ਰੂਸ ਜੰਗ ਦੀ ਭੇਟ ਚੜ੍ਹੇ ਦੋ ਨੌਜਵਾਨ: DNA ਟੈਸਟ ਰਾਹੀਂ ਹੋਈ ਪਛਾਣ, ਡੇਢ ਸਾਲ ਬਾਅਦ ਘਰ ਪਹੁੰਚਿਆ ਕੰਕਾਲ

ਸਿਖਲਾਈ ਦੇ ਕੁਝ ਸਮੇਂ ਬਾਅਦ ਹੀ ਰੂਸ ਤੋਂ ਪਰਿਵਾਰ ਨੂੰ ਸੂਚਨਾ ਮਿਲੀ ਕਿ ਅਜ਼ਹਰੂਦੀਨ ਜੰਗ ਦੌਰਾਨ ਜ਼ਖ਼ਮੀ ਹੋ ਗਿਆ ਹੈ ਅਤੇ ਉਸ ਦਾ ਕੁਝ ਪਤਾ ਨਹੀਂ ਲੱਗ ਰਿਹਾ। ਇਸ ਤੋਂ ਬਾਅਦ ਉਸ ਦਾ ਭਰਾ ਖ਼ੁਦ ਰੂਸ ਗਿਆ ਅਤੇ ਪਛਾਣ ਲਈ ਆਪਣਾ ਡੀਐੱਨਏ (DNA) ਸੈਂਪਲ ਦੇ ਕੇ ਵਾਪਸ ਪਰਤਿਆ। ਕਰੀਬ ਦਸ ਦਿਨ ਪਹਿਲਾਂ ਪਰਿਵਾਰ ਨੂੰ ਅਧਿਕਾਰਤ ਤੌਰ 'ਤੇ ਸੂਚਿਤ ਕੀਤਾ ਗਿਆ ਕਿ ਅਜ਼ਹਰੂਦੀਨ ਦੀ ਲਾਸ਼ ਬਰਾਮਦ ਹੋ ਗਈ ਹੈ ਅਤੇ ਡੀਐੱਨਏ ਜਾਂਚ ਰਾਹੀਂ ਉਸ ਦੀ ਪਛਾਣ ਦੀ ਪੁਸ਼ਟੀ ਹੋ ਚੁੱਕੀ ਹੈ। ਵੀਰਵਾਰ ਸ਼ਾਮ ਕਰੀਬ 7:15 ਵਜੇ ਅਜ਼ਹਰੂਦੀਨ ਦੇ ਅਵਸ਼ੇਸ਼ ਉਸ ਦੇ ਘਰ ਪਹੁੰਚੇ। ਪਰਿਵਾਰ ਮੁਤਾਬਕ ਸ਼ੁੱਕਰਵਾਰ ਦੁਪਹਿਰ ਤੋਂ ਬਾਅਦ ਉਸ ਦਾ ਅੰਤਿਮ ਸੰਸਕਾਰ ਕੀਤਾ ਜਾਵੇਗਾ। ਇਸੇ ਤਰ੍ਹਾਂ ਆਰਾਜੀ ਦੇਵਾਰਾ ਕਰਖੀਆ ਦੇ ਰਹਿਣ ਵਾਲੇ ਇੱਕ ਹੋਰ ਨੌਜਵਾਨ ਰਾਮਚੰਦਰ ਦੀ ਲਾਸ਼ ਵੀ ਉਸ ਦੇ ਘਰ ਪਹੁੰਚੀ ਹੈ, ਜੋ ਰੂਸ 'ਚ ਹੀ ਜੰਗ ਦੀ ਭੇਟ ਚੜ੍ਹ ਗਿਆ ਸੀ।