ਚਾਰੇ ਪਾਸੇ ਬਰਫ਼ ਤੇ ਧੂੰਏਂ ਦਾ ਗੁਬਾਰ... ਹਿਮਾਚਲ ਦੇ ਪ੍ਰਾਚੀਨ ਗਿਰੜ ਮਾਤਾ ਮੰਦਰ 'ਚ ਲੱਗੀ ਭਿਆਨਕ ਅੱਗ, ਧੂ-ਧੂ ਕਰਕੇ ਸੜਿਆ ਮੰਦਰ

ਇਹ ਮੰਦਰ ਪੰਚਾਇਤ ਖੁੰਦੇਲ ਦੇ ਗਿਰੜ ਪਿੰਡ ਵਿੱਚ ਇੱਕ ਚੱਟਾਨ ਉੱਤੇ ਸਥਿਤ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਮੰਦਰ ਲਗਪਗ 200 ਤੋਂ 700 ਸਾਲ ਪੁਰਾਣਾ ਸੀ ਅਤੇ ਦੇਵਦਾਰ ਦੀ ਕੀਮਤੀ ਲੱਕੜ ਨਾਲ ਬਣਿਆ ਹੋਇਆ ਸੀ। ਅੱਗ ਇੰਨੀ ਭਿਆਨਕ ਸੀ ਕਿ ਪੂਰਾ ਮੰਦਰ ਸੜ ਕੇ ਸੁਆਹ ਹੋ ਗਿਆ। ਮੰਦਰ ਦੇ ਅੰਦਰ ਮੌਜੂਦ ਸੰਗਮਰਮਰ, ਕਾਲੇ ਪੱਥਰ ਅਤੇ ਪਿੱਤਲ ਦੀਆਂ ਮੂਰਤੀਆਂ ਨੂੰ ਵੀ ਭਾਰੀ ਨੁਕਸਾਨ ਪਹੁੰਚਿਆ ਹੈ। ਅੱਗ ਲੱਗਣ ਦਾ ਕਾਰਨ ਅਜੇ ਸਪੱਸ਼ਟ ਨਹੀਂ ਹੋ ਸਕਿਆ ਹੈ ਪਰ ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਇਹ ਸ਼ਾਰਟ ਸਰਕਟ ਕਾਰਨ ਲੱਗੀ ਹੋ ਸਕਦੀ ਹੈ। ਮੰਦਰ ਦੇ ਚਾਰੇ ਪਾਸੇ ਭਾਰੀ ਬਰਫ਼ਬਾਰੀ ਹੋਈ ਸੀ। ਸਥਾਨਕ ਲੋਕਾਂ ਨੇ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਅੱਗ ਦੀਆਂ ਲਪਟਾਂ ਇੰਨੀਆਂ ਤੇਜ਼ ਸਨ ਕਿ ਉਹ ਨਾਕਾਮ ਰਹੇ। ਦੱਸਣਯੋਗ ਹੈ ਕਿ ਬਰਫ਼ਬਾਰੀ ਕਾਰਨ ਮੰਦਰ ਦੇ ਕਪਾਟ ਦਸੰਬਰ ਤੋਂ ਅਪ੍ਰੈਲ ਤੱਕ ਬੰਦ ਰਹਿੰਦੇ ਹਨ।