ਜਿਸ ਵਿਹੜੇ ’ਚੋਂ ਦੁਲਹਨ ਲਿਆਉਣ ਲਈ ਨਿਕਲੀ ਬਰਾਤ, ਉਥੋਂ ਹੀ ਕੁਝ ਘੰਟਿਆਂ ਬਾਅਦ ਉੱਠੀਆਂ ਸੱਤ ਅਰਥੀਆਂ; ਮਾਤਮ ’ਚ ਬਦਲੀਆਂ ਖ਼ੁਸ਼ੀਆਂ

ਨਰਿੰਦਰ ਰਾਜ ਜੋਸ਼ੀ ਬਿਤਥੜਚੀਰ-ਸਾਤ ਦੇ ਵਾਰਡ ਮੈਂਬਰ ਸਨ, ਜਦਕਿ ਉਨ੍ਹਾਂ ਦੇ ਭਰਾ ਵਿਸ਼ਨੂੰ ਦੱਤ ਜੋਸ਼ੀ ਸਥਾਨਕ ਮਹਾਦੇਵ ਸੈਕੰਡਰੀ ਸਕੂਲ ਵਿੱਚ ਅੰਗਰੇਜ਼ੀ ਦੇ ਅਧਿਆਪਕ ਵਜੋਂ ਸੇਵਾਵਾਂ ਨਿਭਾ ਰਹੇ ਸਨ। ਮ੍ਰਿਤਕਾਂ ਵਿੱਚ ਬਸੰਤ ਰਾਜ ਜੋਸ਼ੀ ਉਨ੍ਹਾਂ ਦਾ ਭਤੀਜਾ ਸੀ। ਕੇਸ਼ਵ ਰਾਜ ਜੋਸ਼ੀ ਅਤੇ ਅਸ਼ੋਕ ਰਾਜ ਜੋਸ਼ੀ ਪਿਓ-ਪੁੱਤ ਸਨ, ਜਿਨ੍ਹਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।

ਕਿਸ਼ਨ ਦੱਤ ਜੋਸ਼ੀ ਅਤੇ ਬਿਸ਼ਨ ਦੱਤ ਜੋਸ਼ੀ ਨੇ ਡਡੇਲਧੁਰਾ ਹਸਪਤਾਲ ਲਿਜਾਂਦੇ ਸਮੇਂ ਰਸਤੇ ਵਿੱਚ ਦਮ ਤੋੜ ਦਿੱਤਾ। ਇਸੇ ਬੱਸ ਵਿੱਚ ਦੁਲਹਨ ਨੂੰ ਉਸ ਦੇ ਸਹੁਰੇ ਘਰ ਛੱਡਣ ਜਾ ਰਿਹਾ ਉਸ ਦਾ ਛੋਟਾ ਭਰਾ ਸੁਸ਼ੀਲ ਜੋਸ਼ੀ ਵੀ ਇਸ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਇੱਕੋ ਪਰਿਵਾਰ 'ਤੇ ਟੁੱਟੇ ਇਸ ਭਿਆਨਕ ਦੁੱਖ ਕਾਰਨ ਨਾ ਸਿਰਫ਼ ਲਗੁਣਾਸਾ ਪਿੰਡ ਸਗੋਂ ਪੂਰਾ ਖੇਤਰ ਸਦਮੇ ਵਿੱਚ ਹੈ। ਲੋਕ ਇਸ ਹਿਰਦੇਵੇਦਕ ਘਟਨਾ ਨੂੰ ਯਾਦ ਕਰਕੇ ਕੰਬ ਉੱਠਦੇ ਹਨ ਅਤੇ ਪੀੜਤ ਪਰਿਵਾਰ ਨਾਲ ਡੂੰਘੀ ਹਮਦਰਦੀ ਪ੍ਰਗਟ ਕਰ ਰਹੇ ਹਨ।