ਅਪੋਲੋ ਹਸਪਤਾਲ ਦੀ ਫਾਰਮੇਸੀ 'ਤੇ 11,700 ਰੁਪਏ ਲੁੱਟੇ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਅੰਮ੍ਰਿਤਸਰ : ਸਿਵਲ ਲਾਈਨਜ਼ ਥਾਣੇ ਦੇ ਅਧਿਕਾਰ ਖੇਤਰ ਅਧੀਨ ਲਿਬਰਟੀ ਮਾਰਕੀਟ ਨੇੜੇ ਅਪੋਲੋ ਹਸਪਤਾਲ ਦੀ ਫਾਰਮੇਸੀ ਵਿਚ ਇਕ ਵਿਅਕਤੀ ਦਾਖਲ ਹੋਇਆ ਅਤੇ ਗੰਡਾਸੀ ਨਾਲ ਧਮਕੀ ਦੇ ਕੇ 11,700 ਰੁਪਏ ਲੁੱਟ ਲਏ। ਮੁਲਜਮ ਕੰਬਲ ਦੀ ਬੱਕਲ ਨਾਲ ਮਾਰ ਕੇ ਦਵਾਈ ਲੈਣ ਆਇਆ ਸੀ। ਜਾਂਚ ਤੋਂ ਬਾਅਦ ਸਿਵਲ ਲਾਈਨਜ਼ ਥਾਣੇ ਨੇ ਰਾਜਾਸਾਂਸੀ ਅੱਡਾ ਨੇੜੇ ਰਹਿਣ ਵਾਲੇ ਕਰਨਦੀਪ ਸਿੰਘ ਦੀ ਸ਼ਿਕਾਇਤ ਦੇ ਅਧਾਰ ਤੇ ਲੋਪੋਕੇ ਦੇ ਰਹਿਣ ਵਾਲੇ ਸਰਵਣ ਸਿੰਘ ਵਿਰੁੱਧ ਮਾਮਲਾ ਦਰਜ ਕੀਤਾ। ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਉਹ ਪਿਛਲੇ ਦੋ ਸਾਲਾਂ ਤੋਂ ਅਪੋਲੋ ਹਸਪਤਾਲ ਦੀ ਫਾਰਮੇਸੀ ਵਿਚ ਕੰਮ ਕਰ ਰਿਹਾ ਹੈ। ਸੋਮਵਾਰ ਨੂੰ ਉਹ ਫਾਰਮੇਸੀ ਵਿਚ ਰਾਤ ਦੀ ਡਿਊਟੀ ਤੇ ਸੀ, ਜੋ ਸਵੇਰੇ 8 ਵਜੇ ਖਤਮ ਹੋਣ ਵਾਲੀ ਸੀ। ਉਹ ਫਾਰਮੇਸੀ ਤੇ ਬੈਠਾ ਸੀ ਜਦੋਂ ਦੋਸ਼ੀ ਉਸ ਕੋਲ ਆਇਆ ਅਤੇ ਸਿਰ ਦਰਦ ਦੀ ਦਵਾਈ ਲੈਣ ਪਹੁੰਚਿਆ। ਦੋਸ਼ੀ ਨੇ ਆਪਣਾ ਚਿਹਰਾ ਅਤੇ ਸਰੀਰ ਕੰਬਲ ਨਾਲ ਢੱਕਿਆ ਹੋਇਆ ਸੀ ਪਰ ਪੀੜਤ ਨੇ ਉਸ ਨੂੰ ਸਰਵਣ ਵਜੋਂ ਪਛਾਣ ਲਿਆ। ਮੁਲਜ਼ਮ ਨੇ ਫਿਰ ਕੰਬਲ ਵਿਚੋਂ ਗੰਡਾਸੀ ਕੱਢੀ ਅਤੇ ਕੈਸ਼ ਬਾਕਸ ਵਿਚੋਂ 11,700 ਰੁਪਏ ਲੈ ਕੇ ਭੱਜ ਗਏ। ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਜਦੋਂ ਉਸ ਨੇ ਵਿਰੋਧ ਕੀਤਾ ਤਾਂ ਮੁਲਜਮ ਨੇ ਉਸ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ।