ਰਸਗੁੱਲਾ ਬਣਿਆ ਕਾਲ: ਗਲੇ ’ਚ ਫਸਣ ਕਾਰਨ ਨੌਜਵਾਨ ਦੀ ਗਈ ਜਾਨ; ਖ਼ੁਸ਼ੀਆਂ ਵਾਲੇ ਘਰ ਪਸਰਿਆ ਮਾਤਮ
ਖ਼ੁਸ਼ੀਆਂ ਨਾਲ ਭਰੇ ਵਿਆਹ ਵਾਲੇ ਘਰ ਵਿੱਚ ਉਸ ਵੇਲੇ ਚੀਕ-ਚਿਹਾੜਾ ਮਚ ਗਿਆ, ਜਦੋਂ ਇੱਕ ਵਿਅਕਤੀ ਦੀ ਮਹਿਜ਼ ਇੱਕ ਰਸਗੁੱਲਾ ਖਾਣ ਨਾਲ ਜਾਨ ਚਲੀ ਗਈ। ਮਾਮਲਾ ਜਮਸ਼ੇਦਪੁਰ ਦੇ ਐੱਮ.ਜੀ.ਐੱਮ. ਥਾਣਾ ਖੇਤਰ ਦੇ ਬੇਲਾਜੁੜੀ ਪੰਚਾਇਤ ਅਧੀਨ ਪੈਂਦੇ ਪਿੰਡ ਮਾਲੀਆਂਤਾ ਦਾ ਹੈ।
Posted By Anuradha Bains
Publish Date: Mon, 16 Mar 2026 03:07 PM (IST)
Updated Date: Mon, 16 Mar 2026 03:08 PM (IST)
ਜਾਗਰਣ ਸੰਵਾਦਦਾਤਾ, ਜਮਸ਼ੇਦਪੁਰ। ਖ਼ੁਸ਼ੀਆਂ ਨਾਲ ਭਰੇ ਵਿਆਹ ਵਾਲੇ ਘਰ ਵਿੱਚ ਉਸ ਵੇਲੇ ਚੀਕ-ਚਿਹਾੜਾ ਮਚ ਗਿਆ, ਜਦੋਂ ਇੱਕ ਵਿਅਕਤੀ ਦੀ ਮਹਿਜ਼ ਇੱਕ ਰਸਗੁੱਲਾ ਖਾਣ ਨਾਲ ਜਾਨ ਚਲੀ ਗਈ। ਮਾਮਲਾ ਜਮਸ਼ੇਦਪੁਰ ਦੇ ਐੱਮ.ਜੀ.ਐੱਮ. ਥਾਣਾ ਖੇਤਰ ਦੇ ਬੇਲਾਜੁੜੀ ਪੰਚਾਇਤ ਅਧੀਨ ਪੈਂਦੇ ਪਿੰਡ ਮਾਲੀਆਂਤਾ ਦਾ ਹੈ।
ਸ਼ੁੱਕਰਵਾਰ ਦੇਰ ਰਾਤ ਕਰੀਬ 1:00 ਵਜੇ ਵਾਪਰੀ ਇਸ ਘਟਨਾ ਨੇ ਹਰ ਕਿਸੇ ਨੂੰ ਹੈਰਾਨ ਕਰ ਦਿੱਤਾ ਹੈ। ਮ੍ਰਿਤਕ ਦੀ ਪਛਾਣ 41 ਸਾਲਾ ਲਲਿਤ ਸਿੰਘ ਵਜੋਂ ਹੋਈ ਹੈ। ਚਸ਼ਮਦੀਦਾਂ ਅਨੁਸਾਰ, ਲਲਿਤ ਸਿੰਘ ਪਿੰਡ ਵਿੱਚ ਹੋ ਰਹੇ ਇੱਕ ਵਿਆਹ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ ਗਏ ਹੋਏ ਸਨ।
ਰਾਤ ਦੇ ਖਾਣੇ ਦੌਰਾਨ ਜਿਵੇਂ ਹੀ ਉਨ੍ਹਾਂ ਨੇ ਰਸਗੁੱਲਾ ਖਾਧਾ, ਉਹ ਉਨ੍ਹਾਂ ਦੇ ਗਲੇ ਵਿੱਚ ਫਸ ਗਿਆ। ਰਸਗੁੱਲਾ ਫਸਦੇ ਹੀ ਲਲਿਤ ਨੂੰ ਸਾਹ ਲੈਣ ਵਿੱਚ ਭਾਰੀ ਤਕਲੀਫ਼ ਹੋਣ ਲੱਗੀ ਅਤੇ ਉਹ ਤੜਫਣ ਲੱਗ ਪਏ।
ਉੱਥੇ ਮੌਜੂਦ ਲੋਕਾਂ ਨੇ ਤੁਰੰਤ ਉਨ੍ਹਾਂ ਦੇ ਗਲੇ ਵਿੱਚੋਂ ਰਸਗੁੱਲਾ ਕੱਢਣ ਦੀ ਕੋਸ਼ਿਸ਼ ਕੀਤੀ, ਪਰ ਤਮਾਮ ਕੋਸ਼ਿਸ਼ਾਂ ਦੇ ਬਾਵਜੂਦ ਸਫਲਤਾ ਨਹੀਂ ਮਿਲੀ। ਹਾਲਤ ਤੇਜ਼ੀ ਨਾਲ ਵਿਗੜਦੀ ਦੇਖ ਕੇ ਪਰਿਵਾਰਕ ਮੈਂਬਰ ਅਤੇ ਦੋਸਤ ਉਨ੍ਹਾਂ ਨੂੰ ਤੁਰੰਤ ਟਾਟਾ ਮੇਨ ਹਸਪਤਾਲ (TMH) ਲੈ ਗਏ।
ਹਾਲਾਂਕਿ, ਹਸਪਤਾਲ ਪਹੁੰਚਣ ਤੱਕ ਕਾਫ਼ੀ ਦੇਰ ਹੋ ਚੁੱਕੀ ਸੀ। ਡਾਕਟਰਾਂ ਨੇ ਜਾਂਚ ਤੋਂ ਬਾਅਦ ਉਨ੍ਹਾਂ ਨੂੰ 'ਬ੍ਰੌਟ ਡੈੱਡ' (ਮ੍ਰਿਤਕ ਐਲਾਨ) ਕਰ ਦਿੱਤਾ। ਸ਼ਨੀਵਾਰ ਨੂੰ ਪੋਸਟਮਾਰਟਮ ਤੋਂ ਬਾਅਦ ਲਾਸ਼ ਵਾਰਸਾਂ ਨੂੰ ਸੌਂਪ ਦਿੱਤੀ ਗਈ ਹੈ।
ਡਾਕਟਰਾਂ ਦੀ ਰਾਏ: ਅਖ਼ੀਰ ਕਿਉਂ ਹੋਈ ਮੌਤ?
ਇਸ ਅਜੀਬੋ-ਗਰੀਬ ਅਤੇ ਦੁਖਦਾਈ ਮੌਤ ਨੇ ਕਈ ਸਵਾਲ ਖੜ੍ਹੇ ਕਰ ਦਿੱਤੇ ਸਨ। ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਐੱਮ.ਜੀ.ਐੱਮ. ਹਸਪਤਾਲ ਦੇ ਡਾ. ਬਲਰਾਮ ਝਾਅ ਨੇ ਚਿਕਿਤਸਾ ਵਿਗਿਆਨ ਦੇ ਨਜ਼ਰੀਏ ਤੋਂ ਇਸ ਦੀ ਅਸਲੀ ਵਜ੍ਹਾ ਸਪੱਸ਼ਟ ਕੀਤੀ ਹੈ।