ਤੇਜ ਹਨੇਰੀ ਤੇ ਬੂੰਦਾਬਾਂਦੀ ਨਾਲ ਬਦਲਿਆ ਮੌਸਮ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਅੰਮ੍ਰਿਤਸਰ : ਅੰਮ੍ਰਿਤਸਰ ’ਚ ਮੌਸਮ ਅਚਾਨਕ ਬਦਲ ਗਿਆ। ਸ਼ਾਮ 6:30 ਵਜੇ ਮੀਂਹ ਸ਼ੁਰੂ ਹੋਇਆ, ਜਿਸ ਦੇ ਨਾਲ ਬੱਦਲਾਂ ਦੀ ਤੇਜ਼ ਗਰਜ ਵੀ ਆਈ। ਤੇਜ਼ ਹਵਾਵਾਂ ਨੇ ਕਈ ਥਾਵਾਂ ਤੇ ਦਰੱਖਤ ਸੁੱਟ ਦਿੱਤੇ। ਜਿਵੇਂ ਹੀ ਬੂੰਦਾਬਾਂਦੀ ਸ਼ੁਰੂ ਹੋਈ, ਤਾਪਮਾਨ ਡਿੱਗ ਗਿਆ, ਜਿਸ ਨਾਲ ਗਰਮੀ ਤੋਂ ਰਾਹਤ ਮਿਲੀ। ਹਾਲਾਕਿ ਤੇਜ਼ ਹਵਾਵਾਂ ਨੇ ਸੜਕਾਂ ਤੇ ਧੂੜ ਵੀ ਉਡਾਈ ਅਤੇ ਕੁਝ ਖੇਤਰਾਂ ਵਿਚ ਬਿਜਲੀ ਸਪਲਾਈ ਵਿਚ ਵਿਘਨ ਪਾਇਆ। ਰਣਜੀਤ ਐਵੀਨਿਊ, ਗ੍ਰੀਨ ਐਵੀਨਿਊ ਤੇ ਬਸੰਤ ਐਵੀਨਿਊ ਸਮੇਤ ਖੇਤਰ 5 ’ਚ ਬਿਜਲੀ ਬੰਦ ਹੋ ਗਈ।