ਅੰਮ੍ਰਿਤਸਰ-ਨਵੀਂ ਤਿਨਸੁਕੀਆ ਵਿਸ਼ੇਸ਼ ਰੇਲਗੱਡੀ 22 ਨੂੰ ਚੱਲੇਗੀ ਤੇ 26 ਨੂੰ ਵਾਪਸੀ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਅੰਮ੍ਰਿਤਸਰ : ਈਦ-ਉਲ-ਫਿਤਰ ਦੌਰਾਨ ਭੀੜ ਨੂੰ ਘੱਟ ਕਰਨ ਲਈ ਉੱਤਰੀ ਰੇਲਵੇ 22 ਮਾਰਚ ਨੂੰ ਅੰਮ੍ਰਿਤਸਰ-ਨਵੀਂ ਤਿਨਸੁਕੀਆ (ਅਸਾਮ) ਈਦ ਵਿਸ਼ੇਸ਼ ਰੇਲਗੱਡੀ ਚਲਾ ਰਿਹਾ ਹੈ, ਜੋ 26 ਤਰੀਕ ਨੂੰ ਵਾਪਸ ਆਵੇਗੀ। ਇਸ ’ਚ ਕੋਚਾਂ ਦੀਆਂ ਤਿੰਨੇ ਸ਼੍ਰੇਣੀਆਂ: ਏਸੀ, ਸਲੀਪਰ ਤੇ ਜਨਰਲ ਸ਼ਾਮਲ ਹੋਣਗੇ, ਜਿਸ ਨਾਲ ਜੀਵਨ ਦੇ ਹਰ ਖੇਤਰ ਦੇ ਯਾਤਰੀ ਇਸ ਰੇਲਗੱਡੀ ਦਾ ਲਾਭ ਲੈ ਸਕਣਗੇ। ਜਾਣਕਾਰੀ ਅਨੁਸਾਰ (04626) ਅੰਮ੍ਰਿਤਸਰ-ਨਿਊ ਤਿਨਸੁਕੀਆ ਸਪੈਸ਼ਲ ਟ੍ਰੇਨ 22 ਮਾਰਚ ਨੂੰ ਰਾਤ 8:10 ਵਜੇ ਅੰਮ੍ਰਿਤਸਰ ਤੋਂ ਰਵਾਨਾ ਹੋਵੇਗੀ ਤੇ ਆਪਣੀ ਯਾਤਰਾ ਦੇ ਚੌਥੇ ਦਿਨ ਬੁੱਧਵਾਰ ਨੂੰ ਸਵੇਰੇ 8 ਵਜੇ ਨਿਊ ਤਿਨਸੁਕੀਆ ਰੇਲਵੇ ਸਟੇਸ਼ਨ ਪਹੁੰਚੇਗੀ, 38 ਸਟੇਸ਼ਨਾਂ ’ਚੋਂ ਲੰਘਦੀ ਹੋਈ। ਫਿਰ ਇਕ ਦਿਨ ਦੇ ਠਹਿਰਾਅ ਤੋਂ ਬਾਅਦ ਇਹ ਅੰਮ੍ਰਿਤਸਰ ਵਾਪਸ ਆਵੇਗੀ। (04625) ਨਵੀਂ ਤਿਨਸੁਕੀਆ-ਅੰਮ੍ਰਿਤਸਰ ਸਪੈਸ਼ਲ ਟ੍ਰੇਨ 26 ਮਾਰਚ ਨੂੰ ਸਵੇਰੇ 07.30 ਵਜੇ ਨਿਊ ਤਿਨਸੁਕੀਆ ਤੋਂ ਰਵਾਨਾ ਹੋਵੇਗੀ ਤੇ ਸ਼ਨੀਵਾਰ ਨੂੰ ਸ਼ਾਮ 19.30 ਵਜੇ ਅੰਮ੍ਰਿਤਸਰ ਪਹੁੰਚੇਗੀ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ, (04626) ਅੰਮ੍ਰਿਤਸਰ-ਨਿਊ ਤਿਨਸੁਕੀਆ ਸਪੈਸ਼ਲ ਟ੍ਰੇਨ ਲਈ ਸ਼ਨੀਵਾਰ ਦੁਪਹਿਰ 3 ਵਜੇ ਤੱਕ ਫਸਟ ਏਸੀ ਵਿਚ 10 ਵਿੱਚੋਂ 4 ਸੀਟਾਂ, ਸੈਕਿੰਡ ਏਸੀ ਵਿਚ 66 ਵਿੱਚੋਂ 39 ਸੀਟਾਂ, ਥਰਡ ਏਸੀ ਵਿੱਚ 128 ਵਿੱਚੋਂ 73 ਸੀਟਾਂ ਅਤੇ ਸਲੀਪਰ ਵਿਚ 576 ਵਿੱਚੋਂ 260 ਸੀਟਾਂ ਬੁੱਕ ਕੀਤੀਆਂ ਗਈਆਂ ਹਨ। ਟ੍ਰੇਨ ਕਿਹੜੇ ਰੇਲਵੇ ਸਟੇਸ਼ਨਾਂ ਤੇ ਰੁਕੇਗੀ ਬਿਆਸ, ਜਲੰਧਰ ਸ਼ਹਿਰ, ਫਗਵਾੜਾ, ਢੰਡਾਰੀ ਕਲਾਂ, ਅੰਬਾਲਾ ਛਾਉਣੀ, ਯਮੁਨਾਨਗਰ ਜਗਾਧਰੀ, ਸਹਾਰਨਪੁਰ, ਮੁਰਾਦਾਬਾਦ, ਬਰੇਲੀ, ਸ਼ਾਹਜਹਾਨਪੁਰ, ਹਰਦੋਈ, ਆਲਮਨਗਰ, ਉਤਰੇਤੀਆ, ਰਾਏਬਰੇਲੀ, ਮਾਂ ਬੇਲਹਾ ਦੇਵੀ ਧਾਮ, ਪ੍ਰਤਾਪਗੜ੍ਹ, ਵਾਰਾਣਸੀ, ਗਾਜ਼ੀਪੁਰ ਸ਼ਹਿਰ, ਸਪਰਾਪੁਰ, ਹਾਜੀਪੁਰ, ਛੱਜਾਪੁਰ, ਬਲੀਆਪੁਰ ਸ਼ਹਿਰ ਸਮਸਤੀਪੁਰ, ਬਰੌਨੀ, ਬੇਗੂ ਸਰਾਏ, ਨੌਗਾਚੀਆ, ਕਟਿਹਾਰ, ਬਰਸੋਈ, ਅਲੂਬਾੜੀ ਰੋਡ, ਨਿਊ ਜਲਪਾਈਗੁੜੀ, ਨਿਊ ਕੂਚ ਬਿਹਾਰ, ਨਿਊ ਅਲੀਪੁਰਦੁਆਰ, ਨਿਊ ਬੋਂਗਾਈਗਾਓਂ, ਰੰਗੀਆ, ਰੰਗਾਪਾੜਾ ਉੱਤਰੀ, ਹਰਮੁਤੀ, ਧਮਾਲਗਾਓਂ ਤੇ ਡਿਬਰੂਗੜ੍ਹ।