ਮਹਾਸ਼ਿਵਰਾਤਰੀ ’ਤੇ ਬਿਜਲੀ ਪਹਿਲਵਾਨ ਮੰਦਰ ਤੋਂ ਕੱਢੀ ਸ਼ਿਵ ਬਰਾਤ ਸ਼ੋਭਾ ਯਾਤਰਾ

ਮਹਾਂਸ਼ਿਵਰਾਤਰੀ ਤੇ ਬਿਜਲੀ ਪਹਿਲਵਾਨ ਮੰਦਰ ਤੋਂ ਕੱਢੀ ਸ਼ਿਵ ਬਰਾਤ ਸ਼ੋਭਾ ਯਾਤਰਾ ਫੋਟੋ: 28 ਤੋਂ 37 ਹਿੰਦੀ ਦਾ ਨੰ ਹੈ। ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ: ਅੰਮ੍ਰਿਤਸਰ: ਮਹਾਸ਼ਿਵਰਾਤਰੀ ਦੇ ਮੌਕੇ ਤੇ ਸ਼੍ਰੀ ਬਿਜਲੀ ਪਹਿਲਵਾਨ ਮੰਦਰ ਤੋਂ ਇੱਕ ਵਿਸ਼ਾਲ ਸ਼ਿਵ ਬਰਾਤ ਸ਼ੋਭਾ ਯਾਤਰਾ ਕੱਢੀ ਗਈ। ਜਿਸ ਵਿੱਚ ਜੈ ਸ਼ਿਵ ਭੋਲੇਨਾਥ ਦੇ ਜੈਕਾਰੇ ਲਗਾਏ ਗਏ। ਸ਼ੋਭਾ ਯਾਤਰਾ ਤੋਂ ਪਹਿਲਾਂ ਮੰਦਰ ਦੇ ਅੰਦਰ ਇੱਕ ਰਸਮੀ ਪੂਜਾ ਕੀਤੀ ਗਈ। ਪੁਜਾਰੀ ਪੰਡਿਤ ਦਲਚੰਦ ਗੋਸਵਾਮੀ, ਪੰਡਿਤ ਹੀਰਾਲਾਲ ਗੋਸਵਾਮੀ, ਪੰਡਿਤ ਵਿਜੇ, ਪੰਡਿਤ ਨਕੁਲ, ਪੰਡਿਤ ਰਾਮ ਸੂਰਤ ਕੌਸ਼ਲ ਅਤੇ ਹੋਰ ਧਾਰਮਿਕ ਸਖਸ਼ੀਅਤਾਂ ਨੇ ਭਗਵਾਨ ਸ਼ਿਵ ਦੀ ਮਹਿਮਾ ਗਾਈ। ਪੂਜਾ ਤੋਂ ਬਾਅਦ ਸ਼ੋਭਾ ਯਾਤਰਾ ਰਵਾਇਤੀ ਰਸਮਾਂ ਨਾਲ ਮੰਦਰ ਦੇ ਕੰਪਲੈਕਸੇ ਤੋਂ ਰਵਾਨਾ ਹੋਈ। ਸ਼ੋਭਾ ਯਾਤਰਾ ਮੰਦਰ ਤੋਂ ਸ਼ੁਰੂ ਹੋ ਕੇ ਗਣਪਤੀ ਟਾਵਰ ਅਤੇ ਨੋਵੇਲਟੀ ਚੌਕ ਤੋਂ ਵਾਪਸ ਮੰਦਰ ਵਿਖੇ ਸਮਾਪਤ ਹੋਈ। ਸ਼ਰਧਾਲੂਆਂ ਨੇ ਰਸਤੇ ਦੇ ਵੱਖ-ਵੱਖ ਥਾਵਾਂ ਤੇ ਫੁੱਲਾਂ ਦੀ ਵਰਖਾ ਕਰਕੇ ਅਤੇ ਪ੍ਰਸ਼ਾਦ ਵੰਡ ਕੇ ਸ਼ੋਭਾ ਯਾਤਰਾ ਦਾ ਸਵਾਗਤ ਕੀਤਾ। ਇਸ ਸ਼ੋਭਾ ਯਾਤਰਾ ਵਿਚ ਭਗਵਾਨ ਸ਼ਿਵ, ਦੇਵੀ ਪਾਰਵਤੀ ਅਤੇ ਸ਼੍ਰੀ ਗਣਪਤੀ ਬੱਪਾ ਦੀਆਂ ਪ੍ਰਭਾਵਸ਼ਾਲੀ ਝਾਕੀਆਂ ਵਿਸ਼ੇਸ਼ ਆਕਰਸ਼ਣ ਸਨ। ਇਸ ਤੋਂ ਇਲਾਵਾ ਭੁਤਾਂ, ਆਤਮਾਵਾਂ, ਹਾਥੀਆਂ, ਘੋੜਿਆਂ ਅਤੇ ਹੋਰ ਧਾਰਮਿਕ ਸ਼ਖਸੀਅਤਾਂ ਦੀਆਂ ਝਾਕੀਆਂ ਨੇ ਸ਼ਰਧਾਲੂਆਂ ਨੂੰ ਮੋਹਿਤ ਕਰ ਦਿੱਤਾ। ਇਸ ਮੌਕੇ ਵਿਧਾਇਕ ਡਾ. ਅਜੇ ਗੁਪਤਾ, ਸਾਬਕਾ ਕੈਬਨਿਟ ਮੰਤਰੀ ਅਨਿਲ ਜੋਸ਼ੀ, ਮੇਅਰ ਜਤਿੰਦਰ ਸਿੰਘ ਮੋਤੀ ਭਾਟੀਆ, ਡਿਪਟੀ ਮੇਅਰ ਪ੍ਰਿਯੰਕਾ ਸ਼ਰਮਾ, ਨਗਰ ਸੁਧਾਰ ਟਰੱਸਟ ਦੇ ਚੇਅਰਮੈਨ ਕਰਮਜੀਤ ਸਿੰਘ ਰਿੰਟੂ, ਕੌਂਸਲਰ ਕ੍ਰਿਤੀ ਅਰੋੜਾ ਆਹੂਜਾ, ਐਮਐਸ ਤੰਵਰ, ਸ਼ਿਖਾ ਮਹਾਜਨਸਮੇਤ ਸ਼ਿਵ ਭਗਤ ਮੌਜੂਦ ਸਨ।