ਫਿੱਕੀ ਫਲੋ ਨੇ ‘ਸ਼ਕਤੀ' ਸਮਾਗਮ ਕਰਵਾਇਆ

ਕਿਰਨ ਬੇਦੀ ਸਮੇਤ ਵੱਖ-ਵੱਖ ਸ਼ਖ਼ਸੀਅਤਾਂ ਹੋਈਆਂ ਸ਼ਾਮਲ ਅਮਨਦੀਪ ਸਿੰਘ, ਪੰਜਾਬੀ ਜਾਗਰਣ ਅੰਮ੍ਰਿਤਸਰ : ਫਿੱਕੀ ਫਲੋਂ ਅੰਮ੍ਰਿਤਸਰ ਦੇ ਚੇਅਰਪਰਸਨ ਤਾਨੀਆ ਖੰਨਾ ਦੀ ਅਗਵਾਈ ਹੇਠ ਨਵਰਸ ਵਿਸ਼ੇ ਤਹਿਤ ਸ਼ਕਤੀ ਸਮਾਗਮ ਕਰਵਾਇਆ ਗਿਆ। ਇਸ ਸਮਾਗਮ ਚ ਕਿਰਨ ਬੇਦੀ ਸਾਬਕਾ ਉਪ ਰਾਜਪਾਲ ਪੁਡੂਚੇਰੀ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕਰਦਿਆਂ ਅਨੁਸ਼ਾਸਨ, ਹਿੰਮਤ ਤੇ ਜਨਤਕ ਸੇਵਾ ਦੇ ਜੀਵਨ ਨੂੰ ਦਰਸਾਇਆ। ਸਪੱਸ਼ਟਤਾ ਤੇ ਦ੍ਰਿੜਤਾ ਨਾਲ ਬੋਲਦੇ ਹੋਏ ਉਨ੍ਹਾਂ ਸਵੈ-ਸ਼ਾਸਨ, ਇਮਾਨਦਾਰੀ ਤੇ ਪ੍ਰਭਾਵ ਨਾਲ ਆਉਣ ਵਾਲੀ ਜ਼ਿੰਮੇਵਾਰੀ ਦੇ ਮਹੱਤਵ ਨੂੰ ਹੋਰ ਮਜ਼ਬੂਤ ਕੀਤਾ। ਇਸ ਦੌਰਾਨ ਵੱਖ-ਵੱਖ ਖੇਤਰ ਨਾਲ ਸੰਬੰਧਤ ਸ਼ਖ਼ਸੀਅਤਾਂ ਚ ਫਿਲਮ ਨਿਰਮਾਤਾ ਨਿਿਤਆ ਮਹਿਰਾ, ਲੇਖਕ-ਅਦਾਕਾਰਾ ਸੁਖਮਨੀ ਸਦਾਨਾ, ਮਾਹਿਰ ਵਨੀਤਾ ਅਰੋੜਾ ਤੇ ਗੋਲਫਰ ਮਹਰੀਨ ਭਾਟੀਆ ਵੀ ਵਿਸ਼ੇਸ਼ ਤੌਰ ’ਤੇ ਸ਼ਾਮਿਲ ਹੋਏ। ਚੇਅਰਪਰਸਨ ਤਾਨੀਆ ਖੰਨਾ ਨੇ 2026-27 ਦੇ ਕਾਰਜਕਾਲ ਲਈ ਅਧਿਕਾਰਤ ਸ਼ੁਰੂਆਤ ਵਜੋਂ ਕੰਮ ਕਰਦਿਆਂ ਇਕ ਸਾਲ ਦਾ ਆਪਣਾ ਢਾਂਚਾਗਤ ਹੁਨਰ ਪ੍ਰੋਗਰਾਮਾਂ ਚ ਲਿਆਉਣ ਤੋਂ ਲੈ ਕੇ ਪੇਂਡੂ ਔਰਤਾਂ ਨੂੰ ਸੰਗਠਿਤ ਬਾਜ਼ਾਰਾਂ ਨਾਲ ਜੁੜੇ ਗੋਬਰ-ਅਧਾਰਤ ਪੇਸ਼ਕਸ਼ਾਂ ਵਰਗੇ ਵਾਤਾਵਰਨ-ਚੇਤੰਨ ਉਤਪਾਦ ਬਣਾਉਣ ਦੇ ਯੋਗ ਬਣਾਉਣ ਤੱਕ ਸ਼ਾਮਿਲ ਹਨ। ਇਸ ਦੌਰਾਨ ਤਾਨੀਆ ਖੰਨਾ ਨੇ ਆਏ ਹੋਏ ਮਹਿਮਾਨਾਂ ਨੂੰ ਸਨਮਾਨਿਤ ਕੀਤਾ। ਇਸ ਮੌਕੇ ਵਿਧਾਇਕ ਕੁੰਵਰ ਵਿਜੇ ਪ੍ਰਤਾਪ ਸਿੰਘ, ਡਿਪਟੀ ਕਮਿਸ਼ਨਰ ਸੰਦੀਪ ਰਿਸ਼ੀ, ਸੀਨੀਅਰ ਵਾਈਸ ਚੇਅਰਪਰਸਨ ਸਿਮਰਨ ਸਰਾਏ, ਵਾਈਸ ਚੇਅਰਪਰਸਨ ਦ੍ਰਿਸ਼ਟੀ ਖੁਰਾਣਾ, ਖ਼ਜ਼ਾਨਚੀ ਆਸ਼ਨਾ ਕੋਡੀਆ, ਸ਼ਿਖਾ ਸ਼ਰੀਨ, ਅਰੂਪਵਾ ਕਪੂਰ, ਆਰੂਸ਼ੀ ਵਰਮਾ, ਮਨਜੋਤ ਢਿੱਲੋਂ, ਗੋਰੀ ਬਾਂਸਲ, ਅਸ਼ੌਕ ਸੇਠੀ ਆਦਿ ਹਾਜ਼ਰ ਸਨ।