ਹਸਪਤਾਲ ਨੇ ਦੋ ਹਫ਼ਤਿਆਂ ’ਚ ਛੇ ਰੋਬੋਟਿਕ ਓਨਕੋ ਸਰਜਰੀਆਂ ਕੀਤੀਆਂ

ਫੋਟੋ-34 ਕੈਪਸ਼ਨ : ਵਿਸ਼ੇਸ਼ ਰਿਪੋਰਟ ਸਰਜਰੀਆਂ ਬਾਰੇ ਜਾਣਕਾਰੀ ਦਿੰਦੇ ਹੋਏ ਅਮਨਦੀਪ ਉਜਾਲਾ ਹਸਪਤਾਲ ਦੇ ਡਾ. ਅਵਤਾਰ ਸਿੰਘ ਅਤੇ ਹੋਰ ਮਾਹਰਾਂ ਦੀ ਟੀਮ। ਗੁਰਜਿੰਦਰ ਮਾਹਲ, ਪੰਜਾਬੀ ਜਾਗਰਣ ਅੰਮ੍ਰਿਤਸਰ : ਅਮਨਦੀਪ ਉਜਾਲਾ ਸਿਗਨਸ ਹਸਪਤਾਲ ਵੱਲੋਂ ਅਤਿ ਆਧੁਨਿਕ ਰੋਬੋਟਿਕ ਸਿਸਟਮ ਦੀ ਸਥਾਪਨਾ ਤੋਂ ਕੇਵਲ ਦੋ ਹਫ਼ਤਿਆਂ ਵਿਚ ਹੀ ਛੇ ਰੋਬੋਟਿਕ ਓਨਕੋ-ਸਰਜਰੀਆਂ ਸਫਲਤਾਪੂਰਵਕ ਕੀਤੀਆਂ ਹਨ। ਉਨ੍ਹਾਂ ਦੱਸਿਆ ਕਿ ਹੁਣ ਹਸਪਤਾਲ ਰੋਜ਼ਾਨਾ ਆਧਾਰ ‘ਤੇ ਜਟਿਲ ਓਨਕੋ ਸਰਜਰੀਆਂ ਜਿਵੇਂ ਕਿ ਥੋਰੇਸਿਕ-ਓਨਕੋ, ਗਾਇਨੀ-ਓਨਕੋ ਅਤੇ ਯੂਰੋ-ਓਨਕੋ ਕਰ ਰਿਹਾ ਹੈ। ਇਸ ਪਹਿਲ ਦਾ ਮਕਸਦ ਮਰੀਜ਼ਾਂ ਨੂੰ ਬਿਨਾਂ ਵੱਡੇ ਸ਼ਹਿਰਾਂ ਵਿਚ ਜਾਏ ਆਧੁਨਿਕ ਕੈਂਸਰ ਇਲਾਜ ਦੀ ਸਹੂਲਤ ਪ੍ਰਦਾਨ ਕਰਨਾ ਹੈ। ਡਾ. ਅਮਨਦੀਪ ਕੌਰ, ਡਾ. ਅਵਤਾਰ ਸਿੰਘ ਡਾਇਰੈਕਟਰ, ਅਮਨਦੀਪ ਹਸਪਤਾਲ ਨੇ ਕਿਹਾ ਕਿ ਸਾਡਾ ਰੋਬੋਟਿਕ ਪ੍ਰੋਗਰਾਮ ਤੇਜ਼ੀ ਨਾਲ ਠੀਕ ਹੋਣ ਅਤੇ ਮਾਹਰ ਸੇਵਾ ਮੁਹੱਈਆ ਕਰਦਾ ਹੈ, ਜੋ ਮਰੀਜ਼ਾਂ ਦੇ ਨਤੀਜਿਆਂ ਵਿਚ ਮਹੱਤਵਪੂਰਨ ਸੁਧਾਰ ਲਿਆਉਂਦਾ ਹੈ। ਅਸੀਂ ਆਪਣੇ ਮਰੀਜ਼ਾਂ ਲਈ ਰੋਬੋਟਿਕ ਸਰਜਰੀ ਲਿਆਉਣ ਲਈ ਉਤਸ਼ਾਹਿਤ ਹਾਂ, ਜਿਸ ਨਾਲ ਉਨ੍ਹਾਂ ਨੂੰ ਘੱਟ ਦਰਦ ਅਤੇ ਤੇਜ਼ ਸੁਧਾਰ ਵਾਲੀ ਮਿਨੀਮਲੀ ਇਨਵੇਸਿਵ ਸਰਜਰੀ ਦੇ ਫਾਇਦੇ ਮਿਲਦੇ ਹਨ। ਡਾ. ਸ਼ੇਸ਼ਾਂਕ ਕਨਸਲਟੈਂਟ ਸਰਜਿਕਲ ਓਨਕੋਲੋਜਿਸਟ ਨੇ ਕਿਹਾ ਕਿ ਇਹ ਤਕਨੀਕ ਸਾਨੂੰ ਵੱਡੀਆਂ ਸਰਜਰੀਆਂ ਨੂੰ ਬਹੁਤ ਜ਼ਿਆਦਾ ਸ਼ੁੱਧਤਾ ਨਾਲ ਕਰਨ ਦੀ ਯੋਗਤਾ ਦਿੰਦੀ ਹੈ। ਡਾ. ਸ਼ਬਾਜ ਸਿੰਘ ਨੇ ਦੱਸਿਆ ਕਿ ਇਹ ਗਰੁੱਪ 25 ਲੱਖ ਤੋਂ ਵੱਧ ਮਰੀਜ਼ਾਂ ਦੀ ਜ਼ਿੰਦਗੀ ‘ਚ ਬਦਲਾਅ ਲਿਆ ਚੁੱਕਾ ਹੈ ਅਤੇ ਖੇਤਰ ਵਿਚ ਸਸਤੀ, ਸੌਖੀ ਅਤੇ ਉੱਚ-ਗੁਣਵੱਤਾ ਵਾਲੀ ਸਿਹਤ ਸੇਵਾ ਲਈ ਨਵੇਂ ਮਾਪਦੰਡ ਸਥਾਪਤ ਕਰ ਰਿਹਾ ਹੈ।