ਛੱਤ 'ਤੇ ਚੜ੍ਹ ਕੇ ਬਰਾਤ ਦੇਖ ਰਹੀ ਸੀ ਮੁਟਿਆਰ, ਹੋਇਆ ਕੁਝ ਅਜਿਹਾ; ਪੁਲਿਸ ਪਹਿਰੇ ਹੇਠ ਕਰਨੀ ਪਈ ਡੋਲੀ ਦੀ ਵਿਦਾਈ

ਰਾਤ ਕਰੀਬ ਸਾਢੇ 10 ਵਜੇ ਬਰਾਤ ਦੀ ਚੜ੍ਹਤ ਹੋ ਰਹੀ ਸੀ। ਬਰਾਤ ਦੇਖਣ ਲਈ ਆਸ-ਪਾਸ ਦੀਆਂ ਔਰਤਾਂ ਅਤੇ ਬੱਚੇ ਵੀ ਘਰਾਂ ਦੀਆਂ ਛੱਤਾਂ 'ਤੇ ਆ ਗਏ ਸਨ। ਇਸੇ ਦੌਰਾਨ ਕਿਸੇ ਬਰਾਤੀ ਨੇ ਹਵਾਈ ਫਾਇਰਿੰਗ ਕਰ ਦਿੱਤੀ। ਗੋਲੀ ਛੱਤ ਤੋਂ ਬਰਾਤ ਦੇਖ ਰਹੀ 21 ਸਾਲਾ ਜੇਸਿਕਾ ਸ਼ੰਕਰ ਦੇ ਮੋਢੇ ਵਿੱਚ ਲੱਗ ਗਈ। ਜ਼ਖ਼ਮੀ ਜੇਸਿਕਾ ਨੂੰ ਪਰਿਵਾਰ ਵਾਲੇ ਜਗਦੰਬਾ ਹਸਪਤਾਲ ਲੈ ਗਏ। ਇਲਾਜ ਤੋਂ ਬਾਅਦ ਮੁਟਿਆਰ ਦੀ ਹਾਲਤ ਖ਼ਤਰੇ ਤੋਂ ਬਾਹਰ ਦੱਸੀ ਜਾ ਰਹੀ ਹੈ।

ਐੱਸ.ਪੀ. (ਦੇਹਾਤ) ਅਭਿਜੀਤ ਕੁਮਾਰ ਨੇ ਦੱਸਿਆ ਕਿ ਘਟਨਾ ਵਾਲੀ ਥਾਂ 'ਤੇ ਕੋਈ ਸੀਸੀਟੀਵੀ (CCTV) ਕੈਮਰਾ ਨਹੀਂ ਸੀ। ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮੁਕੱਦਮਾ ਦਰਜ ਕਰਕੇ ਮੁਲਜ਼ਮਾਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਜਾਂਚ ਤੋਂ ਬਾਅਦ ਹੀ ਪਤਾ ਲੱਗ ਸਕੇਗਾ ਕਿ ਹਥਿਆਰ ਲਾਇਸੰਸੀ ਸੀ ਜਾਂ ਨਾਜਾਇਜ਼।