ਮਹਾਂਨਗਰ ’ਚ ਗੂੰਜੇਗੀ ਸ਼ਹਿਨਾਈ ਦੀ ਧੁੰਨ

41 ਹਿੰਦੀ * 1 ਤੋਂ 4 ਮਾਰਚ ਤੱਕ ਸ਼੍ਰੀ ਦੁਰਗਿਆਣਾ ਤੀਰਥ ਵਿਖੇ ਸੰਗੀਤ ਸੰਮੇਲਨ ਆਯੋਜਿਤ ਕੀਤਾ ਜਾਵੇਗਾ * ਦੇਸ਼ ਭਰ ਦੇ ਪ੍ਰਸਿੱਧ ਕਲਾਕਾਰ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕਰਨਗੇ ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਅੰਮ੍ਰਿਤਸਰ : 1 ਤੋਂ 4 ਮਾਰਚ ਤੱਕ ਸ਼੍ਰੀ ਦੁਰਗਿਆਣਾ ਤੀਰਥ ਵਿਖੇ ਰਾਗ ਦੀਆਂ ਸੁਰੀਲੀਆਂ ਧੁਨਾਂ ਗੂੰਜਣਗੀਆਂ, ਜਿਸ ਵਿਚ ਦੇਸ਼ ਭਰ ਦੇ ਕਲਾਕਾਰ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕਰਨਗੇ ਅਤੇ ਲੋਕਾਂ ਨੂੰ ਸ਼ਰਧਾ ਵਿਚ ਲੀਨ ਕਰਨਗੇ। ਪਿਛਲੇ 121 ਸਾਲਾਂ ਤੋਂ ਸ਼੍ਰੀ ਲਕਸ਼ਮੀ ਨਾਰਾਇਣ ਰਾਗ ਸਭਾ ਸੁਸਾਇਟੀ ਮਹਾਂਨਗਰ ਵਿਚ ਸੰਗੀਤ ਸੰਮੇਲਨ ਦਾ ਆਯੋਜਨ ਕਰ ਰਹੀ ਹੈ। 1 ਮਾਰਚ ਨੂੰ ਸੰਗੀਤ ਸੰਮੇਲਨ ਸ਼੍ਰੀ ਦੁਰਗਿਆਣਾ ਤੀਰਥ ਦੇ ਵੇਦ ਕਥਾ ਭਵਨ ਵਿਖੇ ਹੋਵੇਗਾ, ਜਿਸ ਦਾ ਸ਼ੁਭ ਆਰੰਭ ਜ਼ਿਲ੍ਹਾ ਮੈਜਿਸਟ੍ਰੇਟ ਦਲਵਿੰਦਰਜੀਤ ਸਿੰਘ ਸਵੇਰੇ 11 ਵਜੇ ਕਰਨਗੇ। ਸ਼੍ਰੀ ਲਕਸ਼ਮੀ ਨਰਾਇਣ ਰਾਗ ਸਭਾ ਸੁਸਾਇਟੀ ਦੇ ਸੁਰਿੰਦਰ ਦੁੱਗਲ ਨੇ ਦੱਸਿਆ ਕਿ ਇਸ ਰਾਗ ਸੰਮੇਲਨ ਵਿਚ ਸ਼ਹਿਨਾਈ ਤੇ ਵਿਸ਼ਵਨਾਥ, ਵਾਇਲਿਨ ਤੇ ਸੰਗੀਤਾ ਸ਼ੰਕਰ, ਹਾਰਮੋਨੀਅਮ ਤੇ ਜ਼ਾਕਿਰ ਡੋਲਪੁਰੀ, ਵੋਕਲ ਤੇ ਸ਼ਰੂਤੀ ਮਰਾੜੇ, ਵੋਕਲ ਤੇ ਮਜੀਦ ਖਾਨ, ਵੋਕਲ ਤੇ ਭੁਵਨੇਸ਼, ਕੋਮਕਲੀ ਸਿਤਾਰ ਅਤੇ ਸਰੋਦ ਜੁਗਲਬੰਦੀ, ਤਬਲਾ ਤੇ ਮੋਹਤਬਰ ਧੁਨੰਤੀ, ਜੁਗਲਬੰਦੀ ਸ਼ੁਚਿਮਤਾ ਅਤੇ ਡੱਬੂ ਪ੍ਰਿਆ ਅਤੇ ਹੋਰ ਕਈ ਕਲਾਕਾਰ ਹਿੱਸਾ ਲੈਣਗੇ। ਮੀਟਿੰਗ ਵਿਚ ਸੁਦਰਸ਼ਨ ਕਪੂਰ, ਸੁਧੀਰ ਮਹਿਰਾ, ਲਾਜਪਤ ਰਾਏ ਖੰਨਾ, ਅਨਿਲ ਪੁਰੀ, ਪਿਆਰੇਲਾਲ ਸੇਠ, ਰਿਤੂ ਸ਼ਰਮਾ, ਸ਼ਰਨ ਅਰੋੜਾ, ਐਸਕੇ ਵਧਵਾ, ਸੁਰਿੰਦਰ, ਵਿਨੋਦ ਸਚਦੇਵਾ, ਪ੍ਰਦੀਪ ਮਹਿਰਾ, ਰਵੀ ਕੁਮਾਰ, ਰਮੇਸ਼ ਭਗਤ, ਪੰਡਿਤ ਕਾਲੇ ਰਾਮ ਅਤੇ ਹੋਰ ਮੈਂਬਰ ਹਾਜ਼ਰ ਸਨ।