਵਰ ਦੀ ਮੋਟਰ ਅਤੇ ਆਟੋਮੈਟਿਕ ਮਸ਼ੀਨ ਆਦਿ ਦਿੱਤੀ। ਜਿਸਨੂੰ ਹਲਕਾ ਵਿਧਾਇਕ ਲਾਭ ਸਿੰਘ ਵੱਲੋਂ ਹਰੀ ਝੰਡੀ ਦਿੱਤੀ ਗਈ। ਜਿਨ੍ਹਾਂ ਦਾ ਸਾਥ ਪ੍ਰਧਾਨ ਸੋਨਿਕਾ ਬਾਂਸਲ, ਕਾਰਜ ਸਾਧਕ ਅਫਸਰ ਹਰਪ੍ਰੀਤ ਸਿੰਘ ਅਤੇ ਸਮੇਤ ਸਮੁੱਚੇ ਸਟਾਫ ਵੱਲੋਂ ਦਿੱਤਾ ਗਿਆ। ਇਹ ਨਵੀਂ ਮਸ਼ੀਨਰੀ ਹਲਕਾ ਵਿਧਾਇਕ ਲਾਭ ਸਿੰਘ ਉੱਗੋਕੇ ਨੇ ਕੌਂਸਲ ਦੇ ਅਮਲੇ ਅਤੇ ਕਾਰਜਸਾਧਕ ਅਫਸਰ ਨੂੰ ਸੌਂਪੀ।
ਪ੍ਰਧਾਨ ਸੋਨਿਕਾ ਬਾਂਸਲ, ਮੀਤ ਪ੍ਰਧਾਨ ਰਿਸ਼ੂ ਰੰਗੀ ਅਤੇ ਕਾਰਜ ਸਾਧਕ ਅਫਸਰ ਹਰਪ੍ਰੀਤ ਸਿੰਘ ਨੇ ਵਿਧਾਇਕ ਉੱਗੋਕੇ ਦਾ ਧੰਨਵਾਦ ਕੀਤਾ। ਉਪਰੰਤ ਹਲਕਾ ਵਿਧਾਇਕ ਉੱਗੋਕੇ ਨੇ ਦੱਸਿਆ ਕਿ ਸਵੱਛ ਭਾਰਤ ਅਭਿਆਨ ਤਹਿਤ ਇਹਨਾਂ ਸਾਰੀਆਂ ਆਧੁਨਿਕ ਮਸ਼ੀਨਾਂ ਤੇ ਲਗਭਗ 55 ਕੁ ਲੱਖ ਰੁਪਏ ਦੀ ਰਾਸ਼ੀ ਖਰਚ ਕੀਤੀ ਗਈ ਹੈ। ਜਿਸ ਨਾਲ ਸ਼ਹਿਰ ਦੀ ਸਫਾਈ ’ਚ ਆ ਰਹੀਆਂ ਦਿੱਕਤਾਂ ਹੁਣ ਦੂਰ ਹੋ ਜਾਣਗੀਆਂ ਅਤੇ ਫੋਗਿੰਗ ਮਸ਼ੀਨ ਨਾਲ ਗਰਮੀਆਂ 'ਚ ਮੱਛਰਾਂ ਤੋਂ ਵੱਡੀ ਰਾਹਤ ਮਿਲੇਗੀ। ਉਨ੍ਹਾਂ ਦੱਸਿਆ ਕਿ ਹੁਣ ਨਵੀਂ ਤਕਨੀਕ ਨਾਲ ਸ਼ਹਿਰ ਦੀ ਸਫਾਈ ਵਧੀਆ ਢੰਗ ਅਤੇ ਘੱਟ ਸਮੇਂ ’ਚ ਕੀਤੀ ਜਾ ਸਕੇਗੀ।
ਨਗਰ ਕੌਂਸਲ ਪ੍ਰਧਾਨ ਸੋਨਿਕਾ ਬਾਂਸਲ ਅਤੇ ਮੀਤ ਪ੍ਰਧਾਨ ਰਿਸ਼ੂ ਰੰਗੀ ਨੇ ਸਥਾਨਕ ਸਰਕਾਰ ਮੰਤਰੀ ਅਤੇ ਸੂਬਾ ਸਰਕਾਰ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਹਲਕਾ ਵਿਧਾਇਕ ਦੇ ਨਿੱਜੀ ਸਹਾਇਕ ਹੈਰੀ ਧੂਰਕੋਟ ਅਤੇ ਅਮਨ ਦਰਾਕਾ,ਟਰੇਡ ਵਿੰਗ ਦੇ ਮੈਂਬਰ ਰਵੀ ਮੌੜ, ਰਾਮ ਬਾਗ ਕਮੇਟੀ ਦੇ ਪ੍ਰਧਾਨ ਹੇਮਰਾਜ ਸ਼ੰਟੀ ਮੌੜ, ਸਮਾਜ ਸੇਵੀ ਮੁਨੀਸ਼ ਮਿੱਤਲ,ਕਾਲਾ ਚੱਠਾ,ਜੱਸੀ ਪੁਰਬਾ,ਮਮੂ ਬਾਸੀ,ਸੰਦੀਪ ਸੀ.ਏ,ਕੁਕੀ, ਕੌਂਸਲਰ ਹਰਦੀਪ ਸਿੰਘ ਪੋਪਲ, ਬਲਵੰਤ ਸਰੋਏ,ਗਿਆਨੀ ਦਰਸ਼ਨ ਸਿੰਘ, ਕੌਂਸਲਰ ਡਾ. ਲਾਭ ਸਿੰਘ ਚਹਿਲ,ਰਾਜ ਮਾਰਕੰਡਾ, ਮਨੀਸ਼ ਗਰਗ,ਨਿਰਭੈ ਸਿੰਘ,ਬਲਜੀਤ ਬਾਸੀ,,ਸਿਕੰਦਰ ਸਿੰਘ, ਗੈਰੀ, ਦੀਪਕ ਕੁਮਾਰ, ਕਿਸ਼ੋਰ ਬਾਵਾ, ਜੱਗਾ ਸਿੰਘ, ਮਾਣਕ, ਚੰਚਲ ਕੁਮਾਰ ਰਾਜੂ ਤੋਂ ਇਲਾਵਾ ਤਰਸੇਮ ਚੰਦ ਖਿੱਲੂ, ਬੇਅੰਤ ਮਾਂਗਟ, ਸੱਤਪਾਲ, ਸ਼ਿਵਮ ਜੀਨੂੰ, ਨਿੰਦਰ ਸਿੰਘ, ਗੁਰਦੀਪ ਸਿੰਘ, ਹਰਦੀਪ ਸਿੰਘ, ਬੂਟਾ ਸਿੰਘ, ਨੇਹਾ ਆਦਿ ਮੌਜੂਦ ਸਨ।