ਬਰਨਾਲਾ ਪੁਲਿਸ ਦੀ ਵੱਡੀ ਸਫ਼ਲਤਾ: ਪਾਕਿਸਤਾਨੀ ਤੇ ਦੁਬਈ ਦੇ ਆਕਾਵਾਂ ਨਾਲ ਮਿਲ ਕੇ ਰਚੀ ਸੀ ਸਾਜ਼ਿਸ਼; ਲੱਖਾਂ ਦੀ ਠੱਗੀ ਮਾਰਨ ਵਾਲਾ ਗਿਰੋਹ ਕਾਬੂ

ਥਾਣਾ ਸਾਈਬਰ ਕਰਾਈਮ, ਬਰਨਾਲਾ ਵਿਖੇ ਬਾਹਰਲੇ ਰਿਸਤੇਦਾਰ ਬਣਕੇ 10 ਲੱਖ 19,000 ਰੁਪਏ ਠੱਗੀ ਮਾਰਨ ਸਬੰਧੀ ਮੁਦੱਈ ਮੁਕੱਦਮਾ ਆਤਮਾ ਸਿੰਘ ਪੁੱਤਰ ਨਾਹਰ ਸਿੰਘ ਵਾਸੀ ਲੋਹਗੜ, ਜਿਲ੍ਹਾ ਬਰਨਾਲਾ ਦੇ ਬਿਆਨ ਪਰ ਥਾਣਾ ਸਾਈਬਰ ਕ੍ਰਾਈਮ ਬਰਨਾਲਾ ’ਚ ਦਰਜ ਕੀਤਾ ਗਿਆ ਸੀ। ਜਿਸ ਤਹਿਤ ਕਾਰਵਾਈ ਕਰਦੇ ਹੋਏ 04 ਵਿਅਕਤੀਆਂ ਲਵਦੀਪ ਸਿੰਘ ਉਰਫ ਲਵਲੀ ਪੁੱਤਰ ਬਲਵੀਰ ਸਿੰਘ ਵਾਸੀ ਜੱਲੋਕੇ, ਮਮਦੋਟ ਹਿਠਾੜ, ਜਿਲ੍ਹਾ ਫਿਰੋਜ਼ਪੁਰ, ਮਲਕੀਤ ਸਿੰਘ ਉਰਫ ਕੀਤੂ ਪੁੱਤਰ ਬਲਵਿੰਦਰ ਵਾਸੀ ਜਲਕੇ, ਮਮਦੋਟ ਹਿਠਾੜ, ਜਿਲ੍ਹਾ ਫਿਰੋਜ਼ਪੁਰ, ਲਖਵਿੰਦਰ ਸਿੰਘ ਪੁੱਤਰ ਬਗੀਚਾ ਸਿੰਘ ਵਾਸੀ ਸੇਠਾ ਵਾਲਾ ਮਮਦੋਟ, ਹਿਠਾੜ, ਜਿਲ੍ਹਾ ਫਿਰੋਜ਼ਪੁਰ, ਸੁਖਪ੍ਰੀਤ ਸਿੰਘ ਪੁੱਤਰ ਬਲਵਿੰਦਰ ਸਿੰਘ ਵਾਸੀ ਛਾਂਗਾ ਖੁਰਦ, ਜਿਲ੍ਹਾ ਫਿਰੋਜ਼ਪੁਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਹ ਗੈਂਗ ਆਮ ਭੋਲੇ ਭਾਲੇ ਲੋਕਾਂ ਨੂੰ ਥੋੜਾ ਲਾਲਚ ਦੇ ਕੇ ਮਿਊਲ ਬੈਂਕ ਅਕਾਊਟੈਂਸ ਖੁਲਵਾਉਦੇ ਸਨ, ਫਿਰ ਇਹ ਗੈਂਗ ਫੇਕ ਵਟਸਐਪ ਨੰਬਰਾਂ +1(506) 406 8565 ਐਂਡ +60 16-403 2354) ਦੀ ਵਰਤੋਂ ਕਰਕੇ ਆਮ ਭੋਲੇ ਭਾਲੇ ਲੋਕਾਂ ਨੂੰ ਉਨ੍ਹਾਂ ਦੇ ਬਾਹਰਲੇ ਦੇਸ਼ ਦੇ ਰਿਸ਼ਤੇਦਾਰ ਬਣਕੇ ਅਤੇ ਬਾਹਰਲੇ ਦੇਸ਼ ਵੀਜ਼ਾ ਏਜੰਟ ਬਣਕੇ ਕਾਲ ਕਰਦੇ ਸਨ। ਫਿਰ ਉਨ੍ਹਾਂ ਲੋਕਾਂ ਨੂੰ ਗੁਮਰਾਹ ਕਰਕੇ ਮਿਊਲ ਬੈਂਕ ਅਕਾਊਟੈਂਸ ’ਚ ਪੈਸੇ ਪਵਾ ਲੈਦੇ ਸਨ।