150 ਨਸ਼ੇ ਦੀਆਂ ਗੋਲੀਆਂ ਬਰਾਮਦ

ਸਟਾਫ਼ ਰਿਪੋਰਟਰ, ਪੰਜਾਬੀ ਜਾਗਰਣ, ਬਰਨਾਲਾ : ਥਾਣਾ ਬਰਨਾਲਾ ਦੀ ਪੁਲਿਸ ਨੇ 150 ਨਸ਼ੇ ਦੀਆਂ ਗੋਲੀਆਂ ਬਰਾਮਦ ਕਰ ਕੇ ਕੇਸ ਦਰਜ ਕੀਤਾ ਹੈ। ਪੁਲਿਸ ਪਾਰਟੀ ਚੈਕਿੰਗ ਦੌਰਾਨ ਦਾਣਾ ਮੰਡੀ ਹੰਡਿਆਇਆ ਪੁੱਜੀ ਤਾਂ ਦਾਣਾ ਮੰਡੀ, ਹੰਡਿਆਇਆ ’ਚ ਇੱਕ ਨੌਜਵਾਨ ਵਿਅਕਤੀ ਬਾਥਰੂਮਾਂ ਦੇ ਪਿੱਛੇ ਬੈਠਾ ਸੀ, ਜੋ ਆਪਣੀ ਪਹਿਣੀ ਹੋਈ ਲੋਅਰ ਦੀ ਜੇਬ ਦੀ ਫਰੋਲਾ ਫਰੋਲੀ ਕਰਦਾ ਦਿਖਾਈ ਦਿੱਤਾ, ਜੋ ਪੁਲਿਸ ਪਾਰਟੀ ਦੀ ਗੱਡੀ ਨੂੰ ਵੇਖ ਕੇ ਇਕਦਮ ਘਬਰਾ ਗਿਆ। ਪੁਲਿਸ ਨੇ ਪਰਵੇਸ ਪੁੱਤਰ ਜੈਪਾਲ ਵਾਸੀ ਗਲੀ ਨੰਬਰ 05 ਸੇਖਾ ਰੋਡ ਬਰਨਾਲਾ ਨੂੰ ਸ਼ੱਕ ਦੇ ਆਧਾਰ ’ਤੇ ਕਾਬੂ ਕਰ ਕੇ 150 ਨਸ਼ੇ ਦੀਆਂ ਗੋਲੀਆਂ ਬਰਾਮਦ ਕਰਵਾਈਆਂ।